Yadda rusau ya janyo zanga-zanga a Legas
Published: 8th, September 2025 GMT
Wasu mazauna unguwar Oworonshoki da ke ƙaramar hukumar Kosofe a Jihar Legas, sun datse wani sashe na gadar Third Mainland a ranar Litinin, a wata zanga-zanga da suka gudanar don nuna adawa da rushe musu gidaje.
Datse hanyar da suka yi ya haddasa cunkoson masu ababen hawa da fasinjoji, lamarin da ya tilasta wa ’yan sanda tarar hanzarin lamarin, inda suka riƙa harba barkonon tsohuwa domin tarwatsa masu zangar-zangar.
Aminiya ta ruwaito cewa, tun a watan Yulin 2023 aka soma rusau ɗin, lamarin da ya raba wasu mazauna unguwanni kamar Oke-Eri, Odunfa Lane, Ogo-Oluwa, Precious Seed, Coker da kuma Mosafejo, da muhallansu.
A wani sabon rusau ɗin na yau Litinin da ya shafi unguwar Ojulari, gwamnati ta aike da jami’an tsaro domin tabbatar da an gudanar da aikin ba tare da fuskantar tirjiya ba da tsakar dare, inda suka fara rushe gidajen da ake zargin an gina su ba bisa ka’ida ba.
Da yake jawabi a madadin waɗanda lamarin ya shafa, jagoran masu zanga-zangar, Opeyemi Ogunlami, ya bayyana cewa rusau ɗin ya ɗaiɗaita rayuwar mutane da dama tare da durƙusar da tattalin arzikin al’ummar yankin.
Ya ce wannan rusau ɗin ba wai kawai iya gidaje ya shafa ba, har da daƙile fatan samun kyakkyawar makoma a rayuwar mazauna yankin.
Yadda aka yi zanga-zanga saboda rusau a Legas
উৎস: Aminiya
কীওয়ার্ড: Jihar Legas
এছাড়াও পড়ুন:
Gobara ta tashi a babban kanti a Abuja
Rahotanni sun bayyana cewa, wata gobara ta ƙone wani shagon Adidas Sports da ke cikin rukunin babban kantin nan na sayar da kayayyaki na Jabi Lake Mall, Abuja da tsakar daren Alhamis.
Daily Trust ta ruwaito cewa, shagon ne kaɗai gobarar ta shafa.
An kuma samu rahoton cewa, an baza jami’an kashe gobara daga Hukumar Kashe Gobara ta Tarayya, da na Kamfanin Berger da na hukumar kashe gobara ta Abuja da kuma jami’an ’yan sanda zuwa wurin.
Ƙasashe 12 da suka samu tikitin Kofin Nahiyyar Afrika na mata Gwamnan Bauchi na neman ƙirƙirar sabbin ƙananan hukumomi 29A lokacin da Wakilin Daily Trust ya kai ziyara da safe zuwa wurin, an shawo kan gobarar.
Wani ma’aikaci a shagon ya ce lamarin ya faru ne da misalin ƙarfe 3:00 na tsakar daren ranar Alhamis.
Ya ce, ba a samu asarar rai ba a wurin. Ya kuma tabbatar da cewa, “Shagon sayar da kayan Wasannin Adidas ne kawai gobarar ta shafa.”
Mai magana da yawun Hukumar kashe gobara ta babban birnin tarayya, Ibrahim Mohammad, ya tabbatarwa da majiyar da faruwar lamarin, amma ya ce ƙarama ce.
Ya ce, an shawo kan lamarin kuma an dawo da zaman lafiya.
Ita ma da take mayar da martani, kakakin rundunar ’yan sandan Birnin Tarayya, Josephine Adeh ta ce an tura jami’an ’yan sanda wurin da lamarin ya faru domin kare yankin da kuma hana sace-sacen jama’a.
“Mun samu kiran gaggawa da misalin ƙarfe 3:40 na asubahi, nan take muka tura mutanenmu wurin domin su tsare wurin da kuma hana duk wani abu da ya saɓa wa zaman lafiya,” in ji ta.
HKI Ta Roki Amurka Ta Taimake Ta A Fada Da Kasar Yemen