Jami’an Amurka da na Saudiyya sun tattauna batutuwan da suka shafi Gaza da yankin
Published: 10th, April 2025 GMT
Kakakin ma’aikatar harkokin wajen Amurka Tommy Bruce a cikin wata sanarwa da ya fitar ya bayyana cewa: Ministocin harkokin wajen Amurka da na Saudiyya sun tattauna kan yunkurin diflomasiyya a Gaza na sakin mutanen da aka yi garkuwa da su da kuma samar da tsagaita bude wuta mai dorewa a Gaza inda Hamas ta samu cikaken kwance damarar makamai da nakasassu.
An gudanar da taron ne a daidai lokacin da ake ci gaba da yin kiraye-kirayen a samar da mafita a siyasance a yakin Gaza, inda Isra’ila ta kashe Falasdinawa fararen hula fiye da 50,000 tun daga watan Oktoban 2023 (Bahan 1401).
A yayin da Amurka ke ci gaba da goyon bayan munanan hare-hare na gwamnatin sahyoniyawan da kuma kokarin shiga tsakani kan yarjejeniyar daidaita alaka tsakanin Saudiyya da gwamnatin haramtacciyar kasar Isra’ila, Riyadh ta jaddada tsagaita bude wuta nan take a zirin Gaza da kuma hanyar samar da kasashe biyu.
A watan da ya gabata, shugaban Amurka Donald Trump ya ce watakila ya ziyarci Saudiyya tun a farkon wannan watan (Afrilu). A wa’adin farko na gwamnatin Trump a shekarar 2017, Saudiyya ita ce kasar farko da Trump ya fara zuwa kasashen waje. Duk da haka, Axios ya ruwaito cewa tafiya za ta faru a tsakiyar watan Mayu.
Ministocin harkokin wajen Amurka da na Saudiyya sun kuma tattauna kan wasu batutuwan yankin da suka hada da yakin Sudan da Yemen.
Sanarwar da ma’aikatar harkokin wajen Amurka ta fitar ta ce: Ministocin harkokin wajen Amurka da na Saudiyya sun kuma amince da cewa, sojojin kasar Sudan da dakarun da ke ba da goyon baya cikin gaggawa su koma kan teburin sulhu, da kare fararen hula, da bude kofofin jin kai, da kuma komawa ga farar hula.
উৎস: HausaTv
কীওয়ার্ড: Amurka da na Saudiyya sun harkokin wajen Amurka
এছাড়াও পড়ুন:
Jiragen Yakin Amurka Sun Kashe Mutane Da Dama A lardin Sa’ada Na Kasar Yemen
Mutane da dama daga nahiyar Afirka ne suke cikin mutane kimani 50 wadanda suka rasa rayukansu sanadiyyar hare-haren da jiragen yakin Amurka suka kai kan wani gidan kaso a lardin Sa’ada na kasar Yemen.
Tashar talabijin ta Presstv a nan Tehran ta nakalto kamfanin dillancin labaran Al-Masirah yana cewa makaman Amurka sun fada kan wani gidan yarin da aka kebewa yan Afrika, kuma yawansu ya kai 115, amma har yanzun ba’a san yawan wadanda suka rasa rayukansu a gidan yari.
Labarin ya kara da cewa har yanzun ma’aikatan agaji suna aikin ceto a wurin, sannan hotunan da suka fara bayyana sun nuna gawaki da dama. Amma Al-Masirah ta bayyana cewa akalla mutane 68 sun rasa rayukansu.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma