Yadda Shagwaɓa Kananan Yara Da Kudi Ke Shafar Tarbiyyarsu
Published: 19th, October 2025 GMT
Sunana Aisha Isah Abubakar (Mai Waka) Gama:
A gaskiya bawa yara kanana kudi wannan ba dabi’a ce mai kyau ba, saboda wata rana idan babu wannan kudi da aka sabawa yaro da shi wallahi illa ce babba. Sabida yau da gobe sai Allah idan suka rasa wannan kudi komai zai iya faruwa za su iya saka hannu su diba ako’ina, saboda su biya wa kansu bukatar su.
Sunana Aminu Adamu, Malam Maduri A Jihar Jigawa:
To magana ta gaskiya sam-sam hakan bai dace ba, domin yana da kyau idan iyaye za su bawa yara kudi to, su san me za su yi da kudin kafin ma su amince su bada, don haka zai taimaka wajen kula da tarbiyyar yaro. Eh gaskiya akwai, kamata yayi sai shekarun yaro sun kai na sanin abin da ya kamata da wanda bai kamata ba sannan a fara bashi kudi, domin ya kashe. Kuma ko da za a fara bashi ya kamata a san me zai yi da shi, kuma ana bibiyar sa akan abun da ya ce shi yayi. To, shawara ta a nan ita ce ya kamata iyaye suna taka-tsam-tsan wajen bawa yaransu kudi a kodayaushe ba tare da dalili na gaske ba.
Sunana Hafsat Sa’eed, Jihar Naija:
Wasu ya danganta da yanayin basu kudin da suke wasu suna ganin gata ne, wanda hakan ba gata bane har a guri na, misali ni inada yara mata to, ba na kokarin na ga na basu kudi sai na tabbatar da abin da za su yi me mahimmanci ko kati ko wano kwadayi yaro yana zaune yana sha’awar wani abu. Tunda matsayinka na uwa ba sana’a ka dorawa yaro ba dole za ka nema ka bashi. To, amma a haka kawai ka ce kana bawa yaro kudi dan jin dadi, wannan sangartawa ne, kuma hakan yakan iya janyiwa yaro shiga wani yanayi idan ya rasa kudi a wannan lokacin. Ni dai ina ganinba burgewa bane ko gata.
Sunana Sadi Dauda Baturiya, Kramar hukumar Kirikasamma Jihar Jigawa A Nijeriya:
A gaskiya har yanzu wasu iyayen suna gangancin sakarwa ‘ya’yansu, musamman yara kanana mara wajen ba su kudi ba tare da duba yanayi da kuma hankalin yaro ba, wanda kuma hakan yana haifar da matsaloli da dama. Matakan da ya kamata a dauka su ne, za a iya bai wa yaro karami kudi amma wanda bai fa sayi minti ko biskit ko madara da sauran ababen makulashe ya danganta da waje. Ni ganau ne ba jiyau ba na sha ganin yara da matasa da aka sakarwa mara wajen ba su kudi masu yawa da sunan soyayya, a karshe suka zama ‘yan shaye-shaye wasu kuma suka zama masu bin matan banza, wasu matasan ma gidan haya suke kama wa suna dauko matan banza, Allah Ya shirya mana matasannmu, da mu bakidaya amin.
Sunana Princess Fatimah Mazadu, Goben Nijeriya:
Wannan abu ne wanda ke gurbata tarbiyyar yara, wadanda ba a isa a saka su ko a hana su ba, dan gani suke kudi sune komai. Iyaye yara amana ce a garesu da su basu tarbiyya, saboda su yi alfahari da su ranar gobe kiyama, ba a hana ka bawa danka ba. Amma akwai hanyoyi da dama wanda za ka bayar wanda ba za a kira lalata tarbiyya ko sangarta yaro ba. Shekarun da hankalin yaro ake fara dubawa kan asakar masa manyan kudade gudun rudin duniya da lalacewa.
