Matasa sun yi zanga-zanga kan yunwa a Adamawa
Published: 18th, October 2025 GMT
Wasu gungun matasa sun gudanar da zanga-zangar lumana a garin Yola da ke Jihar Adamawa, don jan hankalin gwamnati kan ƙaruwar talauci da yunwa.
Masu zanga-zangar sun bin manyan tituna, inda suka yi kira ga Gwamnatin Tarayya da ta jihar da su ɗauki matakan rage wahala, rashin aikin yi da matsalar tsaro da ta addabi ƙasa.
Shugaban Ƙungiyar MOTION na Jihar Adamawa, Mista Musa Andrew, ya ce zanga-zangar ta zama dole ne saboda halin matsin tattalin arziƙi da ke ƙara taɓarɓarewa.
“Mun fito ne don mu yi magana kan rashin adalci da wahala, ga yunwa na ƙaruwa,” in ji shi.
“Yawancin ’yan Najeriya suna kwanciya ba tare da cin abinci ba, yara kuma suna zuwa makaranta ba tare da sun ci abinci ba. Rayuwa ta yi tsada sosai.”
Ya kuma bayyana damuwa kan matsalar tsaro da ke ƙara ta’azzara musamman a Arewa maso Gabas da Arewa maso Yamma.
“Mun gaji da rashin tsaro a Arewa maso Gabas, Arewa maso Yamma da sauran sassan ƙasar nan. Yawancin matasanmu, sojoji da ’yan sanda suna rasa rayukansu a kullum,” in ji shi.
Andrew, ya yi kira ga gwamnati ta ɗauki matakai don tabbatar da daidaiton rabon albarkatun ƙasa tare da gyara tsarin fansho wanda ya ce yana cike da cin hanci.
“’Yan sanda suna yin ritaya suna komawa gida da kashi 40 cikin 100 na fanshonsu, sauran kuma ana wawurewa. Ba za mu lamunci wannan zalunci ba,” a cewarsa.
Ya kuma nemi a bai wa matasa dama su shiga harkae shugabanci.
“Yawancin shugabanninmu sun fara shugabanci tun suna da shekaru 20, amma yanzu sun ƙi bai wa matasa dama. Shugabanci ba gado ba ne,” in ji shi.
Ɗaya daga cikin masu zanga-zangar, Hajiya Blessing Musa, ta koka kan tsadar rayuwa, inda ta ce a yanzu magidanta da dama ba sa iya sayan kayan abinci.
“Yunwa tana kashe mu. Farashin kayan abinci ya yi tsada sosai, kuma ba mu da kuɗin saye,” in ji ta.
“Wani mutum ya roƙe ni na sayi shinkafa kan Naira 1,400 amma ba zan iya saya ba. Sama da kashi 70 cikin 100 na ’yan Najeriya suna rayuwa cikin talauci.
“Ba za mu iya tura ’ya’yanmu makarantu masu kyau ba, saboda na gwamnati ba sa aiki yadda ya kamata.”
Ta roƙi gwamnati ta ɗauki matakai don rage talauci, sauƙaƙa farashin abinci da kuma inganta makarantun gwamnati.
Mista Dennis Babangida, wani jagoran matasa, ya bayyana cewa yunwa ta yi ƙamari a Arewa kuma abun damuwa ce.
Ya nemi gwamnati ta tallafa wa manoma da kuma ƙirƙiro ayyukan yi domin rage talauci.
“Farashin taki ya yi tsada sosai, manoma ba sa iya saya. Idan gwamnati za ta tallafa musu da kayan noma da kuma samar da ayyukan yi, hakan zai rage talauci da yunwa,” in ji Babangida.
Ya kuma gargaɗi gwamnati cewa idan ta ci gaba da yin shiru, matsalar yunwa na iya haddasa rikice-rikice a tsakanin jama’a.
“Jama’a suna jin yunwa kuma suna jin haushi. Gwamnati ta gaggauta ɗaukar mataki kafin lamarin ya fi haka muni,” in ji shi.
উৎস: Aminiya
কীওয়ার্ড: Adamawa Gwamnatin tarayya yunwa zanga zangar gwamnati ta
এছাড়াও পড়ুন:
Sharhi:’HKI tana fama da karancin sojojin a dukkan rassan sojojin kasar’.
Assalamu alaikum masu sauraro barkammu da warhaka barkammu da sake saduwa a cikin shirimmu na ‘Sharhin bayan labarai, wand ani tahar amin zan karanta.
A cikin shirimmu na yau zamu yi Magana dangane cewa, shin gaskiyar ne ‘HKI tana fama da karancin sojojin a dukkan rassan sojojin kasar’.
Kamfanin dillancin labaran Parstoday na kasar Iran ya bayyana cewa gwamnatin HKI a karon farko a hukumance, ta bada sanarwan cewa, tana fama da karancin sojoji a dukkan rassan sojojin kasar, kuma wannan Babbar barazana ce kuma hatsari ne ga samuwar kasar kai tsaye. Tambaya ta farko it ace, menene Alamar karancin sojoji a cikin rundunonin sojojin HKI?
