An ceto matar da aka yi garkuwa da ita, da kama mutum 2 a Yobe
Published: 22nd, May 2025 GMT
Rundunar ’yan sandan Jihar Yobe ta sanar da samun nasarar kuɓutar da wata mace mai shekara 22 da aka yi garkuwa da ita tare da kama wasu mutum biyu.
An kama mutum biyun ne da ake zargi da alaƙa da wani mummunan hari a ƙauyen Tashan Randa da ke ƙaramar hukumar Fika.
A cikin wata sanarwa da jami’in hulɗa da jama’a na rundunar ‘yan sandan jihar, SP Dungus Abdulkarim ya fitar, ya ce samamen da aka gudanar tare da haɗin gwiwar mafarautan yankin, ya nuna wani gagarumin ci gaba a ƙoƙarin da rundunar take yi na yaƙi da rashin tsaro a jihar.
Sanarwar ta ce, a ranar 6 ga Mayu, 2025 da misalin ƙarfe 5:58 na yamma, wasu ’yan bindiga ɗauke da makamai sun kai farmaki gidan Maikudi da ke ƙauyen Tashan Randa, inda suka yi awon gaba da ’yarsa tare da raunata wata yarinya maƙwabciyarta da harbin bindiga.
Sanarwar ta ƙara da cewa, jami’an rundunar sun gaggauta gudanar da bincike, inda suka yi amfani da buƙatar kuɗin fansa da ake nema ₦5,000,000 domin gano masu garkuwa da mutanen.
“An kama wasu mutane biyu, Waiti Bello mai shekara 30 daga ƙauyen Jangalawaje da Idrissa Adamu mai shekara 35 na ƙauyen Biriri, ƙaramar hukumar Gujba, dukkansu sun amsa laifin da ake zarginsu da aikatawa, kuma suna taimakawa wajen gudanar da bincike.
“An samu nasarar gano bindigar toka guda ɗaya da babur da aka yi amfani da su wajen kai harin.
Kwamishinan ’yan sandan Jihar Yobe, CP Emmanuel Ado, ya tabbatar da ƙudurin rundunar na kawar da munanan laifuka.” Muna ci gaba da jajircewa wajen kare al’ummarmu.
Wannan nasarar ta nuna muhimmancin haɗin gwiwa tsakanin jami’an tsaro da ’yan ƙasa,” inji shi, inda ya buƙaci mazauna yankin da su bayar da rahoton abubuwan da ake zargi ga rundunar don magance lamurra kafin su kasance. Cewar CP Emmanuel.
উৎস: Aminiya
কীওয়ার্ড: Yan Sanda
এছাড়াও পড়ুন:
Al’ummar Iran Ba Zasu Amince Da Ci Gaba Da Zaman Tattaunawa Da Amurka Ba Saboda Fushin Da Suke Ciki Na Kai Musu Hari
Kakakin ma’aikatar harkokin wajen Iran ya bayyana cewa: Babu wanda ko da a kuskure ya yi magana a kan tattaunawa da Amurka saboda tsananin fushin da al’ummar Iran ta yi
Kakakin ma’aikatar harkokin wajen Iran Ismail Baqa’i ya ce dangane da tattaunawar da aka yi da Amurka, “A halin yanzu al’ummar Iran suna cikin fushi matuka, ta yadda babu wanda ya isa ya yi magana kan batun gudanar da zaman tattaunawa da Amurka ko harkar diflomasiyya.”
A cikin wata hira da gidan talabijin na Sky News, yayin da yake mayar da martani kan wata tambaya kan shirin nukiliyar Iran biyo bayan harin wuce gona da iri da Amurkawa da ‘yan sahayoniyya suka kai kan cibiyoyin makamashin nukiliyar Iran, Baqa’i ya ce: “Sun yi imani da farko dole ne su fahimci abin da ya faru, kwarai abin da ya faru shi ne wani danyen aikin wuce gona da iri da gwamnatin mamayar Isra’ila ta yi aikata kan kasar Iran, sannan kuma Amurka, kan ‘yancin kan kasar Iran da kuma ikon kasar.”
MOFA: Ya Kamata G7 Ya Mai Da Hankali Kan Habaka Hadin Kai Da Hadin Gwiwar Kasa Da Kasa