Uba Sani Ya Kaddamar Da Gidaje 100 Ga Waɗanda Rikici Ya Shafa A Jihar
Published: 4th, November 2025 GMT
Gwamnatin Kaduna Da Hadin Gwiwar UINL Da FHFL Sun Gina Gidaje 100 Ga Mutanen Da Rikici Ya Raba Da Muhallans
Daga Abdullahi Shettima
Gwamnatin Jihar Kaduna tare da haɗin gwiwar kamfanin Ummi International Nigeria Ltd (UINL) da Family Homes Funds Ltd (FHFL), bisa tallafin Ma’aikatar Tsare-tsare da Kasafin Kuɗi ta Tarayyar Najeriya, sun kammala ginin gidaje 100 domin mutanen da rikici ya raba da muhallansu da kuma marasa galihu a cikin jihar.
Wannan aiki ya gudana ne a yankin Rigachikun, inda kamfanin Ummi International Nigeria Ltd ya bayar da fili, yayin da Gwamnatin Kaduna, Family Homes Funds, da Ma’aikatar Kasafi da Tsare-tsare suka ɗauki nauyin ginin gidajen gaba ɗaya.
A yayin ƙaddamar da ginin da kuma miƙa ma waɗanda za su zauna, Gwamnan Jihar Kaduna, Sanata Uba Sani, ya bayyana cewa aikin ya samo asali ne daga kudirin gwamnatinsa na taimaka wa waɗanda suka rasa matsuguninsu sakamakon rikice-rikice, tare da dawo musu da martabar rayuwa.
Gwamna Uba Sani ya ce wannan aiki yana cikin shirin gwamnatin jihar na inganta walwalar marasa galihu da tabbatar da ci gaban da ya shafi kowa a fadin jihar.
A nasa jawabin, Ministan Ma’aikatar Tsare-tsare da Kasafin Kuɗi, Sanata Atiku Bagudu, ya yabawa wannan haɗin gwiwa tare da tabbatar da cewa ma’aikatar za ta ci gaba da yin aiki tare da kamfanoni masu zaman kansu da kungiyoyin agaji domin cimma burin ci gaba mai ɗorewa.
Ita kuma tsohuwar Ministar Mata ta Tarayyar Najeriya, Dame Pauline Tallen, ta bayyana ginin a matsayin wani muhimmin aiki na alheri wanda zai taimaka wajen farfaɗo da rayuwar zawarawa, marayu da sauran masu buƙata a cikin al’umma.
A nata bangaren, Dr. Umma Sani (Zinariyar Gabasawar Zazzau), shugabar kamfanin Ummi International Nigeria Ltd, ta bayyana cewa gidauniyarta ta dade tana gudanar da irin wannan aiki na samar da matsuguni ga zawarawa da marayu domin inganta rayuwar su kamar sauran jama’a.
Ta kuma gode wa Gwamna Uba Sani bisa cikakkiyar gudunmawar da ya bayar wajen ganin an samu wannan nasara, tare da bayyana shi a matsayin shugaba mai kishin al’umma da tausayi.
Haka kuma Ambasada Dr. Fatima Mohammed Goni, shugabar Global Business Network Initiative (GBNI), ta bayyana Dr. Umma Sani a matsayin abin koyi ga mata a Najeriya, la’akari da yadda ta ke aiwatar da ayyukan jin kai don tallafa wa mabukata.
Ta kuma yi kira ga wadanda suka amfana da gidajen da su kula da su da kyau, domin tabbatar da dorewar manufar da aka samar da su saboda ta alheri ce ta gaskiya.
Taron ƙaddamarwar ya gudana ne a yau Litinin, inda ya sami halartar manyan baki, jami’an gwamnati, da wakilan kungiyoyi masu zaman kansu daga sassa daban-daban na Jihar Kaduna.
উৎস: Radio Nigeria Kaduna Hausa
কীওয়ার্ড: Kaddamar wa
এছাড়াও পড়ুন:
Dalilin Gwamnatin Jihar Kuros Riba Na Raba Wa Manoma Taraktoci
Taron kaddamar da rabar da taraktocin noman, ya gudana ne a Shalkwatar Ma’aikatar Kula da Aikin noma da kuma yin Noman Rani da ke garin Kalaba.
Kazalika, taron ya samu halartar ‘yan Majalisa da Sarakunan Gargajiya da kungiyoyin manoma mata da masu ruwa da tsaki a fannin aikin noma da ke jihar da abokan hadaka.
