Dangote: Har yanzu gidajen mai ba su rage farashin mai ba
Published: 17th, April 2025 GMT
A karo na biyu a cikin mako guda, matatar mai ta Dangote ta sanar da rage farashin man fetur.
Daga ranar 16 ga Afrilu, 2025, farashin man fetur zai tashi daga N865 zuwa N835.
Wannan dai shi ne karo na biyu da aka rage farashin a cikin mako guda yayin da matatar man Dangote a baya ta rage farashin daga N880 zuwa N865 kan kowacce lita.
Sai dai kuma, har ya zuwa ranar Laraba, farashin bai canja ba a galibin gidajen mai da suka haɗa da cibiyoyin sayar da man fetur na Kamfanin Man Fetur na Nijeriya (NNPCL).
Yayin da ’yan kasuwa ke maraba da matakin da Dangote ya ɗauka na ragin, duk da haka sun bayyana ra’ayoyinsu daban-daban kan abin da suka kira, “raguwa ba bisa ƙa’ida ba” wanda ke nuna asarar a harkar kasuwancin.
Babban jami’in hulɗa da jama’a na kamfanonin Dangote, Anthony Chiejina, a cikin wata sanarwa da ya fitar, ya ce, “Yanzu za a riƙa samun man fetur na Dangote a farashi kamar haka a duk gidajen sayar da man da suke da haɗin gwiwa da mu….”
Ya ce, manyan abokan hulɗa da suka haɗa da: MRS, AP (Ardova), Heyden, Optima Energy, Hyde da Techno Oil, za su riƙa ba da man fetur a kan Naira 890 kowace lita, ƙasa da N920 a Legas.
A Kudu maso Yamma farashin zai kasance N900 kowace lita, an rage shi daga N930 yayin da a Arewa maso Yamma da Arewa ta Tsakiya farashin zai zama N910 kowace lita, an rage shi daga N940.
A Kudu maso Gabas, Kudu maso Kudu, da Arewa maso Gabas, farashin zai kasance N920 kowace lita, ƙasa da N950.
উৎস: Aminiya
কীওয়ার্ড: AP Ardova Farashin man fetur rage farashin kowace lita
এছাড়াও পড়ুন:
Kotu ta tsige dan majalisar da ya sauya sheka zuwa APC
Babbar Kotun Tarayya da ke Abuja ta tsige dan majalisar wakilai, Abubakar Gummi daga kujerarsa saboda sauya sheka daga jam’iyyar PDP zuwa APC.
Gummi yana wakiltar mazabar Gummi/Bukkuyum ta Jihar Zamfara a majalisar wakilai.
An raba wa iyalan jami’an ’yan sandan da suka rasu a bakin aiki a Borno N63.4m An sake kama shi a cikin ’yan fashi kwana 5 da fitowa daga kurkukuMai shari’a Obiora Egwuatu ne, ya yanke hukuncin, inda ya umarci kakakin majalisar wakilai, Tajudeen Abbas, da ya daina amincewa da Gummi a matsayin dan majalisar da ke wakiltar mazabar Gummi/Bukkuyum.
Haka kuma ya umarci hukumar zabe mai zaman kanta ta kasa (INEC) da ta shirya sabon zabe cikin kwanaki 30 domin cike gurbin kujerar dan majalisar.
Jam’iyyar PDP tare da shugaban ta na jihar Zamfara, Jamilu Jibomagayaki, ne suka shigar da karar dan majalisar.
Sun ce bai dace Gummi ya ci gaba da zama a kujerar ba bayan barin jam’iyyar da ta tsayar da shi takara.
Gummi, ta bakin lauyansa ya ce ya fice daga PDP ne saboda rikicin cikin gida da jam’iyyar ke fama da shi a matakin kasa da kuma a mazabarsa.
Amma kotu ta yi watsi da wannan hujjar, inda ta bayyana cewa babu takaddama da za ta ba shi damar ya sauya sheka.
A hukuncin da ya yanke, Mai shari’a Egwuatu ya ce ’yan siyasa dole su mutunta zabin jama’ar da suka kada musu kuri’a a karkashin jam’iyyar da ta tsayar da su takara.
Ya ce doka ba ta yadda da dan siyasa ya bar jam’iyyar da ta taimaka masa wajen lashe zabe sannan ya koma wata jam’iyya ba tare da ajiye mukaminsa ba.
Ya kara da cewa kuri’un da aka kada don dan takarar na jam’iyya ne, ba nasa ne na kashin kansa ba.
“Idan mutum yana son sauya sheka, ka da ya dauki amanar jama’ar da ta zabe shi ya tafi da ita,” in ji alkalin.
Kotu ta kuma umarci Gummi da ya daina karbar albashi da wasu hakkoki a matsayin dan majalisa, tare da mayar da duk kudaden da ya karba daga ranar 30 ga watan Oktoba, 2024, zuwa ranar da aka yanke hukuncin.
Haka kuma, ya gabatar da hujjar mayar da kudaden ga kotu cikin kwanaki 30.
Mai shari’a Egwuatu ya kuma ci Gummi tarar Naira N500,000, domin biyan PDP kudaden da ta kashe wajen shigar da kara.
Akwai Bukatar Manyan Jaruman Da Suka Yi Kudi Su Taimaki Na Baya -Barau Dadin Kowa