An Bude Baje Kolin Kayayyakin Sin Da Kudancin Asiya Karo Na 9 A Kunming
Published: 20th, June 2025 GMT
Yau Alhamis, an bude bikin baje kolin kayayyakin kasar Sin da kasashen kudancin Asiya wato CSAE karo na 9, tare da taron cinikayyar kayayyakin shige da fice na Kunming na Sin karo na 29, wanda za a gudanar tsawon kwanaki 6, a cibiyar baje kolin kasa da kasa na tabkin Dianchi na birnin Kunming a lardin Yunnan dake kudu maso yammacin kasar Sin.
Baje kolin CSAE na bana ya kunshi mahalarta daga kasashe da yankuna da kungiyoyin kasa da kasa guda 73, da fiye da kamfanoni 2500 da ke baje kolinsu, kana da halartar dukkan kasashen kudancin Asiya da kudu maso gabashin Asiya.
Baje kolin na wannan karo na ci gaba da amfani da taken “Yin hadin gwiwa da samun ci gaba tare”. Sannan rumfunan nune-nunen guda 16 sun nuna fasahohin masana’antun samar da kayayyaki na zamani, da makamashi mai tsafta, da aikin gona na zamani da dai sauran fannoni wadanda suke samun damar yin hadin gwiwa tsakanin Sin da kasashen kudancin Asiya da na kudu maso gabashin Asiya.
An yi nasarar gudanar da baje kolin CSAE sau 8 a baya, inda sama da kamfanoni 20,000 na gida da na waje suka halarci baje kolin, kuma jimillar kudin kwangilolin da aka daddale ta zarce dalar Amurka biliyan 110.(Safiyah Ma)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Sin Da Amurka Suna Taimaka Wa Juna Da Samun Wadata Tare
A ranar 30 ga wata ne shugabannin kasashen Sin da Amurka suka gana da juna a birnin Busan na kasar Koriya ta Kudu, lamarin da ya jawo hankulan kasa da kasa, inda shugabannin 2 suka yi musayar ra’ayoyi dangane da huldar da ke tsakanin kasashen 2 da al’amuran da suka jawo hankulansu. Sun amince da inganta hadin gwiwar kasashen 2 a fannonin tattalin arziki da cinikayya da makamashi da kyautata mu’amalar al’adu.
A yayin ganawar, shugaba Xi Jinping na kasar Sin ya jaddada cewa, yana son hada kai da shugaba Donald Trump na Amurka wajen aza harsashi mai kyau na raya huldar da ke tsakanin kasashen 2, tare da samar wa juna kyakkyawan yanayin samun ci gaba. A nasa bangaren, shugaba Trump ya ce, kasar Sin, abokiyar Amurka ce mafi girma. Kasashen 2 za su hada kansu wajen samun nasarar gudanar da manyan ayyuka da dama a duniya. Nan gaba Amurka da Sin za su kara samun nasara a hadin gwiwarsu. Shugabannin 2 sun amince su rika yin mu’amala da juna. Shugaba Trump yana sa ran kai ziyara a kasar Sin a farkon shekara mai zuwa, ya kuma gayyaci shugaba Xi ya ziyarci Amurka.
Masharhanta sun yi nuni da cewa, ganawar shugabannin 2 ta sanya tagomashi kan kyautatuwar huldar da ke tsakanin Sin da Amurka, ta kuma tsara manufar raya huldar kasashen 2 a nan gaba, tare da kwantar da hankulan kasashen duniya.
Abubuwan tarihi da kuma hakikanin abubuwa sun nuna cewa, wajibi ne Sin da Amurka su zama abokan juna. A wannan muhimmin lokaci, ganawar da shugabannin kasashen 2 suka yi ta sake tsara manufar kyautata da raya huldar da ke tsakanin kasashen 2. Muddin kasashen 2 suka aiwatar da muhimman daidaito da shugabannin 2 suka cimma, da mutunta ruhin adalci, tare da martaba juna da samun moriyar juna, to, za a raya huldar da ke tsakanin kasashen 2 ba tare da wata matsala ba, da kuma kara samar da kwanciyar hankali da tabbaci a duniya. (Tasallah Yuan)
ShareTweetSendShare MASU ALAKA
Wang Yi Ya Yi Karin Haske Game Da Taron Ministocin Harkokin Wajen Sin Da Amurka