’Yan bindiga sun sace mutum 22 a ƙauyukan Kaduna
Published: 26th, January 2025 GMT
An sace aƙalla mutum 22 a wasu sabbin hare-hare da ake zargin ’yan bindiga da kaiwa a ƙauyen Kugauta da ke Kusheka da kuma Kitanda da ke Gashere a masarautar Kumana da ke Ƙaramar Hukumar Kauru ta Jihar Kaduna.
Wani mazaunin yankin, Emmanuel Johnson, ya bayyana wa Aminiya cewa hare-haren sun afku ne da misalin ƙarfe 10:30 na daren Juma’a.
Ya bayyana cewa ’yan bindigar sun farmaki ƙauyen Kitanda ne da farko inda suka yi awon gaba da mutum 12 —galibinsu mata da ƙananan yara — sannan suka kai hari na biyu a ƙauyen Kugauta inda suka sake sace mutum 10.
Johnson, wanda ya nuna takaicinsa kan yadda rashin tsaro ke ƙara ƙamari a yankunansu, ya ce jami’an ’yan sanda uku ne kacal ke kula da ƙauyen da wasu yankunan da ke makwabtaka da su.
“Ana ci gaba da kai mana hare-hare a kai a kai, ana sace mana mutane kusan kullum,” in ji shi.
“’Yan sanda uku ba za su iya kare mu ba. Ya kamata gwamnati ta tabbatar mana cewa mu ma ’yan Nijeriya ne da ke da ’yancin samun kariya”
Ya ƙara da cewa sama da naira miliyan 60 aka biya a matsayin kuɗin fansa a lokuta daban-daban kuma har yanzu akwai wasu da aka sace da ke hannun ’yan bindigar.
Haka kuma, ya ce hare-haren sun sa mutane da dama ƙauracewa gidajensu.
Johnson ya kuma bayyana yadda matsalolin rashin ababen more rayuwa suka ƙara dagula musu rayuwarsu, musamman rashin kyawawan hanyoyi da asibitoci da kuma makarantu.
Ya ce, “Ba ma iya kai kayan gonarmu kasuwa saboda lalacewar hanyoyin.”
Ya yi kira ga gwamnati da ta tura ƙarin jami’an tsaro, ta kuma kafa ofisoshin ‘yan sanda, tare da na sansanan sojoji a muhimman wurare domin daƙile matsalar tsaron da ke ƙara ta’azzara.
Haka kuma, ya buƙaci sojoji da su kai samamen kawar da sansanonin ’yan bindiga a yankin.
“’Yan bindigar nan sun kassara mana tattalin arzikinmh kuma sun jefa mu cikin talauci. Muna kiran Gwamnati ta ɗauki matakin gaggawa don kawo ƙarshen wannan wahalar da muke ciki,” in ji shi.
Ƙoƙarin jin ta bakin Kakakin Rundunar ‘Yan Sandan Jihar Kaduna, DSP Mansir Hassan, ya ci tura yayin da bai amsa kiran waya da sakonnin da wakilinmu ya tura masa ba har zuwa lokacin haɗa wannan rahoton.
উৎস: Aminiya
এছাড়াও পড়ুন:
Akalla Falasdinawa 78 ne sukayi shahada a hare-haren Isra’ila a Gaza
Falasdinawa 78 ne aka kashe a yau a Gaza, mafi yawansu a birnin Gaza a yayin da Isra’ila ke ci gaba da kai hare-hare a kasa da kuma umarnin tilastawa mazauna Gaza yin kaura.
An bayar da rahoton karin mutuwar mutane uku sakamakon yunwa da killace yankin.
Mazauna Gaza sun bayyana tashin bama-baman a matsayin abun tashin hankali da kuma yunkurin shafe wata al’umma.
Sojojin Isra’ila sun zafafa kai hare-hare a birnin Gaza, inda suka kai hari kan unguwannin da ke da yawan jama’a. Katangar da Isra’ila ta kakaba mata da kuma karancin abinci na ci gaba da zurfafa rikicin jin kai.
Yakin da Isra’ila ta kwashe watanni ana yi a Gaza ya janyo hasarar rayukan fararen hula da dama.
Tun daga watan Oktoban 2023, hare-haren sojojin Isra’ila a Gaza sun kashe a kalla Falasdinawa 64,964 tare da jikkata sama da 165,312, a cewar ma’aikatar lafiya ta Gaza. Yayin da ake fargabar wasu dubbai na karkashin baraguzan gine gine.
Share
0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Akalla Falsdinawa 78 Ne Suka Yi Shahada A Yau A Gaza. September 16, 2025 Isra’ila Ta Kai Hari A Tashar Jirgin Ruwan Hudaida Dake Yamen September 16, 2025 Iran Ta Gabatar Da Sabbin Kayayyaki 5 A Wajen Taron kere-kere . September 16, 2025 Iran Ta Bukaci IAEA Tayi Tir Da Harin Da Isra’ila Ta Kai A Tashoshin Nukiyarta. September 16, 2025 Jonathan Zai Jagoranci Taron Tattaunawa Kan Dimokuraɗiyya A Ghana September 16, 2025 Pezeshkian: Saudiyya Na Iya Taka Muhimmiyar Rawa Wajen Samar Da Hadin Kan Kasashen Musulmi September 16, 2025 Pezeshkian: Ta’addancin Haramtacciyar Kasar Isra’ila Kan Kasar Qatar Zalunci Ne Ga Diflomasiyya September 16, 2025 Baqa’i: Kowace Kasa A Duniya Tana Da Hakkin Mallakar Makamashin Nukiliya Na Zaman Lafiya September 16, 2025 Kungiyar Human Rights Watch; Isra’ila Ta Kashe ‘Yan Jarida Fiye Da 30 A Kasar Yemen Ne Da Gangan September 16, 2025 Kungiyar Kare Hakkokin Bil’Adama Ta Siriya Ta Bankado Karin Fararen Hula Da Aka Kashe A Rikicin Suweida September 16, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Sarkin Saudiyya Ya Ɗauki Nauyin Falasɗinawa 1,000 Su Sauke Faralin