Ma’aunin Cinikayyar Ba Da Hidimomi Ta Sin Ya Zarce Dala Triliyan 1
Published: 4th, February 2025 GMT
Alkaluman da ma’aikatar cinikayya ta Sin ta fitar baya-bayan nan na cewa, a shekarar bara, darajar shige da ficen cinikayyar ba da hidimomi ta Sin ta kai kudin Sin RMB yuan triliyan 7.5, kwatankwacin dalar Amurka triliyan 1.034, wanda ya karu da kashi 14.4 cikin dari bisa makamancin lokaci na shekarar 2023, ma’aunin ya kai wani sabon matsayi a tarihi.
Shugaban hukumar kula da cinikayyar ba da hidimomi ta cibiyar nazarin hadin gwiwar ciniki da tattalin arziki na kasa da kasa ta ma’aikatar kasuwanci ta kasar, Li Jun, ya bayyana cewa, al’adun Sin masu kayatarwa na ci gaba da jawo hankalin masu yawon bude ido su zo kasar Sin don yawon shakatawa, da alamar zai inganta habaka ma’aunin cinikayyar ba da hidimomi ta Sin, tare da inganta da maido da aikin ba da hidimomin yawon shakatawa na kasa da kasa.
Bugu da kari, abubuwa da dandamalin da suka shafi al’adun dijital na kasar Sin sun taka rawar gani sosai a ketare. Misali, tun lokacin farko da aka fitar da shi a shekarar 2024, wani wasan kamfuta mai suna “Black Myth: Wukong” cikin sauri ya zama jagoran tallace-tallace a kan dandamalin wasannin kamfuta masu yawa kamar Steam da WeGame, kuma ya sami lambobin yabo da yawa.
Bisa rahoton binciken ci gaban adabi na intanet na kasar Sin a shekarar 2023, yawan labaran adabi na yanar gizo da ‘yan kasar Sin suka rubuta da kansu a ketare a shekarar 2023 ya kai kusan dubu 620, tare da masu karantawa da suka kai fiye da miliyan 230 a ketare.(Safiyah Ma)
এছাড়াও পড়ুন:
Kasar Faransa Ta Yi Allah Wadai Da Harin Ta’addancin Da Aka Kai Birnin Zahedan Na Kasar Iran
Gwamnatin kasar Faransa ta yi kakkausar suka tare da tofin Allah tsine kan harin ta’addancin da aka kai birnin Zahidan na kasar Iran
Ma’aikatar harkokin wajen Faransa ta yi Allah-wadai da kakkausar murya kan harin ta’addancin birnin Zahidan na kasar Iran, tare da jaddada adawar kasarta kan duk wani harin ta’addanci da aka kai kan fararen hula.
Ma’aikatar harkokin wajen Faransa ta fitar da wata sanarwa inda ta ce, birnin Paris na matukar yin Allah wadai da harin ta’addanci da aka kai a birnin Zahidan na kasar Iran a ranar 26 ga watan Yuli, wanda ya yi sanadin mutuwar fararen hula da dama ciki har da uwa da kuma ‘yarta.
Sanarwar ta kara da cewa, “A yayin da take mika ta’aziyyarmu ga iyalan wadanda suka mutu, suna fatan samun sauki cikin gaggawa ga wadanda suka jikkata a wannan harin ta’addanci.”
Wani abin lura a nan shi ne cewa, a safiyar ranar Asabar 26 ga watan Yuli ne wasu ‘yan ta’adda suka kai hari kan ginin hukumar shari’a ta cibiyar birnin Zahidan, fadar mulkin lardin Sistan da Baluchestan a kudu maso gabashin kasar Iran, inda suka kashe da kuma jikkata wasu Iraniyawa.
Kissoshin Rayuwa: Imam Hassan (a) 106