Daukacinsu, sun jinjina wa wannan kokari na gwamna Bassey, kan wannan hangen nesa da gwamnatinsa ta yi, na kaddamar da taraktocin noman, musamman domin ciyar da fannin aikin noman jihar gaba, duba da cewa; fannin ne kinshikin tattalin arzikin jihar.
Har ila yau, gwamna Bassey, ya nanata kudurin gwamnatinsa wajen ci gaba da bai wa fannin aikin noma muhimmanci a matsayin fannin da ke kara habaka tattalin arzikin jihar.
“A lokacin da na karbi jan ragamar shugabancin jihar, mun samar da dabaru da kuma daukar matakai daban-daban, domin kara habaka fannin,“ in ji gwamna Bassey.
“Biyo bayan wata ganawa da muka yi da manoman da ke daukacin kananan hukumominmu, mun gano cewa; kalubalen da suke fuskanta sama da kashi 70 cikin dari, na shiye-shiyen share gonakansu ne, domin fara noma su; saboda kudaden da suke kashewa masu yawa, wajen gyaran gonakin nasu, muna da yakinin wannan shirin zai magance wadannan matsaloi,” a cewar gwamnan.
Kazalika, gwamnan ya bayyana cewa; wannan rabar da taraktocin noma, wadanda ba sa shan man sosai, an tsara su ne kan yadda manoma za su yi gyaran gonakinsu cikin sauki tare kuma da rage musu kashe kudade masu yawa da kuma kara habaka fannin na aikin noma.
“Kashi 108 na kashin farko na shirin, an raba wa manoman jihar jimillar taraktocin noma 324, wadanda kuma aka rabar da su a daukacin fadin jihar,“ a cewar gwamnan.
Gwamna Bassey ya ci gaba da cewa, za a ci gaba da kula da taraktocin ne a karkashin tsarin kungiyoyin manoma na jihar.
“Hakan zai bai wa wadanda suka amfana da taraktocin damar daukar nauyin ci gaba da kula da su, wanda kuma sauran manoman da ke karkara a jihar, su ma za su samu damar samun taraktocin,” in ji shi.
“Ta wannan hanyar, za mu samu damar cin gajiyar da ke fannin noma na jihar, wanda hakan zai kuma bai wa manoman jihar kara dagewa, domin yin noma da samun kudaden shiga da kuma kara samar da wadataccen abinci a jihar,” a cewar tasa.
Kazalika, gwamnan ya kuma zayyano wasu ayyukan noma da gwamnatinsa ta kaddamar da su da suka hada da na samar da Irin noman Rogo, aikin noman Masara da na Waken Soya da sauransu.
Ya bayyana cewa, gwamnatin na kuma ci gaba da habaka samar da Irin Farin Wake da rabar da kayan aikin noma ga kananan manoma tare da kuma shirye-shiyen noman Koko (Cocoa) da Ganyen Shayi, wanda za gudanar ta hanyar yin hadaka da gwamnatin da kuma ‘yan kasuwa.
“Kaddamar da rabar da wadannan taraktocin noman, na daya daga cikin kason farko na kudurin gwamnatinmu na bunkasa fannin aikin noma na jihar, musamman ta hanyar yin amfani da kayan aikin noma na zamani,” in ji gwamnan.
Shi ma, shugaban kamfanin da ya yi kwangilar kawo taraktocin, Femi Odeshirin, ya yaba wa shirin, wanda ya ce; hakan zai kara bunkasa fannin aikin noma na jihar.
“Ba wai kawai rabar da wadannan taraktocin noma ga manoman jihar ba ne da gwamnan ya yi ba, hakan zai kuma kara inganta rayuwar manoman da suka amfana,” in ji Odeleye.
Ya bayyana cewa, kamfanin na kuma kan shirin kafa masana’antar da ake hada taraktocin noma a garin Kalaba da ke jihar, inda masana’antar za ta samar da ayyukan yi sama da 2,000.
Shi kuwa, shugaban kungiyar manoma ta kasa (AFAN) reshen jihar, Ojikpong Nyiam Bisong, danganta salon shugabancin gwamna Bassey ya yi da na marigayi tsohon Firimiyan Kudancin Nijeriya, Dakta Michael Okpara.
ShareTweetSendShare MASU ALAKA
Kotu Ta Dage Shari’ar Zargin Cin Hanci Da Ake Yi Wa Shugaban KANSIEC Na Kano Zuwa Nuwamba