Jami’in Kenya: Fasahar Sin Na Ingiza Samar Da Wutar Lantarkin Kenya
Published: 1st, February 2025 GMT
Kasar Kenya na amfani da damar ci gaban fasahar kasar Sin don kara dogaro da samar da wutar lantarki a kasar.
Darektan ma’aikatar kula da harkokin rarraba wutar lantarki ta kasar Joseph Siror ne ya bayyana hakan a ranar Juma’a, inda ya shaidawa kamfanin dillancin labarai na Xinhua a Nairobi, babban birnin kasar Kenya cewa, ababen more rayuwa a fannin samar da wutar lantakin kasar na kunshe da dimbin kayayyakin aiki daga kamfanonin kasar Sin irin su Huawei da rukunin Yocean.
“Sashen wutar lantarki na Kenya ya kuma ci moriyar musayar fasaha da kara sanin makamar aiki daga kamfanonin kasar Sin,” kamar yadda Siror ya bayyana a lokacin da kamfanin ya fitar da sakamakon rabin shekarar da ta gabata a ranar 31 ga Disamban 2024.
Siror ya kara cewa, masana’antun kasar Sin da dama sun yi nasara a takarar neman samar wa ma’aikatar wutar lantarki ta Kenya da na’urorin wutar lantarki saboda ci gaban fasaharsu da kuma karfi a bangaren hada-hadar kudi. Ya jaddada cewa, ta hanyar hadin gwiwa da kamfanonin kasar Sin, kasar Kenya ta samu damar samun hanyoyin samun kayayyakin wutar lantarki masu inganci kuma na zamani, da tsarin rarraba makamashi mai inganci, da na’urorin tantance yawan amfani da lantarki na zamani. (Mai fassara: Mohammed Yahaya)
কীওয়ার্ড: wutar lantarki
এছাড়াও পড়ুন:
Guterres: Jerin Shawarwarin Da Sin Ta Gabatar Sun Cika Ka’idar Kundin Tsarin Majalisar Dinkin Duniya
Babban sakataren MDD António Guterres, ya bayyana a jiya Talata cewa, jerin shawarwarin da Sin ta gabatar wato shawarar raya duniya, shawarar tabbatar da tsaron duniya, shawarar raya wayewar kan al’ummun duniya, da kuma jagorantar harkokin duniya, sun dace da ka’idar kundin tsarin MDD.
Guterres ya bayyana hakan ne yayin da yake amsa tambayoyin ‘yan jarida a wani taron manema labarai da aka yi a ranar. Ya ce shawarwarin da Sin ta gabatar sun mutunta manufar kasancewar bangarori da dama, kuma sun goyi bayan MDD a matsayin cibiyar hadin gwiwar kasa da kasa, tare da dukufa kan inganta hadin gwiwa tsakanin kasashe daban daban da warware rikice-rikice cikin lumana.
Guterres ya kara da cewa, yanzu ana fuskantar rarrabuwar kawuna a fagen siyasa ta duniya da kuma karuwar yaduwar rikice-rikice, da ma rashin hukunta masu laifi. Bugu da kari, sabbin fasahohi suna ci gaba da bullowa “ba tare da bin wani tsari ba”, yayin da rashin daidaito ke kara tsananta. A wannan yanayi, babban taro karo na 80 na MDD mai tsawon mako guda da za a fara a mako mai zuwa, zai ba da duk wata dama ga tattaunawa da shiga tsakani.(Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Everton Ta Yi Ban Kwana Da Goodison Park