Sunana Muhammad Isah, Zareku Miga A Jihar Jigawa:
Eh magana ta gaskiya bata yaro ne, ana bashi kudi tun yana da karancin shekaru domin akwai illoli/matsala idan har ya saba da bashi kudi yana yaro. Matakin shi ne yaro ya kai shekarun sannin shi waye ne ma’ana ya san daidai komai kankanta ko ya san babu da rashi. Shawarar a nan ita ce; iyaye su daina bawa yara kudi suna yara ba tare da sun wakilta wani ‘ya’yansu ko antin su ba idan bukatar hakan ta tashi.
Sunana Hassana Yahaya Iyayi, Jihar Kano:
Wannan ba gata bane lalata yaro ne, kuma daga baya su iyayen abin yake shafa. In ya yaro ya mallaki hankalinkansa ya san ciwon kansa, dan bashi dan abin da zai bukata ba laifi bane. Su yi karatun ta-nutsu tun wuri, su daina tun lkan yansu su fada shaye-shaye, ato karshen kenan.
Sunana Muktari Sabo, Jahun Jihar Jigawa:
Hakika akwai iyayen da suke sangarta ‘ya’yansu da kudi don nuna gata hakan kuma yana illa sosai, daga illolin shi ne; idan bai samu ba yana iya daukar na wani, haka kuma kudin suna iya sa yaro ya lalace kamar shaye-shaye wani lokaci har da kula matan da ba sa’anninsa ba. Matakin shi ne ya cika hankali kamar yadda addini ya tanada idan har kudin yana da yawa, amma ba laifi bane a bashi dan kadan. Lalle ya kamata iyaye su kula da yaransu, kuma su san irin abin da ya kamata su bawa ‘ya’yansu don bukatarsu.
Sunana Comr, Nr. Ibrahim Lawan Stk:
Wannan ba wani abu bane face hanyar lalata tarbiyyar su da kuma samar da gurbacewar zamantakewar irin ta malam bahaushe tare da koyarwar addinin musulunci. Eh tabbas akwai, wannan mataki kuwa shi ne lokacin da yaro ya girma ya mallaki hankali sannan ya san ciwon kansa ya kuma san ciwon yadda ake samun kudi da nemansa da kuma ciwon rashinsa, ta yadda ba zai yi almubazaranci ba. Su kasance masu kula da tarbiyyar yaransu a lokacin da suke basu kudi, sannan su tabbatar da cewa kafin ma su basu kudin sun mallaki hankalisu ta yadda ba za su almubazaranci ba. Kuma su kashe kudi ta hanya mai kyau, domin samin dacewar rayuwa mai kyau a nan gaba
ShareTweetSendShare MASU ALAKAকীওয়ার্ড: Jihar Jigawa
এছাড়াও পড়ুন:
Wani ya yi shigar mahaifiyarsa da ta mutu ya je karvar kuxin fanshonta
Wani ya yi shigar mahaifiyarsa da ta mutu ya je karvar kuxin fanshonta
Ana binciken wani tsohon ma’aikacin jinya a qasar Italiya bisa zargin ya yi shigar mahaifiyarsa da ta mutu kuma ya je ma’aikatar fansho a matsayin mahaifiyarsa don neman fanshonta. Haka kuma an gano ya voye gawarta a cikin gidansa har tsawon shekaru uku bayan mutuwarta.
Mutumin xan Italiya ya saka tufafin mahaifiyarsa da ta mutu sannan ya yi kwalliya da gazar da jan-baki kamar yada take yi, ya je bankin da take ajiya yana neman a biya shi kuxi fanshonta, bayan ya voye gawarta a gida.
Mutumin mai shekaru 56, ma’aikacin jinya da ya rasa aikinsa a garin Mantua, ya sami damar karvar dubban kuxi na Yuro kafin asirinsa ya tonu, kamar yadda Jaridar Corriere della Sera ta Italiya ta ruwaito.
An kuma yi zargin cewa, ya naxe gawar mahaifiyarsa, Graziella Dall’Oglio, sannan ya voye ta a cikin firji a gidansu har tsawon shekara uku ba tare da ya sanar da ma’aikatar fansho ba, inda ya riqa zuwa yana cire kuxin fanshon da ake tura mata yana bidirin gabansa.
