An dakatar da dagaci kan zargin saran maraya da adda
Published: 8th, February 2025 GMT
An dakatar da Dagacin Karagawal da ke Jihar Gombe, Usman A. Bello, daga kujerarsa, har sai an kammala bincike kan zargin da ake masa na saran wani maraya da adda har sau bakwai.
A baya Aminiya ta ruwaito yadda jikin marayan, mai suna Adamu Muhammad mai shekara 15 ya fara ɗoyi saboda rashin samun kulawa bayan asibiti sun ƙi karbarsa saboda rashin kuɗi, sakamakon raunukan da yake zargin dagacin ya yi masa.
A yayin hirar da Aminiya ta yi da shi a lokacin, Dagacin ya musanta sarar yaron, inda ya bayyana cewa ya yi ƙoƙarin kare kansa ne bayan varayi ɗauke da makami sun shiga gidansa.
Lamarin da ya faru a farkon watan Disamba na shekarar 2024, wanda ya haifar da ce-cekuce a yankin.
‘A sansanin gudun hijira na yi sakandare har na zama likita’ Jirgin Amurka ɗauke da mutum 10 ya ɓaceShugaban Ƙaramar Hukumar Gombe, Barista Sani A. A. Haruna, ya bayyana cewa an dakatar da basaraken ne domin tabbatar da adalci da kuma kare martabar duk wanda lamarin ya shafa.
Ya ce, “Mun ɗauki xawainiyar jinyar yaron, inda muka kashe sama da Naira dubu ɗari biyar. Wannan nauyi ne na gwamnati, ba iyayensa ba, domin ba shi ya ji wa kansa ciwo ba.”
Barista Haruna ya ce an dakatar da Dagacin ne bayan ƙorafin da aka samu cewa ya ɗauki matakin da ya saba wa doka, “ko da yaron ya aikata wani laifi, ba ya halatta a xauki doka a hannu. A maimakon haka, doka ta tanadi cewa a kai shi gidan horon yara. Amma abin da ya fi muhimmanci a yanzu shi ne tabbatar da cewa yaron ya samu sauqi kafin a ci gaba da bincike.”
Dagacin Karagawal, Usman A. Bello, ya kare kansa da cewar wasu matasa ne suka shiga gidansa da makamai cikin dare da nufin sata, wanda hakan ya sa shi ɗaukar matakin kare kansa.
Ya ce, “Na samu nasarar qwace adda daga ɗaya daga cikinsu, sannan na yi amfani da ita don kare kaina.’
A daya bangaren, saurayin aka yi wa raunin, Adamu Muhammad, ya musanta daukar makami ko aikata sata. Ya ce, “Na shiga gidan ne ba tare da izini ba, amma Dagacin ne ya zo da adda ya sassara ni har na ji ciwo a wurare daban-daban.”
Idan ba a manta ba, a baya yaron ya shaida wa wakilin Aminiya cewa ya je neman mafaka a gidan dagacin ne saboda tsoron matakin da mahaifiyarsa za ta xauka a kansa bayan ya yi faɗa da wata budurwa a makwabtansu, har ta kai ƙararsa wurin ’yan banga, suka nemi ya biya yarinyar kuɗi, kuma ba shi da su.
Shugaban ƙaramar hukumar ya ce za a gudanar da cikakken bincike ba tare da nuna son kai ba. Ya ce, “Ba za mu yanke hukunci yanzu ba, har sai mun saurari bayanin yaron da zarar ya samu lafiya.
“Idan aka yanke hukunci yanzu kuma daga baya wani abu ya taso, misali rashin lafiyarsa ko wani akasin haka, to shari’ar za ta canza gaba ɗaya.”
Ya kara da cewa matakin dakatar da Dagacin ya ba da damar gudanar da bincike cikin gaskiya da adalci. “Idan bincike ya tabbatar da cewa Dagacin ne ya yi wa yaron rashin adalci, to za a xauki matakin da ya dace. Idan kuma aka gano cewa yaron ne da laifi, za a yi hakan cikin tsari.”
