An Bada Gudummawar Kekunan ga Masu Bukatu Na Musamman A Birnin Kebbi.
Published: 1st, May 2025 GMT
Ministan Kasafin Kudi da Tsare Tattalin Arziki, Sanata Atiku Bagudu tare da hadin guiwar Kyakyawar Gate Handicapped Centre Jos, sun bayar da tallafin keken guragu guda dari da talatin ga masu bukata ta musamman a Birnin Kebbi na jihar Kebbi.
Kakakin Ministan, Sadiq Nura Maiyaka, ya ce Ministan ya kuduri aniyar taimakawa masu bukata ta musamman don gudanar da ayyukansu na yau da kullun da sauran jama’a.
Ya shawarci wadanda suka amfana da su yi amfani da keken guragu kada su sayar da su domin su rika zagayawa da ayyukansu ba tare da wata damuwa ba.
Daraktan yada labarai na Kyawawan Gate Handicapped Centre Jos, Sandra Riliwan, ta ce wannan ba shi ne karon farko da cibiyar ke hada kai da masu hannu da shuni da kungiyoyi ba don taimakawa masu bukata ta musamman a jihar Kebbi.
Don haka ta bukaci karin abokan hulda domin su taimaka ma masu bukata ta musamman ba a jihar Kebbi kadai ba har ma da kasa baki daya da kuma wajenta.
Ita ma wata mai gabatar da shirin kuma wata malama daga Makarantar Sakandaren ’Yan Mata ta Dokta Amina ta Jihar Kebbi, Halima Danjuma Fatauci, ta ce ta ji takaicin yadda wasu ke gurgunta yunkurin da suke yi ba tare da taimakon masu hannu da shuni ba, ta kuma yanke shawarar bayar da gudunmuwar wata-wata domin ta taimaka wa wasu da keken guragu domin su yi tafiya cikin sauki.
Ta godewa Ministan Kasafin Kudi da Tsare Tattalin Arziki, Sanata Atiku Bagudu da Cibiyar Nakasassu ta Jos bisa amincewa da bukatarta ta hanyar bayar da tallafin keken guragu 130 ga masu bukata ta musamman a jihar Kebbi.
COV/ Abdullahi Tukur
উৎস: Radio Nigeria Kaduna Hausa
কীওয়ার্ড: a jihar Kebbi keken guragu
এছাড়াও পড়ুন:
Yadda wani ɗan sanda ya rasu a hanyar zuwa ɗaurin aurensa
Wani jami’in ɗan sanda, SP Mustapha Garba Gumau, ya yi gamo ajalinsa a wani hatsarin mota yayin da ya rage aƙalla sa’a ɗaya a ɗaura masa aure.
Aminiya ta ruwaito cewa, ajali ya katse hanzarin jami’in ne a kan hanyar Gumau zuwa Magaman-Gumau da ke Ƙaramar Hukumar Toro ta Jihar Bauchi, inda za a ɗaura masa aure.
Masu ƙwacen waya sun kashe ma’aikacin Jami’ar Northwest a Kano HOTUNA: Yadda aka yi sulhu da ƙasurgumin ɗan fashin daji Ado Aliero a KatsinaSP Gumau wanda hatsarin ya rutsa da shi da abokansa ya rasu ne da misalin ƙarfe 9 yayin da ake shirin ɗaura masa aure da misalin ƙarfe 10 na safiyar ranar Asabar.
Wata sanarwa da mai magana da yawun rundunar ’yan sandan Bauchi, CSP Mohammed Ahmed Wakil ya fitar ta ce an tabbatar da rasuwar matashin da ke shirin angwancewa bayan an garzaya da shi asibiti.
Wakil ya ce jami’in ya rasu tare da wasu abokansa biyu da ke cikin wata mota ƙirar marsandi bayan sun yi karo da wata motar ƙirar Opel Vectra.
Sanarwar ta ambato Kwamishinan ’yan sandan Bauchi, CP Auwal Sani Omolori yana jajanta wa iyalan mamatan da kuma addu’ar mutuwa ta zamanto hutu a gare su.
An Yi Musayar Yawu A Tsakanin Shugabannin Kasashen Amurka Da Ukiraniya A Fadar White House