Hamas ta tabbatar da mutuwar jagoranta a Gaza, Mohammed Sinwar
Published: 31st, August 2025 GMT
Ƙungiyar Hamas ta tabbatar da mutuwar Mohammed Sinwar, wanda aka daɗe ana ɗauka a matsayin jagoranta a Gaza.
Wannan tabbaci ta Hamas ta bayar na zuwa ne fiye da watanni uku bayan Isra’ila ta ce ta kashe shi a wani harin sama.
Mutum 13 sun rasu yayin tsere wa ’yan bindiga a Zamfara Xi na karɓar baƙuncin taron SCO a ChinaHotunan da Hamas ta fitar ranar Asabar sun nuna Sinwar tare da wasu manyan shugabannin siyasa da na soji, waɗanda aka bayyana a matsayin “shahidan kwamitin soji.
Mohammed Sinwar, shi ne ƙanen Yahya Sinwar wanda Isra’ila ke zargi da jagorantar harin ranar 7 ga Oktoban 2023 a Isra’ila, rikicin da har yanzu wutarsa ke ƙara ruruwa.
Kamfanin Dillancin Labaran Faransa AFP ya ruwaito cewa Mohammed Sinwar ya jagoranci kwamitin sojin Al-Qassam Brigades bayan mutuwar kwamanda Mohammed Deif.
Tun dai a ranar 13 ga watan Mayun da ya gabata ne rundunar sojin Isra’ila ta ce ta kashe Mohammed Sinwar, wanda a watan Yuni kuma aka gano gawarsa a wani rami ƙarƙashin Asibitin Turai da ke Khan Yunis.
A watan Oktoban 2023 ne Hamas ta ƙaddamar da hari a Kudancin Isra’ila, inda sama da mutum 1,219 suka mutu.
Hakanan daga cikin mutum 251 da Hamas ta yi garkuwa, rahotanni na nuna cewa akwai aƙalla mutum 47 da har yanzu take tsare da su a Gaza, ciki har da kusan 20 da ake ganin suna raye.
Majalisar Ɗinkin Duniya wadda ta tabbatar da sahihancin alƙaluman, ta ce martanin da Isra’ila ta mayar ya jawo asarar rayuka masu yawa a Gaza, inda ma’aikatar lafiya ta Gazan ta ce sama da mutane 63,371 — mafi yawansu fararen hula — sun mutu.
উৎস: Aminiya
কীওয়ার্ড: Isra ila Mohammad Sinwar Yahya Sinwar Mohammed Sinwar
এছাড়াও পড়ুন:
Kamfanin Amazon na shirin sallamar ma’aikata 600,000 don maye gurbinsu da mutum-mutumi
Kamfanin Amazon, wanda shi ne na biyu a yawan ma’aikata a Amurka, zai sallami ma’aikata kusan 600,000 ta hanyar maye gurbin su da mutum-mutumi nan shekaru 10 masu zuwa.
Wani rahoton takardun cikin gida na kamfanin ne ta bayyana hakan, kamar yadda jaridar The New York Times ta Amurka ta wallafa.
Gwamnan Bauchi na neman ƙirƙirar sabbin ƙananan hukumomi 29 Majalisa ta amince Tinubu ya karɓo rancen dala biliyan 2.35A cewar rahoton, wannan dabarar na fitowa ne daga masu lura da ma’aikata na kamfanin da alkaluman su ke nuna cewa kamfanin na iya kauce wa ɗaukar fiye da mutum 160,000 da ake bukata a Amurka nan da shekarar 2027.
Kamfanin dillancin kaya na Amazon ya taɓa bayyana cewa amfani da mutum-mutumi zai ba shi damar faɗaɗa kasuwancinsa zuwa ninki biyu na yawan kayayyakin da yake siyarwa nan da shekarar 2033, ba tare da ƙara yawan ma’aikata a Amurka ba.
Tarin takardun da aka tattara tare da hirarraki da jaridar ta gudanar ya nuna cewa wannan sauyi zai sa kamfanin ya zama ba ya buƙatar ɗaukar fiye da mutum 600,000 a cikin shekaru goma masu zuwa.
Sai dai Amazon ya ƙi amincewa da sakamakon binciken na jaridar.
A cikin wata wasika da ta aike wa The Independent, Amazon ya ce adadin mutum 600,000 ya fito ne daga wata takarda daga sashe guda na kamfanin, wanda ba shi da alaka da ɗaukar ma’aikata.
HKI Ta Roki Amurka Ta Taimake Ta A Fada Da Kasar Yemen