উৎস: Aminiya
কীওয়ার্ড: Karagwal
এছাড়াও পড়ুন:
Amurka : zamu dauki matakin soja idan Najeriya ta gaza kawo karshen kashe Kiristoci
Sakataren Ma’aikatar Yaki na Amurka, Pete Hegseth, ya ce ma’aikatarsa na shirin daukar matakin soja idan gwamnatin Najeriya ta gaza kawo karshen “kashe-kashen Kiristoci marasa laifi” a kasar.
Hegseth, yana mayar da martani ga wani sako da Shugaban Amurka Donald Trump ya wallafa a Truth Social, inda ya zargi gwamnatin Najeriya da yin shiru kan hare-haren da ake kai wa Kiristoci.
Gwamnatin Najeriya ta mayar da martani kan jawabin da shugaban Amurka Donald Trump ya yi inda yake zargin kashe kiristoci a Najeriyar.
A martanin da ta mayar, ma’aikatar harkokin wajen Najeriya, ta ce lamarin ba haka ba ne.
Sanarwar da kakakin ma’aikatar Kimiebi Imomotimi Ebienfa ya sanya wa hannu, ta ce, “duk da cewa Najeriya na godiya da kulawar da kasashen duniya ke ba ta musamman kan batun hakkin dan’adam da hakkin addini, wannan batun na zargin kashe kiristoci a kasar ba haka ba ne.
Duk yan Najeriya suna da yancin gudanar da addininsu yadda ya kamata, kuma suna gudanar da ibadarsu ba tare da tsangwama ba.” Inji sanarwar.
Shi dai shugaban Amurka Donald Trump Ya ce kiristanci na fuskantar babbar barazana a Najeriya,”, inda ya kara da cewa ana kashe dubban Kiristoci, kuma masu tsaurin kishin Islama ne ke aikata wannan kisan gillar.
“Saboda haka ya ayyana Najeriya kasar da ake da damuwa a kanta.”
Bugu da ƙari, Trump ya ce ya bai wa ‘yan majalisar wakilai Riley Moore da Tom Cole umarnin fara bincike kan hakan kuma su kai masa rahoton sakamakonsa.
Share
0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Hamas ta musanta zargin Amurka na cewa tana sace kayan agaji a Gaza November 2, 2025 Wasu Yan Ta’adda Sun Kashe Dakarun Sa Kai 2 A Kudu Maso Gabashin Iran November 2, 2025 Sojojin Amurka Na Kara Fuskantar Venezuwela Adaidai Lokacin da Trump Ke Musanta Batun Kai Hari November 2, 2025 Isra’ila Ta Kashe Mutane 4 Tare Da Jikkata Wasu Guda 3 A Kudancin Labanon November 2, 2025 Iran Ta Gargadi Isra’ila Kuma Tasha Alwashin Kare Shirinta Na Nukiliya November 2, 2025 Shugaban AmurkaTrump ya yi barazanar daukar matakin soji kan Najeriya November 2, 2025 Kamaru: Jagroan ‘Yan Hamayya Ya Yi Kira Da A Tsayar Da Harkoki A Fadin kasar November 1, 2025 MDD Tana Sa Ido Akan Kashe-kashen Da Ake Yi A Zaben Kasar Tanzania November 1, 2025 Gaza: Daga Tsagaita Wuta Zuwa Yanzu Fiye Da Mutane 200 Ne Su Ka Yi Shahada November 1, 2025 Shugaban Najeriya Ya Mayar Da Martani Ga Takwaransa Na Amurka Akan Rikicin Addini November 1, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Ministan Harkokin Wajen Iran Ya Ce; An Mika Batun Hakin Gwiwa Tsakanin Iran Da Hukumar IAEA Ga Kwamitin Kolin Tsaron Kasa