Namibia Za Ta Karfafa Hulda Da Sin Yayin Baje Kolin Cinikayya Da Tattalin Arziki
Published: 6th, June 2025 GMT
Ma’aikatar kula da harkokin waje da cinikayya ta Namibia ta ce kasar za ta yi amfani da baje kolin cinikayya da tattalin arziki na Sin da Afrika (CAETE), wanda za a yi a lardin Hunan na kasar Sin, wajen zurfafa hadin gwiwa da Sin da lalubo sabbin damarmakin samun ci gaba.
Ma’aikatar ta bayyana haka ne cikin wata sanarwar da ta fitar jiya, inda ta bayyana cewa zuwa baje kolin ya nuna kudurin kasar na karfafa hadin gwiwa da dukkan abokan huldar samun ci gaba da na cinikayya, wadanda za su samar da damarmakin ga al’umma da sanya Namibia zama mai taka rawa a harkokin raya shiyyarta da ma nahiyar Afrika.
Sanarwar ta kara da cewa, Namibia za ta shiga cikin kasashe manyan baki a baje kolin CAETE na 4 da za a shirya a birnin Changsha na lardin Hunan, daga ranar 12 zuwa 15 ga watan Yuni. (Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Xi Ya Gabatar Da Muhimmin Jawabi A Taron Koli Na Sin Da Kasashen Tsakiyar Asiya Karo Na Biyu
A yau Talata, shugaban kasar Sin Xi Jinping ya gabatar da muhimmin jawabi a taron koli na kasar Sin da kasashen yankin tsakiyar Asiya karo na biyu.
A cikin jawabinsa, Xi ya ce, yayin da kasar Sin da kasashe biyar na yankin tsakiyar Asiya ke tafiya kan hanyar samun ci gaba a cikin dogon lokaci, sun kafa “Ruhin Sin da kasashen tsakiyar Asiya” na “Mutunta juna, da amincewa da juna, da moriyar juna, da taimakon juna, da inganta zamanantarwa tare ta hanyar samun ci gaba mai inganci”.
Yayin da ya ambaci yanayin rashin kwanciyar hankali da duniya ke fama da shi, ya ce ta hanyar tabbatar da adalci ne za a iya cimma burin kare zaman lafiya, da samun ci gaban kasashe daban daban na bai daya a duniya. Kana ra’ayi na kashin kai, da kariyar ciniki, da na kashin dankali, ba za su amfani kowa ba.
Daga baya, shugaban ya yi kira da a karfafa hadin kan Sin da kasashe 5 dake tsakiyar Asiya, don kiyaye al’adarsu ta yarda da juna, da nuna wa junansu goyon baya, da zurfafa hadin gwiwarsu kan harkoki daban daban, da kare zaman lafiya, da karfafa musaya a fannin al’adu, gami da tabbatar da wani tsarin kasa da kasa mai adalci da daidaituwa a duniya. (Bello Wang, Safiyah Ma)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
’Yan bindiga sun hallaka mutum 6 ƙauyukan Kebbi