’Yan sanda sun yi ƙarin haske kan barazanar harin ’yan ta’adda a Kano
Published: 27th, January 2025 GMT
Rundunar ’yan sandan Jihar Kano ta yi ƙarin haske dangane da barazanar harin ’yan ta’adda da ta yi gargaɗin aukuwarsa a bayan nan.
Da yake yi wa manema labarai jawabi, Kwamishinan ’Yan sandan Kano, Salman Dogo Garba, ya ce sun ɗauki matakan da suka dace biyo bayan barazanar harin ’yan ta’adda musamman a yayin taron Maulidin Shehu Ibrahim Inyass na ƙasa da aka gudanar ranar Asabar a jihar.
“Mun ankarar da jama’a sannan muka ɗauki matakan da suka dace domin tunkarar lamarin,” in ji CP Garba.
Ya bayyana cewa wasu daga cikin waɗanda ake zargin dangane da lamarin sun tsere daga jihar a sakamakon bayanan sirri da rundunar ta tattara.
“Mun kuma samu nasarar cafke wani mutum guda da ya shigo Kano ya samu mafaka a wani coci.
“Haka kuma mun samu ababen fashewa da sauran kayayyakin da aka yi yunƙurin kai harin da su,” a cewar CP Garba.
Kwamishinan ya jaddada muhimmancin tattara bayanan sirri domin daƙile duk wata barazana da ƙoƙarin haɗin gwiwa tsakanin masu ruwa da tsaki wajen tabbatar da tsaro.
CP Garba ya kuma yi tsokaci irin ƙalubalen da suke fuskanta dangane da yadda ake siyasantar da duk wani lamari musamman a wurare irin Jihar Kano, sai dai ya nanata cewa za su ci gaba da sauke nauyin da ya rataya a wuyansu na tabbatar da kiyaye da doka da oda.
“Komai sai an siyasantar da shi a Jihar Kano hatta abincin da muke ci. Sai dai ina ƙara tabbatar da cewa rundunar ’yan sandan da nake jagoranta ba za ta yi ƙasa a gwiwa ba wajen tabbatar da tsaro a jihar nan.
“Tun daga kan iyaye da kakanni nake cikin ɗariƙar Tijjaniyya saboda haka ba zan gushe ba wajen zama jakada na zaman lafiya da tabbatar da tsaro ba.
Kwamishinan ya ƙara tabbatar wa al’ummar jihar cewa rundunar ’yan sandan za ta ci gaba faɗi tashin domin daƙile duk wata barazana da za ta kawo cikas ga zaman lafiya da tsaron jihar.
Ya buƙaci al’umma da suka kasance masu lura da sanya ido domin bai wa hukumomin tsaro haɗin kai na tabbatar da tsaro a jihar.
Ya kuma miƙa godiya ga duk waɗanda suke bai wa jami’an tsaro goyon baya na wanzar da aminci a jihar.
A bayan nan ne dai aka zargi rundunar ’yan sandan jihar da yunƙurin hana gudanar da Maulidin Shehu Inyass na ƙasa bayan gargaɗin da ta yi kan barazanar harin ’yan ta’adda a jihar.
উৎস: Aminiya
কীওয়ার্ড: Yan Sanda yan ta adda Jihar Kano tabbatar da tsaro barazanar harin yan ta adda
এছাড়াও পড়ুন:
Dalilin Gwamnatin Jihar Kuros Riba Na Raba Wa Manoma Taraktoci
Taron kaddamar da rabar da taraktocin noman, ya gudana ne a Shalkwatar Ma’aikatar Kula da Aikin noma da kuma yin Noman Rani da ke garin Kalaba.
Kazalika, taron ya samu halartar ‘yan Majalisa da Sarakunan Gargajiya da kungiyoyin manoma mata da masu ruwa da tsaki a fannin aikin noma da ke jihar da abokan hadaka.
Daukacinsu, sun jinjina wa wannan kokari na gwamna Bassey, kan wannan hangen nesa da gwamnatinsa ta yi, na kaddamar da taraktocin noman, musamman domin ciyar da fannin aikin noman jihar gaba, duba da cewa; fannin ne kinshikin tattalin arzikin jihar.
