Mutane 62 da aka sace sun tsere daga hannun ’yan bindiga a Katsina
Published: 19th, August 2025 GMT
Mutum 62 da ’yan bindiga suka yi garkuwa da su sama da wata guda sun tsere bayan rundunar soji ta kai farmakin sama da ƙasa a maboyar ’yan ta’adda a Karamar Hukumar ƊanMusa, Jihar Katsina.
Farmakin da aka kai a ranar Asabar da misalin ƙarfe 5:10 na yamma ya gudana ne bisa sahihan bayanan leƙen asiri, inda dakarun sojin sama da na ƙasa suka haɗa kai wajen kai hari a kauyen Jigawa Sawai, wanda ke iyaka da Jihar Zamfara.
A cewar sanarwar da Ma’aikatar Tsaro da Harkokin Cikin Gida ta Katsina ta fitar, farmakin ya tilasta ’yan bindigar guduwa, lamarin da ya ba wa mutanen da aka yi garkuwa da su damar tserewa cikin ruɗani.
Wasu daga cikin waɗanda suka tsere sun bayyana cewa sun rabu da juna yayin tserewa, amma an tattaro su daga sassa daban-daban.
Lafiyata garau, ba jinya ta kai ni London ba — Akpabio Sojoji sun kwace makamai 2,000 a shekara gudaGwamnatin jihar ta ce mafi yawan waɗanda aka ceto an sace su ’yan asalin ƙauyen Sayaya a Ƙaramar Hukumar Matazu, a wani farmaki da aka kai da daddare ranar Litinin, 11 ga Agusta, 2025, daga wani gungun ’yan bindiga da ake kira na Muhammadu Fulani.
A halin yanzu, mutum 12 daga cikin waɗanda suka tsere suna samun kulawar likita a Asibitin Matazu, yayin da 16 ke a sansanin soji na Kaiga Malamai. Ana ci gaba da tantance lafiyar sauran kafin a haɗa su da iyalansu.
Kwamishinan Tsaro, Nasir Mu’azu, ya bayyana cewa an tura Sojin Sama zuwa ƙananan hukumomin Matazu da Bakori domin dakile hare-haren ’yan bindiga da kuma tabbatar da zaman lafiya.
Gwamna Dikko Radda ya yaba da ƙwazon jami’an tsaro, yana mai tabbatar da cewa gwamnatinsa na da niyyar kawo ƙarshen ta’addanci a jihar.
Ya kuma tabbatar wa iyalan waɗanda aka ceto cewa za a haɗa su da ’yan uwansu bayan an kammala duk wasu bincike da jinyar da ake yi.
উৎস: Aminiya
কীওয়ার্ড: Yan Bindiga yan bindiga
এছাড়াও পড়ুন:
Musabbabin Hana Sule Lamido Fom Ɗin Takarar Shugabancin PDP
A zantawar Sule Lamido da BBC, ya bayyana cewa; an yi masa kora da hali a hedikwatar jam’iyyar ta PDP.
Ya kara da cewa, ya je hedikwatar jam’iyyar PDP ne; domin karbar fom na takarar shugabancin PDP, sai ya samu ofishin da ya kamata ya karba a kulle, da ya tambaya sai aka ce da shi, a hannun gwamnan Adamawa kadai zai samu fom din.
Lamido ya ci gaba da cewa, ba ya fata a kai ga matakin da za a hana shi shiga takarar, “domin ina tunanin rigimar cikin gida ce, sannan kuma za mu iya samun maslaha a cikin gidan. Amma idan hakan bai yiwu ba, daga nan kuma na san me zan yi,” in ji shi.
Haka zalika, Sule Lamido ya ce; a shirye yake ya tsaya takarar shugabancin jam’iyyar a zaben da za a yi lokacin babban taron jam’iyyar a watan Nuwamban wannan shekara a birnin Ibadan na Jihar Oyo.
Bugu da kari, Lamidon ya sha alwashin tafiya kotu idan har aka ki sayar masa da fom din tsayawa takarar.
Kazalika, rahotanni sun tabbatar da cewa; tuni tsohon ministan ayyuka na musamman, Kabiru Tanimu Turaki ya yanki nasa fom din, a daidai lokacin da aka ki sayar wa da tsohon gwamnan na Jigawa fom din takarar shugabancin jam’iyyar ta hamayya, wato PDP.
Har wa yau, Jam’iyyar PDP ta sanar da dage tantance dan takara daga ranar Talata zuwa wani lokaci nan gaba, duk da cewa; jam’iyyar ba ta fadi dalilin yin hakan ba.
Haka nan, sanar da Kabiru Tanimu Turaki a matsayin dantakarar maslaha daga Arewacin Nijeriya ya bar baya da kura, inda wasu daga cikin shugabannin jam’iyyar PDP na shiyyar Arewa maso yammacin kasar, shiyyar da Turaki ya fito suka yi watsi da matakin da gwamnoni suka dauka.
Kazalika, shugaban jam’iyyar PDP na Jihar Sakkwato, Muhammad Bello Aliyu na cikin shugabannin da suka yi fatali da matakin da gwamnonin suka dauka, saboda a cewarsa, ba a ba su damar zama su tattauna ba, gabannin tsayar da Turakin. Kana kuma, an sake samun wasu jiga-jigan jam’iyyar daga Jihar Kebbi da suka yi fatali da wannan maslahar.
Dangane da wanan sabuwar rigima ko rikici, malami a kwalejin ilimi ta share fagen shiga jami’a da ke Kano kuma mai sharhi kan al’amuran yau da kullum, Dakta Kabiru Sa’id Sufi ya ce; ana neman fama karaya ne a yunkurin gyara targade.
“Mun dauka cewa, tunda aka zo batun zaben shugabanci, matsalolin da jam’iyyar ke ciki sun kusa zuwa karse, musammman ganin har an yi kokarin rarraba mukamai zuwa shiyya-shiyya, amma kuma sai hakan ya bar baya da kura.
“Yanzu haka, an fara samun korafi daga bangarori da dama, ciki har da daga wadanda ake ganin ba su da wata matsala.”
Haka nan, ya kara da ce; hana Sule Lamido sayen fom din takarar shugabancin jam’iyyar, wani babban al’amari ne, domin kuwa a cewar tasa; hakan ya kara haifar da rashin gamsuwa a tsakanin ‘ya’yan jam’iyyar.
Ya ce, “Akwai da ma wasu da suke ganin an lasa musu zuma a baki a Arewacin kasar na tsayawa takara, sai daga baya suka gane cewa, ba da gaske ake ba. Idan aka duba, za a ga akwai rashin gamsuwa daga bangarori da yawa. Ko bangaren Shekarau ma, sun nuna rashin gamsuwa da yadda ake tafiyar da al’amuran.”
ShareTweetSendShare MASU ALAKA
Ministan Harkokin Wajen Iran Ya Ce; An Mika Batun Hakin Gwiwa Tsakanin Iran Da Hukumar IAEA Ga Kwamitin Kolin Tsaron Kasa