Sojojin Sudan Sun Sanar Da Kammala “Tsarkake” Birnin Kahartum Daga Dakarun RSF
Published: 20th, May 2025 GMT
A yau Talata ne dai sojojin Sudan su ka sanar da cewa, baki dayan jihar Khartum ta zama ‘yantacciya daga dakarun kai daukin gaggawa na ( RSF), bayan da su ka kwace iko da fadar shugaban kasa dake cikin birnin a watan Maris.
Kakakin rundunar sojan Sudan ya sanar da cewa; Sojojin kasar da dukkanin bangarorinsu, suna ci gaba da sauke nauyin da yake kansu na fada da rundunar kai daukin gaggawa da masu taimaka mata a cikin yanki da kuma a fagen kasa da kasa.
Kakakin rundunar sojan kasar ta Sudan ya kuma ce; Sojojin na kasar Sudan suna samun nasarori a kowace rana.
Wata majiyar soja ta sanar da tashar talabijin din aljazira cewa; dakarun RSF sun kai hare-hare akan cibiyar kiwon lafiya ta soja dake garin Um-Durman’ bayan da sojoji su ka kwace iko da yankuna masu yawa a garin da kuma makamai da albarusai a unuwar “Saliha”.
Yaki a tsakanin sojojin Sudan da kuma rundunar kai daukin gaggawa ya barke ne dai a tsakiyar watan Aprilu na 2023,wanda ya zuwa yanzu ya ci rayukan fiye da mutane 20,000 da kuma tilastawa wasu mutane miliyan 15 yin hijira, kamar yadda MDD ta bayyana.
উৎস: HausaTv
এছাড়াও পড়ুন:
Saurayi ya kashe budurwarsa sannan ya soya qwaqwalwarta
Saurayi ya kashe budurwarsa sannan ya soya qwaqwalwarta
Koda a cikin jerin masu kisan gilla, mai cin naman mutane a Rasha Dmitry Luchin ya ci ya kasance matsayin xaya daga cikin mutune mafi munin xabi’a da rashin tausayi da suke rayuwa a duniya.
Xan ina da kisan, yanzu ya kasance sanannen mai laifi a Rasha saboda kashe budurwarsa da ya yi a shekarar 2018. Bayanan da suka fito game da yadda wannan lamari na rashin imani ya auku ya girgiza Gabashin Turai.
Budurwarsa mai suna Budunova, wacce take da shekaru 23 kacal a lokacin, ta ziyarci saurayinta Dmitry Luchin mai shekaru 45 don yin shagalin bikin Ranar Mata ta Duniya, amma shi kuwa mugun, ba ta san cewa, yana da wata muguwar voyayyar manufa ba.
Bayan sun sha giya tare, Luchin ya xauki kwalbar giyar da ya sha ya rusa mata a ka. Inda nan take ya kashe ta. Daga nan kuma ya sa wuqa ya gididdiba ta.
Bincike ya nuna cewa, xan ina da kisan, daga nan sai ya fasa kanta ya kwashe qwaqwalwar Budunova soya ya ci. Bai tsaya a nan ba, sai kuma ya xauki jininta da ke gudana da ya xiba a kofi ya sha. Ya kuma farke cikinta, ya yanke kunnuwanta ya saka mata xaya a bakinta xayan kuma ya ajiye a cikin wani da yake ba wa kyanwarsa abinci.
Luchin, wanda aka ruwaito cewa, matsafi ne mai bautar Shaidan, ya yi tawada da jininta ya rubuta wasu alamomin shaidan a qofar xakinsa, da nufin zai kira Shaixan da kansa ya zo xakin su gana kai tsaye. Bayan ya shiga hannu, a lokacin da ake gudanar da bincike ya gaya wa ‘yan sanda cewa, ya ci qwaqwalwarta da ya soya har sau biyu saboda “yana jin daxin xanxanon.”
Masu gabatar da qara sun ce, Luchin ma’abocin kallon finafinan masu aikata kisan kai ne, sannan yana shafe sa’o’i a shafukan yanar gizo da ake koyar da kisa.
A lokacin da ake gabatar da shari’arsa, Luchin ya fara karanta wata waqa ta surkulle daga inda yake killace a cikin wani kejin qarfe. Inda ya dage yana cewa, “shi ba mahaukaci ba ne, ba xan ina da kisa ba ne kuma shi ba mai cin naman mutane ba ne,” yana bayyana kansa a matsayin, “xalibi, xan wasa kuma mawaqi”.
Alqali Alexey Stanovsky ya katse shi lokacin da ya fara yin soki-burutsun kawo labari game da wani sanannen mai kisan gillar xan qasar Soviet mai suna Andrei Chikatilo. Alqali ya yanke hukuncin cewa, Luchin yana da qoshin lafiya kuma ya yanke masa hukunci kan laifin da ya aikata na kisan gilla.
Zai yi zaman shekaru 19 a gidan yari tare da aiki mai tsanani. Maqwabtan Budunova da suka shiga cikin damuwa sun ce, ba za su tava mantawa da mugun ganin da suka yi ba. Wani daga cikin su, ya qara da cewa, ” idan na tuna abin da na gani, sai in ga kamar ba a duniyar nan abin ya faru ba. Don na ganin babu wani xan adam da zai iya yin abin da ya yi.”
Sarkin Zuru: Muhammadu Sani Sami (1943-2025)