Har ila yau, gwamna Bassey, ya nanata kudurin gwamnatinsa wajen ci gaba da bai wa fannin aikin noma muhimmanci a matsayin fannin da ke kara habaka tattalin arzikin jihar.
“A lokacin da na karbi jan ragamar shugabancin jihar, mun samar da dabaru da kuma daukar matakai daban-daban, domin kara habaka fannin,“ in ji gwamna Bassey.
“Biyo bayan wata ganawa da muka yi da manoman da ke daukacin kananan hukumominmu, mun gano cewa; kalubalen da suke fuskanta sama da kashi 70 cikin dari, na shiye-shiyen share gonakansu ne, domin fara noma su; saboda kudaden da suke kashewa masu yawa, wajen gyaran gonakin nasu, muna da yakinin wannan shirin zai magance wadannan matsaloi,” a cewar gwamnan.
Kazalika, gwamnan ya bayyana cewa; wannan rabar da taraktocin noma, wadanda ba sa shan man sosai, an tsara su ne kan yadda manoma za su yi gyaran gonakinsu cikin sauki tare kuma da rage musu kashe kudade masu yawa da kuma kara habaka fannin na aikin noma.
“Kashi 108 na kashin farko na shirin, an raba wa manoman jihar jimillar taraktocin noma 324, wadanda kuma aka rabar da su a daukacin fadin jihar,“ a cewar gwamnan.
Gwamna Bassey ya ci gaba da cewa, za a ci gaba da kula da taraktocin ne a karkashin tsarin kungiyoyin manoma na jihar.
“Hakan zai bai wa wadanda suka amfana da taraktocin damar daukar nauyin ci gaba da kula da su, wanda kuma sauran manoman da ke karkara a jihar, su ma za su samu damar samun taraktocin,” in ji shi.
“Ta wannan hanyar, za mu samu damar cin gajiyar da ke fannin noma na jihar, wanda hakan zai kuma bai wa manoman jihar kara dagewa, domin yin noma da samun kudaden shiga da kuma kara samar da wadataccen abinci a jihar,” a cewar tasa.
Kazalika, gwamnan ya kuma zayyano wasu ayyukan noma da gwamnatinsa ta kaddamar da su da suka hada da na samar da Irin noman Rogo, aikin noman Masara da na Waken Soya da sauransu.
Ya bayyana cewa, gwamnatin na kuma ci gaba da habaka samar da Irin Farin Wake da rabar da kayan aikin noma ga kananan manoma tare da kuma shirye-shiyen noman Koko (Cocoa) da Ganyen Shayi, wanda za gudanar ta hanyar yin hadaka da gwamnatin da kuma ‘yan kasuwa.
“Kaddamar da rabar da wadannan taraktocin noman, na daya daga cikin kason farko na kudurin gwamnatinmu na bunkasa fannin aikin noma na jihar, musamman ta hanyar yin amfani da kayan aikin noma na zamani,” in ji gwamnan.
Shi ma, shugaban kamfanin da ya yi kwangilar kawo taraktocin, Femi Odeshirin, ya yaba wa shirin, wanda ya ce; hakan zai kara bunkasa fannin aikin noma na jihar.
“Ba wai kawai rabar da wadannan taraktocin noma ga manoman jihar ba ne da gwamnan ya yi ba, hakan zai kuma kara inganta rayuwar manoman da suka amfana,” in ji Odeleye.
Ya bayyana cewa, kamfanin na kuma kan shirin kafa masana’antar da ake hada taraktocin noma a garin Kalaba da ke jihar, inda masana’antar za ta samar da ayyukan yi sama da 2,000.
Shi kuwa, shugaban kungiyar manoma ta kasa (AFAN) reshen jihar, Ojikpong Nyiam Bisong, danganta salon shugabancin gwamna Bassey ya yi da na marigayi tsohon Firimiyan Kudancin Nijeriya, Dakta Michael Okpara.
ShareTweetSendShare MASU ALAKA
Ministan Harkokin Wajen Iran Ya Ce; An Mika Batun Hakin Gwiwa Tsakanin Iran Da Hukumar IAEA Ga Kwamitin Kolin Tsaron Kasa