Gwamnatin Sakkwato ta bai wa ’yan gudun hijira tallafin kuɗi da shinkafa
Published: 5th, September 2025 GMT
Bayan sama da shekaru biyu a kan mulki, gwamnatin Sakkwato ta fara waiwayar ’yan gudun hijira da hare-haren ’yan bindiga suka raba da muhallansu.
A dukkanin ƙananan hukumomi 23 na jihar akwai ’yan gudun hijira da ke buƙatar ɗauki.
Tsohon mataimakin Gwamnan Gombe da wasu jiga-jigai sun fice daga PDP zuwa APC Saudiyya ta ƙaƙaba wa masu laifukan rashin ɗa’a sabuwar taraWasu ma sun tsallaka zuwa Jamhuriyar Nijar, inda suka yada zango a jihohin Dosso, Maradi da Tahoua.
Mutane da dama, musamman yara, suna cikin mawuyacin hali.
Wasu marayu suna yin sana’o’i kamar tuƙa baro, tara dutse ko yin bara domin samun abin ci, ba tare da wata kulawa daga gwamnati ba.
Da yawa daga cikinsu ba sa zuwa makaranta saboda yunwa da rashin tallafi.
A ƙoƙarin samar wa waɗanda suka rasa ’yan uwa a hare-haren baya-bayan nan, gwamnatin Sakkwato ta raba tallafin Naira miliyan 69.75 da buhun shinkafa 210 ga iyalan waɗanda abin ya shafa a Kware da Gwadabawa.
Gwamna Ahmad Aliyu, ya bayyana hare-haren a matsayin abin baƙin ciki, inda ya ce gwamnatinsa za ta ci gaba da tallafa wa jami’an tsaro da kuma kare al’ummar jihar.
Ya nuna damuwa kan yadda wasu ke bai wa ’yan bindiga bayanai, wanda hakan ke kawo rashin tsaro.
Dangane da rabon tallafin, gwamnati ta ce duk wanda ya rasa ɗan uwansa zai samu Naira miliyan biyu da buhun shinkafa biyar.
Waɗanda suka samu rauni za su karɓi Naira dubu 250 da buhunan shinkafa uku.
A Kware an kashe mutane 22, a Gwadabawa kuwa mutane 11 ne suka rasu, yayin da wasu 11 suka ji rauni.
Ana sa ran wannan tallafi zai zagaya sauran ƙananan hukumomin jihar, tare da ƙarin tallafi ga dubban ’yan gudun hijira da ke buƙatar taimako.
Ga hotunan yadda rabon tallafin ya gudana:
উৎস: Aminiya
কীওয়ার্ড: Yan gudun hijira gwamnati Sakkwato yan gudun hijira
এছাড়াও পড়ুন:
Kundin Bajinta na Guinness ya taya Hilda Baci murna
Fitacciyar mai girkin nan, Hilda Effiong Bassey, wadda aka fi sani da Hilda Baci, ta sake kafa tarihi a duniya ta hanyar girka tukunyar dafa-dukar shinkafa mafi girma bayan shafe awa takwas tana girkin.
Hakan dai na ƙunshe ne cikin wani saƙon taya murna da Kundin Bajinta na Guinness ya wallafa a shafukan sada zumunta.
Peter Obi ya kai wa Obasanjo ziyara ’Yan sanda sun sasanta rikicin asibitin AKTH da KEDCOHilda Baci dai ta dafa shinkafa dafa-duka mafi yawa a tarihi tare da sauran kayan haɗi da sunadaran ɗanɗano wadda nauyinta ya kai kilo 8,780 a yankin Victoria Island da ke Legas.
A shekarar 2023 Hilda mai shekaru 28 ta shiga Kundin Bajinta na Guiness World Record bayan shafe awa 93 da mintuna 11 tana girke-girken abinci iri-iri.
A wannan karon, Hilda ta girka ƙananan buhuna 200 na shinkafa wanda nauyinsu ya kai kilo 4,000 da katan 500 na tumatir da kilo 600 na albasa da sauran kayan haɗi.
An gudanar da zaman girkin a fili a cikin birnin kasuwanci na Legas, lamarin da ya ja hankalin ɗaruruwan masu kallo.
Dafa-dukar shinkafa wadda a wasu harsunan ake kira Jollof rice abinci ne da ake sha’awa sosai a yankin Yammacin Afirka, inda ƙasashe kamar Nijeriya, Ghana, Senegal, Kamaru, da Gambiya ke da’awar cewa su ne ke da mafi ƙwarewa a wurin girka ta.
A shekarar 2023, Hukumar Ilimi, Kimiyya, da Al’adu ta Majalisar Ɗinkin Duniya (UNESCO) ta amince da Senegal a matsayin wurin da wannan abinci na dafa-dukar shinkafa ta samo asali.
Sarkin Saudiyya Ya Ɗauki Nauyin Falasɗinawa 1,000 Su Sauke Faralin