Waɗanda ke son rusa Kano ba za su yi nasara ba — Sanusi II
Published: 22nd, October 2025 GMT
Sarkin Kano na 16, Muhammadu Sanusi II, ya ce babu wanda zai yi nasara wajen rusa tarihin Kano da aka kafa tsawon shekaru.
Ya bayyana hakan ne a Abuja, a ranar Talata, yayin gabatar da littattafai biyu da Dokta Munzali Dantata, ya rubuta; Behind the City Wall da Aminu Dantata: Life and Times of a Nigerian Entrepreneur.
A cewar Sarkin, tarihin Kano ya samo asali ne daga tsohuwar al’ada ta jajircewa, ilimi, kasuwanci, da ƙwarewa.
“Mun zo nan ne don murna, amma abin da ya fi muhimmanci shi ne muna taya Kano murna, birni wanda ya samar da iyalan Dantata kuma ya samar da wasu daga cikin attajiran Afirka,” in ji Sarkin Sanusi.
“Kano ta tashi ne a kan ginshiƙai na ƙwarewa, ko a addini, ilimi, kasuwanci, ko mu’amala. Na taɓa faɗa a baya: duk wanda yake tunanin zai iya rusa Kano yana ɓata lokacinsa ne. Ba zai yi nasara ba.”
Sarkin ya yi kira ga ’yan Najeriya, musamman mutanen Arewacin ƙasar, da su riƙa rubuta tarihinsu da labaransu da kansu.
“Dole ne mu riƙa faɗin labarinmu da kanmu,” in ji shi.
“Idan ba mu rubuta tarihimmu ba, wasu za su rubuta mana shi kuma ba za su bayyana shi yadda ya dace ba. Rubuta tarihi yana da muhimmanci domin kare ginshiƙinmu a ƙasa.”
Ya kuma yaba wa iyalan Dantata da sauran manyan ’yan kasuwa na Kano da suka taka muhimmiyar rawa wajen gina jihar.
“Ba za a iya bayyana girman tarihin Kano ba tare da ambaton iyalan Dantata da sauran fitattun ’yan kasuwanta ba,” in ji shi.
Sarkin, ya ce tun da farko ya amince da ra’ayin Dokta Munzali na rubuta tarihin mashahuran ’yan kasuwar Kano.
“Lokacin da Munzali ya zo wajena da ra’ayin waɗannan littattafai, na ce masa dole ne mu rubuta namu labarin,” in ji Sarkin.
“Winston Churchill ya taɓa cewa, ‘Tarihi zai nuna mana adalci domin mu kanmu za mu rubuta shi.’ Waɗannan littattafai su ne tarihin al’umma baki ɗaya.”
Marubucin littattafan, Dokta Munzali Dantata, ya bayyana cewa littattafan biyu labarai ne na mutum ɗaya da al’umma waɗanda ke nuna ƙoƙari da ci gaban Kano.
“Waɗannan littattafai nawa labarai ne guda biyu; ɗaya na mutum ɗaya da ɗaya na al’umma, amma duk suna ɗauke da ƙoƙarin ci gaban kasuwanci,” in ji shi.
“Manufar Kano tana koyar da cewa arziƙin al’umma ba ya rabuwa da ƙoƙarin ’yan ƙasarta.”
Farfesa Munzali Jibril, ya yi nazarin litattafan yayin da tsohon Shugaban Majalisar Dattawa, Bukola Saraki, ya kasance babban mai gabatarwa.
উৎস: Aminiya
কীওয়ার্ড: Sarkin Kano Tarihi taro
এছাড়াও পড়ুন:
An gano sauro a karon farko na tarihin ƙasar Iceland
A karon farko a tarihi, an gano sauro a ƙasar Iceland, tare da gano samfura guda uku a wannan watan a Kjos, wani yanki mai ƙwari a kusa da Hvalfjordur.
Wani mai sha’awar ƙwari, Bjorn Hjaltason ne ya fara ba da rahoton ganowar a cikin wani zaure na Facebook mai suna Skordyr a Islandi (wato ƙwari a Iceland), kamar yadda Hukumar Watsa Labarai ta Iceland ta faɗa a ranar Litinin.
Gwamnatin Borno rufe makarantun jihar saboda rigakafin ƙyanda da Polio Masu kwacen waya sun kashe ma’aikaciyar lafiya a ZariyaAn miƙa samfuran ga Cibiyar Tarihin Halittu ta Iceland domin bincike, inda masanin ilimin halitta Matthias Alfredsson ya tabbatar da cewa lalle sauro ne.
An bayyana samfurin a matsayin Culiseta annulata, sauro mai jure sanyi da ake samu a arewacin Turai.
“Da alama sauron ba zai taɓa barin wajen ba,” in ji Matthias.
“Yana son ci gaba da samun ɗumi a lokacin hunturu a wurare masu inuwa kamar ɗakunan ajiya da gidajen dabbobi.”
Duk da cewa sauro na zuwa kasar Iceland a wasu lokuta a cikin tayoyin jiragen sama, wannan shi ne karon farko da aka gano sun samu wajen zama a kasar.
Masana kimiyya sun daɗe suna hasashen cewa sauro na iya samun kansa a Iceland.
Gano sauro a kasar ya jaddada yadda yanayi da sauyin muhalli ke iya faɗaɗa kewayon nau’in ƙwari masu jure sanyi fiye da kowane lokaci.
Togo: An Kashe Mutane 7 A Zanga-zangar Kin Jinin Gwamnati