Sanarwan ma’aikatar yakin HKI dangane da wannan ta ce, tana fada da karancin sojoji kimani 1300 a dukka rassan sojojin kasar kama daga kananan sojoji har zuwa manya. Bayanin ya kara da cewa ma’aikatar tana fama da karancin sojoji masu mukamin kanar har guda 300 a cikin rundunoninta gaba daya.
Har’ila, rahoton ya kara da cewa kashi 30 na kwamandojin sojojin kasar masu manya-manyan mukamai zasu yi ritaya a shekara mai zuwa. Sannan wasu kashi 30% na sojoji na ko ta kwana da kuma wadanda suke aiki na dindin din a cikin sojojin kasar suma zasu yi ritaya, ba zasu sake komawa cikin sojojin haramtacciyar kasar ba.
Rahoton ya kara da cewa, kashi 37% na sojojin suna son ci gaba da aikinsu a rundunonin ta, wanda ya nuna cewa adadin ya kara yin kasa idan an kwanatnta da shekara ta 2018 wanda ya kai kashi 58%.
Sannan tambaya ta gaba itace, menene dalilan da suka kawo karancin sojojin a cikin HKI ?.
Masu Nazari sun bayyana cewa matsalar karancin sojoji a HKI yana komawa daga asali zuwa ga matsalolin tsaro da kuma tattalin arziki. Yaki mai tsawo musamman a cikin shekaru biyu da suka gabata, da gajiya mai tsanani ya rage kodayin sojojin da kuma iyalansu ci gaba da wannan aikin.
A cikin rahoton da ma’aikatar yakin HKI ta fitar ta bayyana cewa, kashi 70% na matsalolin da sojojin haramtacciyar kasar suka fuskanta sun hada da tsawon yakin da suka kutsa cikinsa, wanda ya wuce lokacin da yakamata su yi.
Banda haka a cikin shekaru biyu da suka gabata, yakin ya tsananta kuma yayi tsawo ta yadda sojojin da iyalansu sun kasa hakuri fiye da hakan.
A bangaren tattalin arziki kuma, tsadar rayuwa a cikin kasar ya kai ga sojojin da kuma iyalansu sun ga cewa shiga harkar kasuwanci ne kawai zai fiddasu daga matsalolin tattalin arzikin da suka shiga musamman bayan yakin shekaru biyu da suka gabata. Don haka albashin da suke samu a aikin soje ya yi kasa sosai ta yadda ba za’a iya kwatantaci da wasu ayyuka wanda ba na soje ba.
Sannan tambaya ta gabata ita ce, karancin sojoji a cikin rundunonin HKI zuwa ga me yake nuni? Wannan a fili yake, kuma hatta a cikin rahoton da ma’aikatar yakin ta fitar ta yi nuni ga wannan al-amarin. Inda take cewa, matsalar karancin sojoji a rundunonin haramtacciyar kasar ya kai ga barazana ga tsarin cikin gida na kasar, kuma dole ne gwamnati kasar ta dauki matakan da suka dace, don magance ta , da gaggawa.
Ta kuma kara da cewa ratayar kashi 30% na kwamandojin sojojin kasar yana nuna zuwa ga matsalolin gudanarwa a cikin rundunonin sojojin kasar da kuma matsalolin horar da sabbin sojoji.
Masana suna ganin wannan matsalar tana iya zama barazana ga HKI musamman idan ta sake shiga yaki da kungiyoyi ko kasashe masu gwagwarmaya da ita a yankin. Kuma idan haka ya faru raunin sojojin HKI zai bayyana a fili a duk wani yakin da zata shiga nan gaba a yankin Asiya ta kudu.
Share
0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Shugaba Pizishkiyan: Goyon Bayan Al’ummar Iran Ga Tsarin Musulunci Ne Ya Hana Abokan Gaba Cimma Manufar December 2, 2025 Shugaban Kasar Najeriya Ya Nada Janar Chiristopher Musa ( Ritaya) A Matsayin Ministan Tsaro December 2, 2025 Nigeria Ta Bai Wa Dan Takarar Shugabancin Kasar Guine Bissau Mafakar Siyasa December 2, 2025 Palasdinu: Sojojin “Isra’ila” 3 Su Ka Jikkata Sanadiyyar Taka Su Da Mota December 2, 2025 Hamas Ta Caccaki Isra’ila Game Da Hana Shigar Da Kayayyakin Agaji A Yankin Gaza December 2, 2025 Ministan Tsaron Najeriya Ya Mika Takardar Ajiye Aiki Ga Shugaban Kasa Ahmad Tinubu. December 2, 2025 Iran Bata Taba yin Watsi Da Diplomasiya Ba Amurka Ce Ke Kai Mutane Bango December 2, 2025 Shugaban Kungiyar ECOWAS Ya Gana Da Shugaban Mulki Soji Na Kasar Guinea Bissau December 2, 2025 An Bude Taron Bikin Cika Shakaru 41 Da Kafa Kungiyar Tattalin Arziki Ta ECO A nan Tehran December 2, 2025 Araghchi: Halayyar Amurka ce yin matsin lamba maimakon diflomasiyya a dangantaka ta kasa da kasa December 2, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Kasar Iraki Ta Ce: Yarjejeniyar Da Ta Kulla Da Iran Zai Amfani Dukkan Kasashen Yankin