Iran : hare-haren Isra’ila a Gaza ci gaba da kisan kare dangi ne
Published: 19th, March 2025 GMT
Iran ta bakin kakakin ma’aikatar harkokin wajen kasar, Esmaeil Baghaei, ta yi kakkausar suka ga sabbin hare-haren da Isra’ila ke kai wa zirin Gaza, yana mai bayyana su a matsayin “ci gaba da kisan kiyashi da share wata al’umma a yankin da aka yi wa kawanya.
Baghaei ya bayyana hakan ne a cikin wata sanarwa da ya fitar, sa’o’i bayan harin da Isra’ila ta kai a zirin Gaza, wanda ya yi sanadin mutuwar daruruwan Falasdinawa da suka hada da mata da kananan yara.
Ya ci gaba da cewa, Amurka ce ke da alhakin kashe-kashen da ake yi a Gaza, yana mai cewa, ana kai hare-haren na Isra’ila ne da tare da goyan bayan Washington.
Baghaei ya kuma yi kira ga kasashen duniya da su dauki nauyin da ya rataya a wuyansu, tare da dakatar da laifukan yaki da gwamnatin Isra’ila ke yi a Gaza, wadanda ake aiwatar da su tare da cikakken goyon bayan Amurka, Birtaniya da sauran kasashen yammacin duniya.
Kakakin ma’aikatar harkokin wajen kasar ya kuma ce rashin yin magana a fili kan keta dokokin kasa da kasa da Isra’ila ke yi, zai gurgunta tsarin shari’a na ka’idojin da aka kafa bisa kundin tsarin mulkin MDD, yana mai gargadi kan illar da irin wannan yanayi ke haifarwa ga zaman lafiya da tsaro a duniya.
Baghaei ya kuma bayyana irin nauyin da al’ummar musulmi ke da shi, inda ya bukaci kungiyar hadin kan kasashen musulmi ta OIC da ta dauki kwararan matakai na gaggauta gurfanar da shugabannin Isra’ila a kotun hukunta manyan laifuka ta kasa da kasa (ICC), da kuma dakatar da bayar da tallafin makamai.
উৎস: HausaTv
এছাড়াও পড়ুন:
An Gudanar Da Taron Tattaunawa Na Duniya Kan Kirkire-Kirkire Da Bude Kofa Da Ci Gaba Na Bai Daya A Nijeriya
An gudanar da taron tattaunawa na duniya kan kirkire-kirkire da bude kofa da ci gaba na bai daya, jiya Juma’a a birnin Lagos na Nijeriya. Yayin taron wanda babban rukunin gidajen rediyo da talabijin na Sin CMG da karamin ofishin jakadancin Sin dake Lagos suka shirya, ministan kula da harkokin matasa na Nijeriya Ayodele Olawande da shugaban CMG Shen Haixiong, sun gabatar da jawabai ta kafar bidiyo.
A cewar ministan na Nijeriya, cikin shekaru 5 da suka gabata, dubban matasan kasar sun ci gajiyar tallafin karatu da shirye-shiryen horo da na musaya da Sin ta samar, kuma wannan hadin gwiwa da ake yi a aikace ya kara fahimta da aminci tsakanin kasashen biyu. Ya kara da cewa, a shirye ma’aikatarsa take ta karfafa hadin gwiwa da sassa masu ruwa da tsaki na kasar Sin wajen ci gaba da fadada shirye-shiryen musaya da na hadin gwiwa da suka shafi matasa.
A nasa bangare, Shen Haixiong ya ce a matsayinta na babbar kafar yada labarai dake watsa shirye shiryenta ga sassa daban daban na duniya, tashar talabijin ta CCTV dake karkashin CMG da abokan huldarta, za su yayata shawarar Sin ta jagorantar harkokin duniya da gabatar da tafarkin Sin na zamanantar da kanta da karfinta na kirkire kirkire a sabon zamani ga al’ummar duniya. (Mai fassara: FMM)
ShareTweetSendShare MASU ALAKA
Sin Ta Yi Kira Da A Karfafa Hadin Gwiwa A Fannin Tattalin Arziki Na Zamani