Sojoji da ’yan siyasa na taimaka wa Boko Haram da bayanai — Zulum
Published: 21st, May 2025 GMT
Gwamnan Jihar Borno, Babagana Umara Zulum, ya bayyana cewa wasu daga cikin sojoji da ’yan siyasa na taimaka wa ƙungiyar Boko Haram ta hanyar ba su bayanai.
A wata hira da aka yi da shi a gidan talabijin na News Central, Zulum ya ce gwamnatinsa za ta ɗauki matakin da ya dace kan duk wanda ke taimaka wa ’yan ta’adda.
Ya ce: “Akwai masu bai wa Boko Haram bayanaj a cikin sojoji, ’yan siyasa da sauran jama’a. Za mu ƙarfafa leƙen asiri, kuma mu ɗauki tsattsauran mataki a kansu.”
Gwamna Zulum ya ce dole ne a haɗa kai a yaƙi ta’addanci ta hanyar ƙoƙarin gyara rayuwar al’umma da inganta tattalin arziƙi da samar da ayyukan yi, ba kawai amfani da makamai ba.
Ya bayyana cewa daga cikin sama da mutum 300,000 da suka miƙa wuya daga ƙungiyar Boko Haram, akwai yiwuwar wasu daga cikinsu sun koma daji.
Ya kuma ce rundunar soji ba ta da isassun kayan aiki da za su iya yaƙar ta’addanci yadda ya kamata, inda ya ce ’yan ta’addan na da kayan zamani sama da na sojoji.
Sai dai ya yaba wa sojojin Najeriya saboda irin gudunmawar da suke bayarwa wajen kawo zaman lafiya.
Zulum ya buƙaci Shugaba Bola Tinubu da ya saurari shawarwarin ƙwararru, musamman sojoji, domin magance matsalar tsaro.
“Dole a kafa jami’an tsaron daji cikin gaggawa. Shugaban ƙasa ya saurari mutane masu gaskiya da fahimtar abubuwa. Ka da a ci gaba da siyasantar da matsalar tsaro,” in ji shi.
উৎস: Aminiya
কীওয়ার্ড: yan siyasa Boko Haram matsalar tsaro
এছাড়াও পড়ুন:
’Yan Majalisar Wakilai bakwai na Akwa Ibom sun koma APC
A ci gaba da sauya sheƙar da ’yan Majalisar Wakilai na Tarayya ke yi a ranar Alhamis wasu mambobi bakwai daga Jihar Akwa Ibom sun sanar da sauya sheƙa zuwa Jam’iyyar APC mai mulki.
Cikin waɗanda suka sauya sheƙa sun haɗa da shida daga Jam’iyyar PDP da kuma ɗaya daga Jam’iyyar YPP.
’Yan Najeriya sun fara begen Buhari saboda azabar Tinubu – Amaechi Gwamnatin Yobe ta rufe kasuwanni 3 saboda matsalar tsaroShugaban Majalisar Wakilan Tarayya Tajudeen Abbas ne ya karanta wasiƙunsu na sauya sheƙa a zauren Majalisar a ranar Alhamis yayin zaman majalisar.
’Yan majalisar dai sun yi nuni da ƙara samun rarrabuwar kawuna da rigingimun cikin gida a cikin Jam’iyyar PDP a matsayin dalilin da ya sa suka yanke shawarar ficewa daga jam’iyyar.
Waɗanda suka sauya sheƙa daga PDP sun haɗa da: Paul Ekpo da Unyime Idem da Martins Etim da Okpolu Ukpong Etteh da Uduak Odudoh da Okon Ime Bassey.
Shi ma ɗan Majalisa Emmanuel Ukpong-Udo na Jam’iyyar YPP ya koma APC.
’Yan majalisar dai sun ce rikicin da ya ɓarke a Jam’iyyar PDP a Akwa Ibom da ma ƙasa baki ɗaya ya sa ba su iya wakiltar mazaɓarsu yadda ya kamata.
Ficewar ta zo ne makonni kaɗan bayan gwamnan Jihar Akwa Ibom, Umo Eno ya koma APC.
Da yake mayar da martani game da sauya sheƙar, shugaban marasa rinjaye na majalisar, Kingsley Chinda ya nuna baƙin cikinsa game da ci gaban da aka samu.
Chinda ya ce, iƙirarin rarrabuwar kawuna a cikin Jam’iyyar PDP bai dace ba kuma ya saɓawa doka.
El-Rufai ya nemi afuwa ko mu maka shi a kotu — Gidauniyar Ɗahiru Bauchi