Jihar Jigawa Za Ta Kashe Sama Da Biliyan Daya Wajen Gyaran Ajujuwa A Makarantu
Published: 21st, October 2025 GMT
Gwamnatin Jihar Jigawa ta amince da kashe sama da Naira biliyan ɗaya domin gyaran ajujuwan karatu a wasu makarantu na gwamnati.
Kwamishinan Yaɗa Labarai, Matasa, Wasanni da Al’adu na jihar, Alhaji Sagir Musa Ahmed, ne ya bayyana hakan cikin wata sanarwa da aka rabawa manema labarai a Dutse.
A cewarsa, majalisar zartarwar jihar ta amince da kashe fiye da Naira miliyan 528 domin gyaran ginin ajujuwa a wasu zababbun makarantu na gwamnati a fadin jihar.
Ya bayyana cewa, manufar aikin ita ce inganta yanayin karatu, tabbatar da tsaro, da kuma samar da iingantaccen ilimi karkashin shirin gwamnatin jihar na farfado da ilimin asali.
Sagir Musa ya kuma ce, majalisar ta amince da kashe sama da Naira miliyan 512 domin samar da kujeru da gadajen ɗalibai, domin ƙarfafa tsarin ilimi tare da tabbatar da walwala da inganci a makarantu.
Usman Mohammed Zaria
উৎস: Radio Nigeria Kaduna Hausa
এছাড়াও পড়ুন:
Najeriya ta shigo da tataccen man fetur na tiriliyan 12.8 cikin watanni 15
Najeriya ta shigo da tataccen man fetur na Naira tiriliyan 12.8 daga watan Agustan 2024 zuwa Oktoba 2025, bisa ga bayanan da Hukumar Kula da Rarraba Man Fetur ta Najeriya (NMDPRA) ta fitar.
Hakan na zuwa ne a daidai lokacin da kasar ke ƙoƙarin ƙara samar da man fetur a cikin gida, duk kuma da aikin da matatar Dangote ke yi.
An kashe matashi yayin rikici a wajen raɗin suna a Bauchi Amurka za ta hana ’yan Najeriyar da ake zargi da yi wa Kiristoci kisan kiyashi bizaBisa amfani da matsakaicin farashin lita ɗaya na ₦829.77, an ƙididdige jimillar lita 15,435,000,000 da aka shigo da su a wannan lokaci.
Bincike ya nuna cewa mafi yawan shigo da man fetur ya kasance ne a watan Satumban 2024 lokacin da ba a samar da man ba a cikin gida, inda aka shigo da lita biliyan 1.52, sai Agusta 2024 da lita biliyan 1.38, sannan Disamba 2024 da lita biliyan 1.31.
A Oktoba 2025, an shigo da lita biliyan 1.17, sai Nuwamba da lita biliyan 1.12. Amma a Janairu 2025, adadin ya ragu sosai zuwa lita miliyan 765.7, kafin ya ɗan ƙaru zuwa lita miliyan 770 a Fabrairu, sannan miliyan 889.7 a Maris.
A Afrilu, an samu lita miliyan 861, sai kuma Mayu da ya haura zuwa 1.19 biliyan, kafin ya ragu zuwa 978 miliyan a Yuni, sannan ya ƙaru zuwa 1.11 biliyan a Yuli, kafin ya sauka zuwa 818.4 miliyan a Agusta, 663 miliyan a Satumba, da 855.6 miliyan a Oktoba.
Samarwa da mai a cikin gidaA ɓangaren samarwa a cikin gida, jimillar lita biliyan 7.2 aka samar a wannan lokaci, dukkansu daga matatar man Dangote.
Bayanan sun nuna cewa ba a samu gudunmawar samarwa daga cikin gida ba a watan Agusta 2024, amma a Satumba 2024, Dangote ya samar da lita miliyan 102, wanda ya ƙaru zuwa miliyan 300.7 a Oktoba 2024, sannan miliyan 558 a Nuwamba 2024.
Bayanan sun nuna cewa har yanzu ƙasar na dogaro sosai da shigo da man fetur duk da ƙoƙarin kawo ƙarshen shigo da shi domin tallafa wa samarwa a cikin gida.
Dangote ya sha bayyana cewa matatar man shi karfin tace ganga 650,000 a kullum na iya wadatar da Najeriya.
Sai dai masana a fannin sun ce haramta shigo da man fetur zai iya haifar da babakere a fannin, wanda suka ce bai dace da kasuwar man fetur ba a kasar.
An kama Mai Unguwa kan yi wa yarinya fyaɗe a Gombe