Masu zanga-zanga sun ƙone matar tsohon Firaministan Nepal
Published: 10th, September 2025 GMT
Rabi Laxmi Chitrakar, matar tsohon Firaministan Nepal, Jhalanath Khanal, ta rasu bayan masu zanga-zanga sun banka wa gidansu wuta a unguwar Dallu da ke birnin Kathmandu a ranar Talata.
Bayanai sun ce masu zanga-zanga a ƙasar mai tsaunuka da ke fama da tashin hankali mafi muni cikin shekaru da dama sun tarfa matar tsohon firaministan ne a cikin gida kafin su kunna wutar.
An garzaya da ita asibitin kula da waɗanda ibtila’in ƙuna ya afkawa da ke Kirtipur cikin mummunan yanayi, amma daga ƙarshe ta ce ga garinku nan sakamakon munanan raunuka da ta samu.
Rasuwarta ta zo ne a daidai lokacin da ake ci gaba da zanga-zangar matasa a duk faɗin Nepal tsawon kwana biyu, duk da cewa gwamnati ta ɗage takunkumin da ta saka kan kafafen sada zumunta a farkon makon nan.
Masu zanga-zangar na neman jami’an gwamnati sauka daga kujeru saboda zargin cin hanci da rashawa, nuna son kai a siyasa da kuma taɓaɓarewar tattalin arziki.
Tun dai daga ranar Litinin aka fara tashin hankali, kuma rahotanni sun nuna cewa aƙalla mutum 22 sun mutu yayin da sama da 300 suka ji rauni.
Kungiyar Amnesty International ta zargi ’yan sanda da amfani da harsasai wajen tarwatsa masu zanga-zangar.
Bidiyoyin da ke yawo a shafukan sada zumunta sun nuna yadda ake jefa bama-bamai da aka haɗa da man fetur a gidajen fitattun ’yan siyasa, ciki har da na tsofaffin Firaministoci — K.P. Sharma Oli, Sher Bahadur Deuba, da kuma Pushpa Kamal Dahal.
Muhimman gine-ginen gwamnati, ciki har da Singha Durbar (hedikwatar gwamnati) da fadar shugaban ƙasa, Sheetal Niwas, su ma an kai musu hari.
A yayin da tashin hankali ke ƙara tsananta ne Firaminista K.P Sharma Oli mai shekaru 73, ya miƙa takardar murabus ga shugaban ƙasa a ranar Talata, yana mai cewa matakin “na da muhimmanci don ɗaukar matakan samun mafita a siyasar ƙasar.”
Haka kuma, wasu ministocin gwamnati da suka haɗa da na ruwa, noma da cikin gida, sun yi murabus, domin nuna adawa da yadda tarzomar ke ƙara tsananta.
Yanzu haka dai ƙasar ta faɗa cikin wani yanayi na fargaba a yayin da hukumomi ke ƙoƙarin dawo da doka da oda, inda ake ta kira da a koma kan teburin tattaunawa domin kawo ƙarshen rikicin.
A yayin da sojoji suka ayyana dokar hana fita tare da gudanar da sintiri a birnin Kathmandu, matasan Nepal da suka gudanar da zanga-zangar da sunan adawa da cin hanci da rashawa sun yi iƙirarin cewa wasu masu neman dama ne suka ƙwace zanga-zangar wadda ta rikiɗe ta zuwa tashin hankali.
Ƙungiyoyin matasa sun nesanta kansu daga ɓarnar, suna masu cewa masu son yin amfani da dama ne suka shiga suka lalata zanga-zangar.
Sojojin da suka kafa dokar hana fita a faɗin ƙasa har zuwa safiyar Alhamis, sun yi gargaɗin hukunta duk wanda aka samu da hannu a tashin hankali ko ɓarna.
Rahotanni sun ce an kama mutum 27 da ake zargi da hannu a fashi da tarzoma, tare da ƙwato bindigogi 31.
উৎস: Aminiya
কীওয়ার্ড: Rabi Laxmi Chitrakar zanga zangar
এছাড়াও পড়ুন:
Babban Burina Zama Fitacciyar Jaruma A Duniya —Aisha Umar
Ko za ki fadawa masu karatu dan takaitaccen tarihinki?
