Kungiyar Ansarullahi Ta Yemen Ta Ce: Sanarwar Trump Kan Batun Yemen Gazawa Ce Ga Netanyahu
Published: 7th, May 2025 GMT
Kungiyar Ansarullahi ta kasar Yemen ta mabiya Al-Houthi ta sanar da cewa: Sanarwar da shugaban Amurka ta fitar kan Yemen gazawa ce ga Netanyahu
Kungiyar Ansarullahi ta kasar Yemen ta sanar a jiya Talata cewa: Sanarwar da shugaban Amurka Donald Trump ya yi dangane da kasar Yemen gazawa ce ga Fira ministan gwamnatin haramtacciyar kasar Isra’ila Benjamin Netanyahu.
Mohammed Ali al-Houthi mamba a majalisar koli ta siyasa ta kungiyar Ansarullahi ya bayyana cewa: Sanarwar Trump gazawa ce ga Netanyahu, kuma dole ne fira ministan gwamnatin haramtacciyar kasar Isra’ila ya yi murabus daga kan mukaminsa.
Ya kara da cewa: “Za su fara tantance sanarwar da Trump ya bayar na dakatar da hare-haren wuce gona da iri kan kasar Yemen,” bisa la’akari da cewa “Sanarwar Trump wata nasara ce da ta raba goyon bayan da Amurka ke baiwa gwamnatin yahudawan sahayoniyya ‘yar mamaya.”
উৎস: HausaTv
কীওয়ার্ড: kasar Yemen
এছাড়াও পড়ুন:
Gwamnatin Tarayya Ta Karrama ‘Yan Wasan Kwallon Kwando Na Mata
Gwamnatin Tarayya ta gabatar da karramawar kasa da kuma tukuicin kudade ga kungiyar kwallon Kwando ta mata ta Najeriya, D’Tigress, bayan nasarar da suka samu a gasar cin kofin kwallon kwando na mata ta FIBA karo na biyar a jere.
A wata liyafar karrama su da aka yi a fadar shugaban kasa, mataimakin shugaban kasa, Kashim Shettima, mai wakiltar shugaban kasa Bola Ahmed Tinubu, ya bayyana cewa kowane dan wasa zai karbi dala 100,000, yayin da koci da kungiyar kwararru za su samu dala 50,000 kowanne, tare da karramawar kasa ga daukacin kungiyar. Ya kuma yi alkawarin karin tukuicin da zai zo.
Shettima ya ce ba wai don murnar nasarar da kungiyar ta samu a cikin shekaru 78-64 ne kawai ba, har ma da sanin tsayin daka, aiki tare, da kuma alfahari da suka kawo wa al’ummar kasar.
Ya bayyana wannan nasara a matsayin wata alama ta hadin kai da kuma tabbatar da abin da Najeriya za ta iya cimma idan al’ummarta suka yi aiki tare.
Mataimakin shugaban kasar ya yabawa kociyan kungiyar Rena Wakama, wacce ta kafa tarihi a matsayin daya daga cikin mata masu horar da ‘yan wasan kwallon kwando na Afirka, inda ya kira ta a matsayin “masoya kuma abin zaburarwa ga ‘yan mata a fadin Najeriya.”
Ya kuma yabawa Amy Okonkwo, ‘Dan wasan da ta fi kowa daraja a gasar, da Ezinne Kalu, wanda ya fi zura kwallaye a wasan karshe, saboda irin gudunmawar da suka bayar wajen samun nasarar kungiyar.
Da yake karin haske kan muhimmancin nasarar, Shettima ya jaddada cewa, matan Najeriya a kodayaushe sun kasance abin alfaharin kasa a fagen wasanni daban-daban, tun daga Super Falcons zuwa wasannin guje-guje da tsalle-tsalle, da kuma wasan kwallon kwando.
Ya ba da tabbacin cewa a karkashin gwamnatin shugaba Tinubu, za a mayar da wasannin motsa jiki a matsayin wani muhimmin ginshiki na ci gaban kasa—da ilimi, ababen more rayuwa, diflomasiyya, da kuma samar da ayyukan yi ga matasa.
Ya kuma yabawa hukumar wasanni ta kasa karkashin Mallam Alabi, da hukumar kwallon kwando ta Najeriya karkashin jagorancin Malam Ahmadu Musa Kida, bisa gyara da jajircewa da suka yi wajen bunkasa hazikan ‘yan wasa da kuma tallafawa ‘yan wasa.
Bikin da aka yi a fadar gwamnati ya nuna ba tukuici ne ga D’Tigress ba, har ma da wani sako mai karfi wanda idan aka gane da kuma goyon bayansa, na iya sauya wasannin Najeriya da zaburar da tsararraki.
Bello Wakili
Amurka Ta Kai Hare-hare A Yankunan Kasa Yemen