Babu wani hari da aka kai sakatariyar NUJ a Yobe — ’Yan Sanda
Published: 19th, September 2025 GMT
Rundunar ’yan sandan Jihar Yobe, ta ƙaryata rahotannin da ke nuna cewar an kai hari sakatariyar ƙungiyar ’yan jarida ta Najeriya (NUJ) da ke Damaturu.
Wannan na cikin wata sanarwa da rundunar ta fitar a ranar Juma’a.
An cafke mutum 6 kan tono gawa a kabari don yin asiri a Gombe Wata mata ta ƙona al’aurar ’yarta da wuta kan zargin maita a BauchiKakakin rundunar, SP Dungus Abdulkarim, ya ce abin da ya faru shi ne wani jami’in tsaro da ke gadin wajen ne ya samu rauni a ƙafarsa ta hagu.
A cewarsa, raunin ba shi da alaƙa da harbin bindiga, kamar yadda wasu shafukan Internet suka wallafa.
Lamarin ya faru ne da misalin ƙarfe 1:45 na daren ranar 19 ga watan Satumba, 2025.
Rundunar ta ce babu wani ɗan jarida ko ma’aikacin NUJ da aka kai wa hari ko aka yi wa barazana.
SP Abdulkarim, ya ƙara da cewa ana ci gaba da bincike kan lamarin, kuma ya bai wa jama’a tabbacin cewa za a ɗauki matakan da suka dace.
Rundunar ta kuma yi kira ga ’yan jarida da su guji yaɗa labarai ba tare da tabbatarwa ba, domin hakan na iya haifar da tashin hankali.
উৎস: Aminiya
কীওয়ার্ড: Yan Jarida Yan Sanda hari rahotanni
এছাড়াও পড়ুন:
Benfica ta naɗa Jose Mourinho sabon kociyanta
Benfica ta sanar da naɗa José Mourinho a matsayin sabon kociyanta, domin maye gurbin Bruno Lage, wanda ƙungiyar ta karo bayan da Qarabag ta doke ta a gasar Zakarun Turai ranar Talata.Benfica ta kori Lage duk da cewa wasa ɗaya kawai ya yi rashin nasara a dukkanin gasa a bana.
Wata sanarwa da Benfica ta fitar a ranar Alhamis ta bayyana cewa, Mourinho mai shekaru 62 zai jagoranci ƙungiyar har zuwa kakar wasanni ta 2026/2027, tare da zaɓin raba gari a ƙarshen kakar nan.
An yanke wa Soja hukuncin kisa ta hanyar rataya Wani ya sace munduwar Fir’auna a gidan tarihin MasarTsohon kociyan Chelsea, Real Madrid da Manchester United, ya dawo Benfica ne bayan ya rasa aiki a watan Agusta, wata ɗaya bayan da Fenerbahce ta kore shi sakamakon rashin samun gurbin Gasar Zakarun Turai.
Mourinho ya fara aiki a matsayin koci a Benfica a shekarar 2000, amma ya bar aiki bayan wasanni 11 kacal saboda saɓani da shugabanninta, lamarin da ya ba shi damar koma wa Porto, ƙungiyar da ya daukarwa kofin Zakarun Turai a 2004.
Tun da ya bar Benfica shekaru 25 da suka gabata, Mourinho ya yi aiki da manyan ƙungiyoyi kamar Chelsea, Inter Milan, Real Madrid, Tottenham, Roma da kuma Fenerbahce.
Ya lashe kofin Firimiyar Ingila guda uku, da La Liga, da Serie A, da Champions League guda biyu.
Sai dai daga 2017 zuwa yanzu, babban kambin da ya samu shi ne wanda ya lashe na Gasar Conference League da Roma a shekarar 2022.
A halin yanzu, Benfica tana matsayi na shida a teburin babbar gasar Portugal —Primeira Liga— da tazarar maki biyar tsakaninta da Porto, amma da kwantan wasa ɗaya.
Wasa na farko da Mourinho zai ja ragamar ƙungiyar da ke birnin Lisbon shi ne na ranar Asabar mai zuwa da AVS.
EU ta dage takunkumin da ta kakaba wa Syria