An haife ni a a ‘Delta state’, na yi makarantar firamare da sakandare a Delta, sannan nayi aure a can. Yara na uku, Allah ya kawo rabuwa tsakani na da mijina. Babana dan ‘Nasarawa State’ ne, Mama ta kuma ‘yar Jihar Kano ce. Shekaruna Talatin da hudu, na tsinci kaina a masana’antar Kannywood ne shekara shida da suka wuce baya.
Me ya ja hankalinki har ki ka tsunduma cikin masana’antar Kannywood?
Saboda fim yana daya daga cikin abin da ya fara burge ni bayan aure na ya mutu, shi fim abu ne wanda yake kamar wa’azantarwa da kuma tunatarwa.
Ya gwagwarmayar farawar ta kasance?
Yadda gwagwarmayar ya kasace shi ne; na zo fim ne ba tare da tunanin yadda za ta kasance da ni ba, amma yanzu kam Alhamdulillah.
Ya batun iyaye lokacin da za ki sanar musu kina sha’awar fara fim, shin kin samu wani kalubale daga gare su?
Eh, a gaskiya na samu. Saboda mahaifiya ta da ‘yan’uwana sun ki yarda, sai da na samu na zaunar da su na fahimtar da su sannan.
Da wane fim ki ka fara?
‘Motsin Rai’ wanda Yahaya Sa’id ne yayi daraktin, da kuma Dadin Kowa.
Ya farkon farawar ta kasance?
Gaskiya na sha wahala kasancewar shi ne farkon dasa min ‘camera’.
Da su wa ki ka fara cin karo a farkon shigarki kannywood?
Bosho, su Dan’Auta da sauransu.
Kin yi finafinai sun kai kamar guda nawa?
Gaskiya ba zan iya kirgawa ba.
Cikin finafinan da ki ka fito wanne ne ya zamo bakandamiyyarki?
Kishiyar uwa, saboda na fito a mahaukaciya abun dai abun armashi.
Wane irin nasarori ki ka samu game da fim?
Dalilin fim na je gurare wanda ban da ta wannan hanya, ban yi tunanin zuwa ba.
Ko akwai wani kalubale da ki ka taba fuskanta cikin masana’antar?
Eh, kam ba za a rasa ba, to, amma Alhamdulillah.
Wane abu ne ya taba faruwa da ke na farinciki ko akasin haka, wanda ba za ki taba iya mantawa da shi ba a rayuwa?
Kamar mutuwar mahaifi na, ba zan taba iya mantawa ba har abada.
Ko kina da ubangida a masana’anyar Kannywood?
Eh, ina da shi.
Kafin shigarki masana’antar Kannywood wadanne jarumai ne suke burge ki, kuma me ya sa?
Ali nuhu, saboda yadda yake aikinsa kamar a gaske.
Mene ne burinki na gaba game da fim?
In zama babbar jaruma.
Bayan fim kina wata sana’ar ne?
Eh, ina ‘business’.
Misali wani daga cikin abokan aikinki ya ce yana sonki zai aure ki, shin za ki amince ki aure shi ko kuwa ba ki da ra’ayin auren dan fim?
Idan da so da kauna me zai hana.
Wasu na kokawa game da masana’antar kannywood, a takaice ya za ki yi wa masu karatu bayanin yadda masana’antar take, shin wace ce Kannywood ya cikinta yake?
Kannywood wata masana’anta ce wacce take kamar makaranta, kafin ka fara ta, dole sai ka mayar da hankali.
Wane kira za ki yi ga masu kokarin shiga kannywood?
Duk wacce za ta shigo ta dauka kamar koyan sana’a ce ya kawo ta, dole sai ta mayar da hankali tare da jajircewa.
Ko akwai wata shawara ko wani sako da ki ke da shi ga sauran abokan aikinki?
Sako na a gare su shi ne, su dinga rike gaskiya da amana, su sani mu kamar amana muke a hannunsu, su taya mu rike ta kima da mutuncin mu.
Me za ki ce da masoyanki masu kallon finafinanki?
Ina yi wa kowa fatan alkairi.
Muna godiya
Ni ma na gode.
ShareTweetSendShare MASU ALAKA
Jami’ar Yobe ta tsunduma yajin aiki