HOTUNA: Yadda ambaliya ta raba mutane da muhallansu a Mokwa
Published: 5th, June 2025 GMT
Wasu daga cikin mazauna yankin Mokwa da ambaliyar ruwa ta lalata wa gidaje a Jihar Neja, yanzu na zaune a sansanin ’yan gudun hijira.
Ambaliyar, wadda ta kashe sama da mutum 100, ta jawo asarar dukiya da lalacewar gidaje da dama a yankin.
Direbobi sun toshe babbar hanyar Kogi sakamakon harbe abokan aikinsu Ambaliyar Mokwa: An gano gawar yara 7, jama’a na neman agajiAminiya ta kai ziyara sansanin a ranar Talata, inda ta ɗauki wasu hotuna da ke nuna halin da waɗanda abin ya shafa ke ciki da yadda suke rayuwa a sabon wajen da suka koma.
Ga hotunan a ƙasa:
উৎস: Aminiya
কীওয়ার্ড: Ambaliyar ruwa Mokwa
এছাড়াও পড়ুন:
Sanata Buba ya ƙaddamar da allurar rigakafin dabbobi kyauta
Sanatan Bauchi ta Kudu, Shehu Buba Umar ya ƙaddamar da allurar rigakafin dabbobi da kuma takin zamani kyauta ga al’ummar mazaɓarsa.
Da yake ƙaddamar da allurar rigakafin dabbobin garin Goɗɗiya da ke Ƙaramar Hukumar Bogoro, Sanata Buba ya ce, “A bana, za mu yi allurar rigakafin dabbobi 85,000 a wannan yankin na Majalisar Dattawa.”
Ya ce a baya an yi wa dabbobi kimanin 40,000 allurar rigakafin a fadin yankin.
“Na yi imanin cewa wannan abu ɗaya ne daga ayyukan wakilci wa mutanenmu manoma da makiyaya. ’Yan Najeriya ne kamar mu duka, suna zaɓe mu, kuma suna ba da gudummawa sosai ga tattalin arzikin ƙasar nan.
“Wannan ba wani abu ba ne na musamman amma na yi imanin cewa wani abu ne da muke yi wa makiyaya da manoma.”
Ya ce alluran rigakafin na kyauta na da nufin kare rayuwar dabbobi, da ƙara haɓaka kiwonsu, da kuma tabbatar da lafiyarsu da wadatar abinci a ƙananan hukumomi bakwai da ke Shiyyar Bauchi ta Kudu.
“Wannan aikin wata babbar alama ce da ke nuna aniyarmu ta kare lafiyar dabbobinmu, da kare lafiyar al’ummarmu, da kuma martaba tattalin arzikinmu.
“Za a gudanar da wannan aiki a dukkanin ƙananan hukumomin bakwai na shiyyar Sanata na Bauchi ta kudu, inda za a yi wa shanu, tumaki da awaki a kowace ƙaramar hukuma alluran rigakafin.
“Ƙwararrun likitocin dabbobi da masana kimiyyar kiwon lafiyar dabbobi za su yi aiki tare da shugabannin al’umma, masu dabbobi, da sauran masu ruwa da tsaki don tabbatar da cewa wannan aikin ya samu nasara a a kowace ƙaramar hukuma.”
Wani mai ruwa da tsaki a mazaɓar Dass, Tafawa Valewa da Vogoro Alhaji Aminu Tukur ya buƙaci manoman yankin da su fito da dabbobinsu domin yin rigakafin.
Tukur ya yi kira ga Sanatan da ya gina cibiyar koyar da sana’o’i a yankin domin rage yawan matasa marasa aikin yi, ya kuma shawarce shi da ya riƙa bibiyar aikin hanyar Gwamnatin Tarayya da tsohon Shugaban Majalisar Wakilai Yakubu Dogara ya fara da ba a ƙarasa su ba.
Makiyaya da dama da suka ci gajiyar allurar sun yaba da yadda Sanata Buba ya jajirce wajen inganta harkokin kiwon dabbobi da lafiyarsu, da tallafa wa manoma ta hanyar ingantattun tsare-tsare da kuma daukar matakai cikin lokaci. Sun nuna jin daɗinsu bisa bayar da tallafin a kan lokaci.
Sankaran ya kuma fara rabon takin zamani buhu 4,200 samfurin NPK kyauta ga manoma.
Ya ce an dauki matakin ne don tallafa wa ayyukan noma da inganta amfanin gona ga manoman yankin.
Sanatan ya ce shirin na da nufin ƙarfafa wa manoma gwiwa domin su sami damar rage ƙalubalen da ake fuskanta wajen samar da abinci tare da inganta adadi da ingancin amfanin gona ga al’ummar gundumar.
Ya gode wa kwamitin rabon kayayyakin tare da shawartar su da su tabbatar da adalci tare da raba kayan ga manoma na gaskiya.
Sin Ta Nuna Damuwa Kan Mummunan Tasirin Harajin Kwastam Na Amurka A Taron WTO