Masar Ta Yi Kira Ga HKI Da Ta Janye Sojojinta Daga Kudancin Lebanon
Published: 2nd, February 2025 GMT
Ma’aikatar harkokin wajen kasar Masar ta fitar da sanarwa da a ciki ta bukaci Isra’ila da ta janye sojojinta daga kudancin Lebanon tana mai cewa wannan wani abu ne mai matukar muhimmanci.
Ministan harkokin wajen kasar ta Masar Badar Abdulatif ya ce, wajibi ne ga Isra’’ila da ta janye sojojin nata daga Lebanon ba tare da wani sharadi ba, domin ba za a kyale ta akan koda taku daya na kasar Lebanon ba.
A karkashin sharadin tsagaita wutar yaki da aka yi a ranar 27 ga watan Nuwamba na 2024, Isra’ila za ta janye sojojinta daga cikin kasar ta Lebanon a ranar 26 ga watan nan na Janairu.
Ya zuwa yanzu dai an tura sojojin Lebanon da kuma na MDD a cikin garuruwan dake kan iyaka da Falasdinu dake karkashin mamaya,sai dai duk da hakan HKI tana ci gaba da zama a cikin wasu gargruwan na wannan yankin.
A makon da ya shude ne dai Amurka da kuma gwamnatin Lebanon su ka karawa Isra’ila wa’adin zuwa 18 ga watan Fabrairu domin su janye daga kasar.
Ministan harkokin wajen kasar ta Masar ya ce, ci gaba da zaman sojojin HKI a cikin Lebanon ya sabawa doka, kuma babu wani dalili da zai sa ta rika kai wa farafen hula hare-hare.
উৎস: HausaTv
এছাড়াও পড়ুন:
Tinubu ya yanke hulɗa da Amurka kawai — Sheikh Gumi
Fitaccen Malamin Addinin Musulunci, Sheikh Ahmad Gumi, ya shawarci Shugaba Bola Tinubu da ya ɗauki mataki mai tsauri a kan Shugaban Amurka, Donald Trump, game da barazanar da ya yi na amfani da ƙarfin soja a kan Najeriya.
Cikin wani saƙo da ya wallafa a shafinsa na Facebook a ranar Lahadi, malamin ya bayyana cewa irin wannan magana ta Trump cin mutunci ce ga ’yancin Najeriya.
Tsaro: Taimakonmu Amurka ya kamata ta yi maimakon barazana — Kwankwaso Kisan Kiristoci: Ba zan yaƙi ƙasar iyayena kan labaran ƙarya ba — Sojan AmurkaDon haka malamin ya yi kira da a ɗauki matakin diflomasiyya cikin gaggawa.
“Trump ya yi barazana ga ƙasa mai cin gashin kanta da harin soja, wannan girmamawa ne ga ƙasarmu,” in ji Gumi.
Sheikh Gumi, ya nemi Gwamnatin Tarayya ta kira Jakadan Amurka domin neman bayani da kuma a janye wannan barazanar, inda ya yi gargaɗin cewa idan ba a yi haka ba, to Najeriya ta yanke hulɗa da Amurka.
“Shugaba Tinubu ya kamata ya kira Jakadan Amurka idan ba su janye barazanar ba, to mu yanke hulɗa da wannan gwamnati mara mutunci,” in ji shi.
Gumi, ya kuma jaddada cewa Najeriya tana da damar bunƙasa tattalin arziƙinta ba tare da dogaro da Amurka ba.
“Akwai hanyoyi da dama da za mu iya faɗaɗa tattalin arziƙinmu da ƙarfafa haɗin kan soji ba tare da dogaro da su ba,” in ji Gumi.
Ministan Harkokin Wajen Iran Ya Ce; An Mika Batun Hakin Gwiwa Tsakanin Iran Da Hukumar IAEA Ga Kwamitin Kolin Tsaron Kasa