An kama ɗan uwan Nnamdi Kanu da lauyansa —Sowore
Published: 20th, October 2025 GMT
’Yan sandan da aka tura domin daƙile zanga-zangar neman a sako Nnamdi Kanu sun kama ɗan’uwansa da lauyansa, Aloy Ejimakor, inji jagoran zanga-zangar, Omoyele Sowore.
A wani saƙo da ya sanya a shafin X, Sowore ya zargi ’yan sanda da kama Kanu’s ɗan uwan Kanu, lauyansa, da wasu masu ’yan ba-ruwanmu ba tare da la’akari ba.
“Tawagar @PoliceNG da aka tura domin zaluntar masu zanga-zangar #FreeNnamdiKanuNow ta kama ɗan’uwan Nnamdi Kanu, da lauyansa @AloyEjimakor, har ma da wasu masu bin hanya. An doke sannan aka kai su ofishin ’yan sanda na Abuja. Dole ne a saki su nan take!” in ji shi.
Aminiya ta ruwaito cewa ’yan sanda sun yi amfani da harsashi mai rai domin tarwatsa masu zanga-zangar da ke neman sakin Kanu, shugaban kungiyar IPOB, wanda ke hannun Hukumar tsaro ta DSS tun lokacin sake kama shi a watan Yuni 2021.
Jami’an tsaro sun buɗe wa masu zanga-zangar Nnamdi Kanu wuta a Abuja Juyin mulki: Ana zargin tsohon gwamnan da ɗaukar nauyin sojojin NajeriyaAn kuma samu rahotannin cewa jami’an tsaro sun harba barkonon tsohuwa a wurin masu motoci da ke zirga-zirga a tsakiyar kasuwar Abuja, abin da ya haifar da firgici da tsangwama ga cunkoson motoci da safe.
Manyan tituna a kusa da tsakiyar birnin an toshe su, lamarin da ya janyo cunkoson ababen hawa.
Kafin zanga-zangar, hedikwatar ’yan sandan ta bayyana wasu sassan birnin a matsayin “yankuna da ba za a yi zanga-zanga ba.”
Kakakin rundunar, Benjamin Hundeyin, ya ce Kotun Tarayya a Abuja ta ba da umarni da ke hana kungiyoyi gudanar da zanga-zanga a kusa da manyan gine-ginen gwamnati, ciki har da Aso Rock, Majalisar Tarayya, Hedikwatar ’Yan Sanda, Kotun Daukaka Kara da Eagle Square.
Ya roƙi dukkan ƙungiyoyi—ko masu goyon baya ne ko masu adawa da tsarewar Kanu—da su kiyaye umarnin kotu.
Ana ci gaba da shari’ar Kanu a Kotun Tarayya da ke Abuja kan tuhumar ta’addanci, yayin da Sowore da sauran masu fafutuka ke ci gaba da kiran a sake shi ba tare da sharaɗi ba.
উৎস: Aminiya
কীওয়ার্ড: Yan Sanda Tsaro zanga zangar
এছাড়াও পড়ুন:
’Yan sandan Borno sun kama matashin da ake zargi da kashe makwabciyarsa da wuƙa
Rundunar ’yan sandan jihar Borno ta kama matashin nan da ake zargi da kashe makwabciyarsa a unguwar Shuwari II, a garin Maiduguri babban birnin jihar, ta hanyar daba mata wuka.
Kakakin rundunar ’yan sandan jihar, ASP Nahum Kenneth Daso, ya ce lamarin ya faru ne da misalin ƙarfe 11:00 na dare a ranar Talata.
Amurka za ta hana ’yan Najeriyar da ake zargi da yi wa Kiristoci kisan kiyashi biza Jirgin fadar shugaban ƙasa ya ƙi sayuwa wata 5 bayan saka shi a kasuwaYa ce ana zargin matashin ne mai shekaru 17 da aka fi sani da Amir, wanda makanike ne da kashe matar ta hanyar daba mata wuka.
Wani makwabcin wajen ya shaida cewa ana zargin matashin ne da shiga gidan ta hanyar tsallake katanga bayan ya jira ragowar mutanen gidan sun shiga ciki.
A cewar majiyar, matashin ya ɗauki wuƙa ya daba wa matar gidan, wadda ba a bayyana sunanta ba, a ƙirji da wuya, sannan ya tafi da wayarta da na’urar cajin hannu (power bank).
Majiyar ta ƙara da cewa bayan aikata laifin, wanda ake zargin ya koma gidansu ya wanke tufafinsa da kayan da ya yi amfani da su domin kauce wa bin sahunsa.
Rahotanni sun ce ƙanwar mijin wadda aka kashe ce ta fara sanar da jama’a bayan ta ji ihun matar tana neman taimako.
Lokacin da ta fito ta duba, sai ta ga wanda ake zargin yana gudu ya koma gidansu.
Majiyoyi sun tabbatar da cewa jami’an ’yan sanda sun kama matashin da misalin ƙarfe 2:30 na rana.
Sai dai kakakin rundunar, ASP Nahum Kenneth Daso, bai samu damar yin ƙarin bayani ba har zuwa lokacin hada wannan rahoto.
Allah Zai Kunyata Masu Ɗaukar Nauyin ’Yan Ta’adda – Gwaman Zamfara