Shin wannan ce kaka mafi muni ga Man-United a Gasar Firimiya?
Published: 26th, January 2025 GMT
Kociyan Manchester United, Ruben Amorim ya faɗa cikin fushi cewa watakila wannan ce kaka mafi muni a tarihin ƙungiyar a Gasar Firimiyar Ingila.
Hakan ya biyo bayan shan kashin da ƙungiyar ta yi a gida a hannun Brighton da ci 1-3 a karawar mako na 22 na gasar Firimiyar.
Hakan ya kai United matsayi na 13 a teburin babbar gasar tamaula ta Ingila da maki 26.
Ga jerin rashin ƙoƙarin ƙungiyar a shekarun baya: Bayan da Brighton ta yi nasara a kan United a Old Trafford, karo na shida ke nan da aka doke ƙungiyar a gida a wasa na 12 tun bayan 1893/94.
United ta ƙare a ƙarshen teburi, lamarin da ya kai ga ta bar buga gasar ta rukunin farko a lokacin da ake kiran ta da sunan Newton Heath.
A kasar 1914/15 aka sauya sunan ƙungiyar zuwa Manchester United, wadda ta ƙare a gurbi na 18 a cikin ƙungiyoyi 20 — da maki 30 a karawa 38.
Wani rashin ƙoƙarin da United ta yi a kakar shi ne lashe wasa tara wato kaso 24 cikin 100, idan ka kwatanta da 32 cikin 100 a kakar nan.
Sau biyar jimilla United tana zuwa ‘relagation’ a Ingila, wadda ta yi ta ƙarshe a 1921/22 da maki takwas da ƙara yin ta karshe a 1930/31 da maki 10.
Ta taɓa komawa buga gasar rukunin farko da faɗuwa daga wasannin a 1935 da kuma 1938.
Kaka ta baya-baya ita ce 1973/74 lokacin da ta qare a matsayi na 21 daga ƙungiyoyi 22.
Wannan ce kaka mafi muni a United da take ta 13 a kan teburi tun bayan 1989/90 da take kan irin wannan matakin.
Ƙungiyar da Amorim ke jan ragama tana da maki 26 daga wasa 22, wato tazarar maki takwas daga rashin ƙwazo a gasar baya.
Ta haɗa maki 34 a 2019/20 a irin wannan lokacin, amma sai ta kara ƙwazo da ta ƙare a mataki na uku da maki 66.
Bayan haɗa maki 35 daga karawa 22 a bara, United ta ƙare a matsayi na takwas da maki 60 da lashe FA Cup ƙarƙashin Erik ten Hag.
Haka kuma United ta kare kakar Gsar Firimiya a matsayi na shida karo uku da yin ta bakwai a 2013/14.
United ta ɗauki kofin Firiniya 13 daga kaka 21 ƙarƙashin Sir Alex Ferguson.
Wannan ce kaka ta 12 rabon ta da lashe babban kofin tamaula ta Ingila, tun bayan da ya yi ritaya.
উৎস: Aminiya
এছাড়াও পড়ুন:
Kwamitin Tsaron MDD ya goyi bayan shirin Morocco game da yankin Yammacin Sahara
Kwamitin Tsaron Majalisar Dinkin Duniya ya kada kuri’ar nuna goyan baya ga wani kudiri da ya jaddada cewa shirin da Morocco ta gabatar kan Yammacin Sahara shi ne mafita ‘’mafi dacewa” ga yankin da ake takaddama a kai.
Kudirin ya nuna goyan bayan kasashe mambobin kwammitin ga shirin na Morocco, tare da bayyana cewa ikon masarautar kan yankin zai iya kasancewa mafita mafi dacewa.
Kan hakan ne kwamitin yaya kira ga Sakatare Janar na Majalisar Dinkin Duniya António Guterres da wakilinsa na musamman kan wannan batu, Staffan de Mistura, da su gudanar da tattaunawa “bisa ga” wannan shirin don cimma yarjejeniya da kowa zai aminta da ita.
Aljeriya wacce ta ke kaddama da Morocco kan yankin ta kaurace kada kuri’an kan batun inda ta bayyana matukar adawarta da kudirin.
Jakadan Aljeriya, Amar Benjama, ya ce kudirin bai dace da burin mutanen Yammacin Sahara, wadanda kungiyar Polisario ke wakilta ba.
Kudurin da aka amince da shi a ranar Juma’a ya kuma tsawaita aikin wanzar da zaman lafiya na Majalisar Dinkin Duniya a Yammacin Sahara (MINURSO) na tsawon shekara guda.
Shirin wanda Rabat ta gabatar a ranar 11 ga Afrilu, 2007, don mayar da martani ga kiran da Kwamitin Tsaro na Majalisar Dinkin Duniya ya yi na samar da mafita ta siyasa game da yankin na yammacin Sahara.
Kudirin na yanzu ya tanadi samar da gwamnati da shugaban yankin, da majalisar dokoki wadda ta kunshi wakilan kabilun Sahrawi daban-daban da membobi da aka zaba ta hanyar zaben gama gari kai tsaye.
Share
0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Samia Suluhu Hassan ta lashe zaben shugaban kasa a Tanzaniya November 1, 2025 Najeriya ta musanta ikirarin Trump, na cewa Kristoci na fuskantar babbar barazana a kasar November 1, 2025 Majalisar Dinkin Duniya ta damu da hare-haren Amurka a Caribbean da Pacific November 1, 2025 Israila Ta Kai Hari Kan Ofishin kungiyar UNICEF Dake Gaza A November 1, 2025 Amurka Na Shirin Kai Hari Kan Kasar Venzuwela A Kowanne Lokaci November 1, 2025 Iran Ta Sanya Da Ranar 30 Ga Watan Nuwamba A Matsayin Ranar Kasa Ta Tsibirai 3 October 31, 2025 Isra’ila Na Ci Gaba Keta Yarjejeniyar Dakatar Da Bude Wuta A Gaza October 31, 2025 An Tube Yarima Mai Jiran Gado Na Birtaniya Bayan Da Aka Tabbatar Da Laifinsa October 31, 2025 Kasashen Pakistan Da Afghanistan Sun Tsawaita Yarjejeniyar Dakatar Da Bude Wuta October 31, 2025 M D Duniya Tayi Gargadi Game Da Gwajin Nukiliya Da Amurka Ta Sanar Za ta yi October 31, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Ministan Harkokin Wajen Iran Ya Ce; An Mika Batun Hakin Gwiwa Tsakanin Iran Da Hukumar IAEA Ga Kwamitin Kolin Tsaron Kasa