An rufe makarantu saboda ƙarancin man fetur a Mali
Published: 27th, October 2025 GMT
Duk makarantu a fadin ƙasar Mali da ke Yammacin Afirka za su ci gaba da kasancewa a rufe daga ranar 27 ga Oktoba zuwa 9 ga Nuwamba, sakamakon tsananin ƙarancin man fetur da ya janyo tsaikon harkokin sufuri da na yau da kullum.
Ministan Ilimi na ƙasar, Amadou Sy Savane ya sanar a ranar Lahadi cewa dukkan cibiyoyin ilimi za su dakatar da ayyukansu na tsawon makonni biyu saboda ƙarancin man fetur da ake fama da shi.
Amadou Sy Savane ya shaida wa gidan rediyon gwamnati na ORTM cewa an shirya sake buɗe makarantu a ranar 10 ga watan Nuwamba.
Tsawon makonni dai, Mali na fama da ƙarancin man fetur sakamakon toshe hanyoyin sufuri da kungiyoyin ‘yan bindiga ke yi, musamman hanyoyin da manyan motocin dakon mai ke bi zuwa babban birnin ƙasar, Bamako.
Wannan lamari kacokam shi ne ya haifar da dogayen layuka a gidajen mai, yayin da motocin haya da babura suka daina zirga-zirga, abin da ya sanya titunan Bamako da suka saba tumbatsa da ababen hawa suka yi tsit.
Haka kuma, jami’o’i da manyan makarantun gaba da sakandire a babban birnin sun dakatar da karatu saboda dalibai da malamai sun kasa isa makarantu ƙarancin man fetur.
A gefe guda kuma, Ofishin Jakadancin Amurka da ke Bamako ya sanar a ranar 24 ga Oktoba cewa ƙananan ma’aikatansa da iyalansu za su bar ƙasar saboda ƙarancin man fetur da yayin da kuma matsalolin tsaro ke ƙaruwa.
A Juma’ar da ta gabata ce kuma ofishin jakadancin ya bayyana cewa ba zai iya ci gaba da gudanar da ayyukansa na yau da kullum ko na gaggawa a wajen Bamako ba, tare da shawartar jama’a su ci gaba da bibiyar shawarwarin tafiye-tafiye da gwamnatin Amurka ke bayarwa game da Mali.
উৎস: Aminiya
কীওয়ার্ড: da ƙarancin man fetur
এছাড়াও পড়ুন:
Saurayi ya kashe budurwarsa sannan ya soya qwaqwalwarta
Saurayi ya kashe budurwarsa sannan ya soya qwaqwalwarta
Koda a cikin jerin masu kisan gilla, mai cin naman mutane a Rasha Dmitry Luchin ya ci ya kasance matsayin xaya daga cikin mutune mafi munin xabi’a da rashin tausayi da suke rayuwa a duniya.
Xan ina da kisan, yanzu ya kasance sanannen mai laifi a Rasha saboda kashe budurwarsa da ya yi a shekarar 2018. Bayanan da suka fito game da yadda wannan lamari na rashin imani ya auku ya girgiza Gabashin Turai.
Budurwarsa mai suna Budunova, wacce take da shekaru 23 kacal a lokacin, ta ziyarci saurayinta Dmitry Luchin mai shekaru 45 don yin shagalin bikin Ranar Mata ta Duniya, amma shi kuwa mugun, ba ta san cewa, yana da wata muguwar voyayyar manufa ba.
Bayan sun sha giya tare, Luchin ya xauki kwalbar giyar da ya sha ya rusa mata a ka. Inda nan take ya kashe ta. Daga nan kuma ya sa wuqa ya gididdiba ta.
Bincike ya nuna cewa, xan ina da kisan, daga nan sai ya fasa kanta ya kwashe qwaqwalwar Budunova soya ya ci. Bai tsaya a nan ba, sai kuma ya xauki jininta da ke gudana da ya xiba a kofi ya sha. Ya kuma farke cikinta, ya yanke kunnuwanta ya saka mata xaya a bakinta xayan kuma ya ajiye a cikin wani da yake ba wa kyanwarsa abinci.
Luchin, wanda aka ruwaito cewa, matsafi ne mai bautar Shaidan, ya yi tawada da jininta ya rubuta wasu alamomin shaidan a qofar xakinsa, da nufin zai kira Shaixan da kansa ya zo xakin su gana kai tsaye. Bayan ya shiga hannu, a lokacin da ake gudanar da bincike ya gaya wa ‘yan sanda cewa, ya ci qwaqwalwarta da ya soya har sau biyu saboda “yana jin daxin xanxanon.”
Masu gabatar da qara sun ce, Luchin ma’abocin kallon finafinan masu aikata kisan kai ne, sannan yana shafe sa’o’i a shafukan yanar gizo da ake koyar da kisa.
A lokacin da ake gabatar da shari’arsa, Luchin ya fara karanta wata waqa ta surkulle daga inda yake killace a cikin wani kejin qarfe. Inda ya dage yana cewa, “shi ba mahaukaci ba ne, ba xan ina da kisa ba ne kuma shi ba mai cin naman mutane ba ne,” yana bayyana kansa a matsayin, “xalibi, xan wasa kuma mawaqi”.
Alqali Alexey Stanovsky ya katse shi lokacin da ya fara yin soki-burutsun kawo labari game da wani sanannen mai kisan gillar xan qasar Soviet mai suna Andrei Chikatilo. Alqali ya yanke hukuncin cewa, Luchin yana da qoshin lafiya kuma ya yanke masa hukunci kan laifin da ya aikata na kisan gilla.
Zai yi zaman shekaru 19 a gidan yari tare da aiki mai tsanani. Maqwabtan Budunova da suka shiga cikin damuwa sun ce, ba za su tava mantawa da mugun ganin da suka yi ba. Wani daga cikin su, ya qara da cewa, ” idan na tuna abin da na gani, sai in ga kamar ba a duniyar nan abin ya faru ba. Don na ganin babu wani xan adam da zai iya yin abin da ya yi.”
Masu Makoki A Mashad Sun Yi Cincirindo A Hubbaren Imam Reza (a) Da Ke Mashad