An ba da tallafin N2m ga iyalan jami’in NSCDC da aka kashe a Jigawa
Published: 26th, October 2025 GMT
Gwamnatin Jihar Jigawa ta bayar da tallafin Naira miliyan biyu ga iyalan SC Bashir Adamu Jibrin, jami’in hukumar sibil difens (NSCDC) da ya rasu a bakin aiki a kasuwar Shuwarin da ke ƙaramar hukumar Kiyawa.
Sakataren Gwamnatin Jihar, Malam Bala Ibrahim, ne ya miƙa tallafin ga matar marigayin a ofishinsa, inda ya ce wannan taimako na nufin tallafa wa iyalan marigayin tare da taimaka musu wajen kula da tarbiyyar ’ya’yansu.
Ya shawarci matar marigayin da ta yi amfani da kuɗaɗen wajen kula da ilimi da walwalar ’ya’yanta, tare da jaddada cewa gwamnatin Jigawa za ta ci gaba da girmama sadaukarwar jami’an tsaro da ke bayar da rayukansu don kare al’umma.
Da yake martani, Kwamandan NSCDC na Jihar Jigawa, Muhammad Kabir Ingawa, ya gode wa gwamnatin jihar bisa wannan alheri, yana mai roƙon Allah ya jiƙan marigayin.
Ita ma a nata ɓangaren, matar marigayin, Zainab Muhammad Ahmed, ta bayyana godiyarta ga gwamnatin jihar bisa wannan taimako, tare da tabbatar da cewa za ta yi amfani da kuɗaɗen yadda ya dace.
উৎস: Aminiya
কীওয়ার্ড: Jihar Jigawa
এছাড়াও পড়ুন:
Gwamnatin Jihar Sokoto Ta Amince da Sauya Amfani da Naira Biliyan 526 a Kasafin Kuɗin 2025
Gwamnatin Jihar Sokoto ta amince a rika sauya kuɗaɗe da aka ware wasu wurare zuwa swasu idan can ya fi na farko amfani ga al’umma (virement) na naira biliyan 526 a cikin kasafin kuɗin shekarar 2025.
Shugaban taron majalisar zartarwa ta jihar karo na 12 na bana, Gwamna Ahmad Aliyu, ya tabbatar da cewa gwamnatinsa na da cikakken ƙuduri wajen gina Jihar Sokoto mai ingantaccen tattalin arziki ta hanyar aiwatar da muhimman sauye-sauye da shirye-shiryen ci gaban al’umma.
Gwamna Aliyu ya bayyana cewa wannan sauyin kasafi an tsara shi ne domin ƙarfafa zuba jari a fannoni masu muhimmanci kamar gina manyan ayyukan raya kasa, inganta ayyukan jin kai, da haɓaka tasirin gudanar da ayyuka — ba tare da ƙara girman jimillar kasafin kuɗin shekara ba.
Da yake bayani ga manema labarai bayan taron, Kwamishinan Albarkatun Ruwa, Alhaji Aminu Iya, ya ce canjin kasafin zai mai da hankali kan kuɗaɗen da za a yi amfani da su wajen aiwatar da ayyukan ci gaban jama’a kai tsaye.
A cewarsa, majalisar ta amince da aiwatar da wasu muhimman ayyuka, ciki har da: bita (workshop) na Hukumar Sufurin Jihar Sokoto da ware naira miliyan 75 domin kula da motocin gwamnati, da kuma sayen motocin aiki ga Ma’aikatar Kuɗi ta Jihar Sokoto.
A fannin ilimi kuwa, Kwamishinan Ilimin Firamare da Sakandare, Farfesa Adan Ahmad Ala, ya sanar da cewa majalisar ta amince da naira miliyan 930 domin siyan kujera da tebura 15,000 ga makarantu na firamare da sakandare a fadin jihar.
Nasir Malali
Mutanen unguwa sun kama masu ƙwacen waya a Kano