MDD Ta Yi Gargadin Barkewar Yakin Da Zai Hada Kasashe A DRC
Published: 21st, February 2025 GMT
Manyan jami’an MDD dake aiki a nahiyar Afirka sun yi gargadi a yayin taron gaggawa na kwamitin tsaro akan cewa hare-haren da ‘yan tawaye masu samun goyon bayan Rwanda suke kai wa a gabashin DRC, zai iya haddasa yakin da zai hada kasashe da dama na yankin.
‘Yar sakon musamman ta MDD a DRC, Bintu Keita ta fadi cewa: “Ya zama wajibi ga kwamitin tsaron ya dauki matakan gaggawa domin hana barkewar yakin da zai hada kasashen yankin.
Shi kuwa dan sakon musamman na MDD a yankin tekun Victoria Huang Xia cewa ya yi; “Yadda mayakan kungiyar ‘yan tawaye ta M 23 ta kwace manyan garuruwan da suke a gabashin kasar ta DRC a cikin makwannin bayan nan yana nuni da yadda ake fuskantar hatsarin taho mu gama a tsakanin kasashen yanki, fiye da kowane lokaci a baya.”
Jakadan kasar Faransa a MDD Nicolas De Riviere kira yi ga kwamitin tsaro da amince da daftarin kudurin da kasarta ta gabatar makwanni biyu da su ka gabata wanda yake jaddada wajabcin kare hadin kan kasar DRC da huruminta. Haka nan kuma ya yi kira da dakatar hare-haren M 23 da kuma janye sojojin Rwanda daga cikin kasar, sannan da bude tattaunawa.”
Jakadan ya kuma ce; Da akwai hatsarin barkewar yaki a cikin yakin, wanda yake karuwa a kowace rana.”
Kungiyar M 23 tana a matsayin gamayya ce ta kananan kungiyoyin ‘yan tawaye har 100 da suka shimfida iko a gabashin Congo dake da albarkatun karkashin kasa da tirliyoyin daloli.
Rwanda tana taimakawa ‘yan tawayen da sojojin da sun kai 4000 kamar yadda jami’an MDD da suke aiki a kasar su ka ambata. “Yan tawayen sun yi barazanar za su nausa su nufi babban birnin kasar Kinshasa mai nisan kilo mita 1,000.
উৎস: HausaTv
এছাড়াও পড়ুন:
Karamar Hukumar Gwarzo Ta Karfafa Yaƙi Da Miyagun Kwayoyi Da Shan Magani Ba Bisa Ka’ida Ba
Shugaban karamar hukumar Gwarzo, Dr. Mani Tsoho, ya yi gargaɗi ga mazauna yankin kan mummunan ɗabi’ar shan magani ba tare da shawarar likita ba, yana mai bayyana hakan a matsayin babban haɗari ga lafiya da ka iya janyo matsalolin da ke barazana ga rai.
Dr. Tsoho ya yi wannan gargaɗi ne yayin da yake ziyarar duba asibitin Gwarzo General Hospital, inda ya gana da marasa lafiya, ya duba yadda ake gudanar da ayyuka, tare da yabawa ma’aikatan lafiya bisa jajircewarsu wajen kula da jama’a.
Ya nuna damuwa cewa, yawancin matsalolin lafiya da ake fuskanta a cikin al’umma na faruwa ne sakamakon amfani ko wuce gona da iri wajen shan magunguna ba tare da shawarwarin ƙwararru ba.
Ya shawarci jama’a da su nemi shawarar likitoci da masu magunguna kafin su sha kowanne irin magani.
Shugaban karamar hukumar ya yi kira ga mazauna yankin da su rika ziyarar asibiti mafi kusa da zarar sun ji wata alamar rashin lafiya don samun kulawa cikin lokaci.
Ya tabbatar da cewa akwai likitoci da nas-nas ƙwararru a cibiyoyin lafiya na yankin da za su samar da ingantacciya kulawa.
Yayin da yake jaddada kudirin gwamnatinsa na inganta harkokin lafiya a dukkan yankuna, Dr. Tsoho ya ce hukumar tana aiki don samar da isassun magunguna, kayan aiki na zamani da kuma horaswa ga ma’aikatan lafiya.
Baya ga batun lafiya, shugaban ya kuma yi kira ga jama’a da su kasance masu lura da tsaro, tare da yin gaggawar kai rahoton duk wani motsi ko mutum da ba su yarda da shi ba ga jami’an tsaro domin daukar mataki cikin lokaci.
Daga Khadijah Aliyu
HKI Ta Roki Amurka Ta Taimake Ta A Fada Da Kasar Yemen