MDD ta bukaci masu ruwa da tsaki a Yemen da su kai zuciya nesa
Published: 17th, March 2025 GMT
Babban sakantaren MDD António Guterres, ya yi kira ga mabambantan bangarori masu ruwa da tsaki a Yemen da su yi iyakacin kokarin yin hakuri da juna, su kuma dakatar da kowane irin matakin soja, inji kakakinsa a wata sanarwa.
Sanarwar ta ce, “Mun lura da cewa, Amurka ta kai hare-hare da dama kan wasu wurare dake karkashin ikon ‘dakarun’yan Houthi, lamarin da ya haddasa asarar rayuka da dama.
Sanarwar ta kara da cewa, “Kowane matakin soja da za a dauka na iya tsananta halin da ake ciki, zai kuma haifar da mummunan tasiri, tare da gurgunta yanayin kwanciyar hankali a Yemen, kana zai kara kamarin kalubalen halin jin kai a kasar.”
‘Yan Houthi dai sun yi barazanar karin kai hare-hare kan jiragen ruwa dake ratsa tekun maliya”.
উৎস: HausaTv
এছাড়াও পড়ুন:
Sanarwar Bayan Taron Kolin Sin Da ASEAN Da GCC Ta Yi Nuni Ga Burin Kara Dunkulewa Waje Guda
Sanarwar bayan taron koli na hadin gwiwar Sin da kungiyar tarayyar kasashen kudu maso gabashin Asiya wato ASEAN, da kwamitin hadin gwiwar kasashen Larabawa na yankin Gulf wato GCC, ta jaddada burin sassan uku na bunkasa hadin gwiwar raya tattalin arziki, musamman ta hanyar gudanar da cinikayya marar shinge, da kammala yarjejeniyar gudanar da cinikayya cikin ’yanci tsakanin Sin da da GCC.
Idan mun waiwayi wannan sanarwa ta hadin gwiwa, za ku gano manufofin da sassan uku ke fatan cimmawa, wadanda suka hada da fatan dunkule shiyyoyinsu waje guda, da kara yin tafiya tare, da neman samun ci gaba mai dorewa. Karkashin wadannan burika, sassan uku za su yi amfani da fifikonsu wajen cimma moriyar juna da karfafa kawance a tsakaninsu.
Masharhanta na ganin baya ga hadin gwiwar bunkasa tattalin arziki, da dunkule sassa daban daban, da inganta tattaunawa, da wanzar da ci gaba, wadannan sassa uku za su more damar sabbin fannonin raya kansu, kamar fannin sauya akala zuwa ga amfani da makamashi mai tsafta, da cin gajiya daga fasahohin dijital, da fannin bunkasa noma, tare da yaukaka hadin gwiwa a sauran muhimman fannoni.
Ko shakka babu, idan har Sin da kungiyar tarayyar kasashen kudu maso gabashin Asiya wato ASEAN, da kwamitin hadin gwiwar kasashen Larabawa na yankin Gulf wato GCC sun rike ruhin wannan taro na koli, hakan zai taimaka wajen dinke al’ummunsu waje guda, da yaukaka fahimtar juna, matakin da zai haifar musu da ci gaba ta fuskoki masu tarin yawa, daidai da burin kasar Sin na gina al’umma mai kyakkyawar makomar bai daya ga dukkanin bil adama.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwamnatin Zamfara ta haramta taruka siyasa saboda tsaro