Sashen Cinikayyar Samar Da Hidimomi Na Sin Ya Bunkasa Da Kaso Takwas A Rabin Farko Na Shekarar 2025
Published: 5th, August 2025 GMT
Sashen cinikayyar samar da hidimomi na Sin ya ci gaba da bunkasa yadda ya kamata cikin watanni shida na farkon shekarar nan ta 2025, inda ya karu da kaso takwas bisa dari kan mizanin shekara. A cewar ma’aikatar cinikayya ta Sin, darajar hidimomin shige da fice a wannan wa’adi ta kai kudin Sin tiriliyan 3.
Cikin wannan adadi, alkaluman hidimomin da aka fitar daga kasar Sin ya karu da kaso 15 bisa dari, wato darajar da ta kai kudin kasar yuan tiriliyan 1.69, yayin da na wadanda aka shigo da su kasar ya karu da kaso 3.2 bisa dari, daidai da kudin Sin tiriliyan 2.2. Sai kuma gibin cinikayya a fannin na bayar da hidimomi da ya ragu da yuan biliyan 152.2, idan an kwatanta da na makamancin lokaci na shekarar bara.
Hidimomin da suka kunshi ilimi mai zurfi na ci gaba da samun ci gaban cinikayya, inda fannin shige da ficensu ya karu da kaso shida bisa dari a mizanin shekara, kana darajarsu ta kai kudin Sin yuan tiriliyan 1.5.
Hidimomin tafiye-tafiye ne kan gaba a wa’adin na watanni shida, inda suka samu karuwar kaso 12.3 bisa dari a mizanin shekara, da darajar kudin Sin yuan tiriliyan 1.08. Kazalika, fannin hidimomin tafiye-tafiye da aka samar ga sassan ketare ya karu da kaso 68.7 bisa dari a wa’adin. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: ya karu da kaso
এছাড়াও পড়ুন:
Shirin ACRESAL Zai Samar Da Injinan Ban Ruwa Masu Amfani Da Hasken Rana A Jigawa
A kokarin da Gwamnatin Jihar Jigawa ke yi na kara habbaka harkokin noma, shirin ACRESAL yace sami amincewar gwamnatin na siyo injinan ban ruwa masu amfani da hasken rana guda 3,000 domin tallafawa manoma.
Shugaban Shirin na Jihar, Malam Yahaya Kafin Gana ya bayyana haka ga manema labarai a Dutse.
Yana mai cewar, samar da injinan ban ruwa masu amfani da hasken rana ga manoman na da nasaba da bunkasa aikin gona a jihar Jigawa.
A cewar sa, shirin ACRESAL na jihar ya sami sahalewar gyaran karin wasu cibiyoyin renon itatuwa guda 3 a sassan jihar.
Malam Yahaya Uba Kafin Gana ya kara da cewar, cibiyoyin renon itatuwan da za’a gyara sune na garuruwan Birnin Kudu da Kafin Hausa da kuma na Gadar Kazaure.
Yana mai nuni da cewar baya ga gyaran cibiyoyin, har Ila yau za’a kuma a samar musu da rijiyoyin samar ruwan sha masu amfani da hasken rana.
Kafin Gana, yace nan bada jimawa ba za su sake zakulo wasu cibiyoyin renon itatuwa guda 5 domin mayar da su irin na zamani.
Yace shirin ya kuma siyo karin Injinan yasar kogi guda 2 domin mara baya ga guda 2 da ake dasu a ma’aikatar kare muhalli ta jihar Jigawan.
Kazalika, ya ce shirin zai samar da hasken wutar lantarki mai amfani da hasken rana a garuruwan Matamu da Safa da Galaucimi da Hannun Giwa da Kwazalewa da Tozarya dake kananan hukumomin Birniwa da Birnin Kudu da Miga da Kafin Hausa da Kazaure har ma da Sule Tankarkar.
Usman Mohammed Zaria
Sojojin HKI Sun Yi Kisan Kiyashi A Yankin Shuja’iyya