Hadin Gwiwa Bisa Daidaito Da Girmama Juna Tsakanin Sin Da Amurka Zai Samar Da Moriyar Juna
Published: 20th, May 2025 GMT
A kwanakin baya, an dawo da babi na 2 da na 3 masu taken “Wu Xing Ling” da “Gong Shou Zhan” na Rubutun siliki na Zidanku, wato kayan tarihi mai muhimmanci na kasar Sin, ta hanyar hadin gwiwa kan kayan tarihi tsakanin Sin da Amurka. Game da wannan batu, kakakin ma’aikatar harkokin wajen kasar Sin Mao Ning ta bayyana a gun taron manema labaru da aka gudanar a yau Litinin cewa, wannan misali ne na yadda Sin ta cimma nasarar neman dawowar kayan tarihi da suka bata tun a zamanin da, kana nasara ce da Sin ta samu wajen yin kira ga yin shawarwari da hadin gwiwa don sa kaimi ga tabbatar da dawo da kayan tarihin da suka bace.
Mao Ning ta bayyana cewa, Rubutun siliki na Zidanku, shi ne irinsa daya kacal na lokacin yake-yake a zamanin da na kasar Sin da aka gano, kana ya zuwa yanzu, shi ne rubutun siliki mafi dadewa a kasar Sin da aka gano, kuma rubutu ne na bayani na farko a kasar Sin, don haka yana da muhimmanci sosai. Ta ce Sin ta yabawa kungiyar Smithsonian Institution da gidan adana kayan tarihi na nuna fasaha na Asiya na kasar Amurka da sauran hukumomin raya al’adu da kula da kayan tarihi da suka yi kokari kan wannan batu. A cewarta, wannan lamari ya shaida cewa, idan Sin da Amurka sun yi hadin gwiwa bisa tushen daidaito da girmama juna, to za a samu moriyar juna. Sin tana fatan bangarorin biyu za su kara mu’amala da hadin gwiwa don sada zumunta a tsakanin jama’arsu da kuma sa kaimi ga raya dangantakar dake tsakanin kasashen biyu mai dorewa yadda ya kamata. (Zainab Zhang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: kayan tarihi hadin gwiwa a kasar Sin
এছাড়াও পড়ুন:
Birnin Los Angeles Na Amurka Ya Rikice Yadda Ake Dauki Ba Dadi Tsakanin Al’ummar Jihar Da Jami’an Tsaro
Birnin Los Angeles na Amurka tana ci gaba da fuskantar tashe-tashe hankula kamar yadda zanga-zanga ta mamaye birnin
An ayyana dokar ta-baci a birnin Los Angeles na Amurka yayin da ake ci gaba da gwabza fada tsakanin masu zanga-zanga da ‘yan sanda kan batun gwamnatin kasar kan batun neman murkushe bakin haure. Gwamnan California Gavin Newsom ya zargi shugaba Donald Trump da rura wutar zanga-zangar.
Gavin Newsom ya dauki Trump a matsayin wani mai karya kundin tsarin mulki ta hanyar korar bakin haure da yawa ba tare da nuna bambanci ba, yana mai bayyana tura dakarun Marines da na National Guard a matsayin wani kara ruruta water tashin hankali na rashin hankali da zai kara tada zaune tsaye a birnin.
Bayan Donald Trump ya bayyana bakin haure a matsayin dabbobi da ke dauke da tutocin wasu kasashe, Trump ya yi alkawarin cewa ba zai kyale abin da ya kira ‘yan mamaya da bakin haure daga kasashe masu tasowa na duniya su mamaye birnin California ba kuma zai bankado masu ba da tallafi ga masu zanga-zangar a California.
Kasashen Habasha da Nijar sun tattauna kan inganta hadin gwiwar soji da tsaro