Mis Dall’Oglio ta rasu kimanin shekara uku da suka gabata, tana da shekara 82. Amma xanta bai bayar da rahoton mutuwarta a hukumance ba, maimakon haka ya naxe gawarta a cikin zane, ya saka ta a cikin wata jakar ajiye kaya sannan ya voye ta a gidan.
Rahotanni sun ce, ya yi shigar mahaifiyarsa, sanye da jan-baki da hoda da gazar da kuma sarqa, sannan ya tafi sabunta katin shaidarta da ya qare a ofishin gwamnati da ke wajen Borgo Virgilio.
Bayanai sun nuna cewa, ya yi wa kansa aski sannan ya sanya gashin mata a kansa kamar irin na mahaifiyarsa da ta rasu, kuma ya sanya kayan ado kamar yadda ta saba.
Jaridar ta bayyana cewa, wannan wani sabon salon damfara ce kamar irin na fim xin ‘Mrs Doubtfire’, wanda aka yi a shekarar 1993 da Robin WilliaMis da ya fito a ciki. Mutumin ya bayyana a ofishin gwamnati da ke wajen Mantua a farkon wannan watan, inda aka yi zargin ya bayyana kansa a matsayin Mis Dall’Oglio.
Wani ma’aikacin ma’aikatar fansho ne ya harvo jirginsa, inda ya lura da cewa, akwai alamar tambaya game da ‘matar’ da take neman a canza mata katin. Musamman da yake ya san wacce take da ainihin katin ba ta da kaurin wuya, sannan kuma muryarta ba ta maza ba ce. Wannan ce ta sanya ma’aikacin bai wata-wata ba cikin sauri ya kai rahoto ga ‘yan sanda nan da nan kuma ya sanar da magajin garin Mantua.
’Yan sanda sun ce, da isarsu sai suka kwatanta hotunan Mis Dall’Oglio na gaske da na xanta da ya yi shigar burtu kuma sun fahimci cewa, akwai lauje a cikin naxi.
Bincike ya nuna xan ya karvi kuxin fanshonta na shekaru uku da suka kai kusan Fam 47,000 kuma da mallakar gidaje uku, a cewar rahotanni.
Bayan an kama shi, ‘yan sanda sun je gidansa, inda suka gano gawar Mis Dall’Oglio da aka voye a xakin wanki.
“Ya shigo ofishin ma’aikatar fansho yana sanye da dogon siket, ya yi ado da jan baki da jan-farce da sarqa da ‘yan kunne irin na tsofaffi,” Francesco Aporti, magajin garin Borgo Virgilio ya shaida wa Jaridar Corriere della Sera.
“Amma sai dai yana da kaurin wuya, sannan kuma fatar hannunsa ba ta yi kama da na tsohuwa ‘yar shekara 85 ba.
“Muryarsa kuma ta maza ce duk da yake ya yi shigar mata. Amma da a ce ba a lura da waxannan abubuwa ba da ya ci lalai.”
Da yake magana game da mahaifiyar wanda ake zargin, magajin garin ya ce, “Wataqila ta mutu ne saboda dalilai na rashin lafiya, amma za a tabbatar da hakan ne kawai ta hanyar binciken gawar.” Wannan labari ne mai ban mamaki kuma abin baqin ciki ne qwarai.”
‘Yan sandan Italiya sun ce, gawar mahaifiyar an naxe ta da zanin gado sannan aka saka ta a wata jakar kaya, aka sanya ta cikin firji.
Daga baya ’yan sanda sun xauki gawar zuwa wajen ajiye gawarwaki a asibitin da ke yankin don yin gwajin qwaqwaf da nufin gano musabbabin rasuwarta. Yanzu haka ana binciken mutumin a kan laifukan zamba da voye gawar da ya yi ba bisa qa’ida ba.
Ranar Matasa: Ciyaman ya jinjina wa gwamnatin Gombe kan ɗaukar matasa aiki