Za a Kashe Sama da Naira Biliyan 9 Wajen Gyran Asibitoci a Jigawa
Published: 28th, January 2025 GMT
A cim ma burin Gwamna Umar Namadi na ci gaban bil’adama a cikin ajandar mai dauke da abubuwa 12, majalisar zartaswar jihar Jigawa ta kafa wani kwamiti mai mambobi 10 domin samar da hanyoyin da za a bi wajen nemo masu hazaka domin karfafa kirkire-kirkire a tsakanin matasa masu tasowa a jihar.
Kwamishinan yada labarai, matasa, wasanni da al’adu na jiha Alhaji Sagir Musa Ahmed ya bayyana haka bayan taron majalisar da aka gudanar a Dutse.
Ya ce, kwamitin ya kunshi kwamishinonin lafiya, muhalli, kananan hukumomi yayin da kwamishinan ilimi mai zurfi zai zama shugaba.
Sauran mambobin sun hada da masu ba da shawara kan fasaha, ICT da tattalin arziki na dijital, ilimi mai zurfi, aikin gona, babban darakta na hukumar karfafa matasa da samar da aikin yi da kuma babban sakatare mai zaman kansa na gwamna.
Sagir Musa Ahmed ya ce, mai ba da shawara na musamman kan fasaha da kirkire-kirkire ne zai zama sakataren kwamitin.
Hakazalika majalisar ta ware wa kwamitin makonni 2 domin gabatar da rahotonsa.
Ya kara da cewa, matakin majalisar na da burin bunkasa al’adun kirkire-kirkire, kirkire-kirkire da kasuwanci a tsakanin ‘yan jihar musamman matasa kamar yadda ma’aikatar ilimi mai zurfi ta gabatar.
Ya kuma bayyana cewa, majalisar ta amince da kaddamar da wani shiri na musamman na wayar da kan jama’a a matsayin “Gwamnati da Jama’a” a karkashin jagorancin Gwamna Malam Umar Namadi.
A cewarsa, za a kaddamar da shirin ne a dukkanin kananan hukumomin 27 da za a sanar da taron majalisar al’umma a kowace karamar hukumar domin tattaunawa kai tsaye da Gwamna da sauran jami’an gwamnati.
Ya yi nuni da cewa, gaba daya babban burin shi ne tabbatar da cewa al’ummar jihar ba wai kawai masu cin gajiyar ayyuka da shirye-shiryen gwamnati ba ne, har ma sun kasance masu taka rawar gani wajen tsara makomarsu da kuma sanin ayyukan da gwamnatin jihar ke ci gaba da gudanarwa da kuma shirye-shiryenta.
Kwamishinan ya ce majalisar zartaswar jihar ta amince da sake farfado da cibiyoyin kiwon lafiya matakin farko guda 114 a fadin jihar.
Ya ce majalisar ta amince da sama da Naira Biliyan 9.7 don farfado da PHC a fadin kananan hukumomi 27 da ke jihar a karkashin gwamnatin.
KARSHE/USMAN MZ/Wababe
উৎস: Radio Nigeria Kaduna Hausa
এছাড়াও পড়ুন:
Manyan makarantu 2 ne kacal ke da rajista a Katsina — Gwamnati
Kwamitin da Gwamnan Jihar Katsina, Dikko Umari Radda, ya kafa domin binciken ayyukan makarantun gaba da sakanadare masu zaman kansu na jihar, ya tabbatar da cewa, 37 cikin 39 ba su da rajista da gwamnati.
Shugaban kwamitin, Farfesa Ahmed Muhammad Bakori, ne ya bayyana hakan a wani taron masu ruwa da tsaki da aka gudanar a ƙaramar hukumar Bakori da ke jihar.
Mamakon ruwan sama ya haddasa ambaliya a Maiduguri Sojoji sun daƙile hari, sun kashe mayaƙan Boko Haram 9 a BornoBakori, wanda shi ne Kwamishinan Harkokin Noma na jihar, ya ce binciken kwamitin ya gano cewa makarantu biyu masu zaman kansu ne kacal a faɗin jihar ke da cikakkiyar rajista da hukumomin da suka dace.
“Jihar Katsina na da makaruntun gaba da sakanadare na gwamnati huɗu da ke bayar da takardar shaidar difloma da koyarwa, sai kuma ƙarin 39 masu zaman kansu.
“Sai dai bincikenmu ya bankaɗo biyu ne kacal a cikin 39 suke da cikakkiyar rajista da hukumomi.”
Kwamishinan, ya kuma ce shida daga cikinsu na buƙatar gyare-gyare domin kammala rajistar, yayin da 22 ke aiki ba tare da rajistar ba.
“Ƙarƙashin sabon tsarin da muka ɗauka yanzu, ya zamo dole makarantun da ke bayar da takardar shaidar digiri su yi rajista da Hukumar Jami’o’i ta Ƙasa (NUC).
“Masu difloma kuma da Hukumar Kula da Ilimin Fasaha (NBTE), sai masu koyarwa da Hukumar Kula da Kwalejin Ilimi ta Ƙasa (NCCE).
Bakori, ya jaddada cewa, duk makarantar da ta saɓa wa wannan tsarin, a shirye gwamnatin take ta rufe ta.
Sai dai ya yi wa ɗaliban da ke makarantun albishir ɗin cewa gwamnatin za ta tabbatar ta sauya musu makaranta zuwa masu rajista daga waɗanda ba su da su, idan buƙatar rufe su ta taso.
Kofin Duniya 2026: Kasashen Da Suka Samu Tikitin Shiga Gasar Zuwa Yanzu