Uba ya harbe ɗansa har lahira saboda zaton biri ne
Published: 2nd, June 2025 GMT
Wani yaro ɗan shekara 15 ya rasa ransa bayan mahaifinsa ya harbe shi bisa kuskure, yana zaton biri ne.
Wannan lamari mai ban tausayi ya faru ne a gonar magidancin inda shi da ɗan nasa suke aiki, a yankin Iye Ekiti da ke Ƙaramar Hukumar Ilejemeje ta Jihar Ekiti.
Kwamishinan ’Yan Sanda na Jihar Ekiti, Joseph Eribo, ya tabbatar da faruwar lamarin a yau a Ado-Ekiti.
Ya bayyana cewa manomin ya daɗe yana fama da hare-haren birai a gonarsa kuma ya kai bindiga domin kare amfanin gonarsa.
Jirgin soji ya kashe ’yan sa-kai 20 da ke fatattakar ’yan bindiga a Zamfara An lakaɗa wa Mataimakin Firinsifal duka saboda hana satar a jarabawaBinciken farko ya nuna cewa mahaifin ya lura da motsi a wata bishiya da ke kusa da shi, sai ya harba bindiga yana zaton biri ne. Bayan ya yi harbin sai ya gano cewa ya harbi dansa da ke kan bishiyar har lahira.
Tuni dai ’yan sanda suka tsare mahaifin domin yi masa tambayoyi yayin da bincike ke ci gaba kan wannan lamari mai ban tausayi.
উৎস: Aminiya
কীওয়ার্ড: Yan Sanda Harbe ɗansa
এছাড়াও পড়ুন:
Yadda magidanci ya kuɓuta bayan wata 7 a hannun ’yan bindiga
’Yan bindiga sun sako wani magidanci da suka yi garkuwa da shi da amaryarsa na tsawon wata bakwai, bayan sun bindige matar tasa tare da karɓar kuɗin fansa Naira miliyan 30 daga iyalansa.
A watan Oktobar 2024 ne ’yan bindiga suka yi garkuwa da mutumin suna Yakubu Dada tare da amaryarsa, a yayin da ma’auratan ke tafiya a kan babban titin zuwa Kontagora a Jihar Neja.
A lokacin ’yan bindigar sun buƙaci kuɗin fansa Naira miliyan 10 daga iyalan mutumin, wanda tsohon ma’aikacin gwamnati ne.
Ba su sako shi ba sai a ranar Litinin, bayan da suka karɓi ƙarin Naira miliyan 20 daga iyalansa, jimilla Naira miliyan 30 ke nan.
A lokacin da suka yi garkuwa da ma’auratan sun buƙaci Naira miliyan 10, amma bayan iyalansa sun yi karo-karo sun biya, sai ’yan ta’addan suka nemi ƙarin Naira miliyan 20 da sababbin babura ƙirar Bajaj, sa’nnna suka yi barazanar kashe ma’auratan idan ba a ba su ba.
A farkon watan Mayu 2025, suka bindige amaryar tasa mai suna Lami, a ƙoƙarinsu na matsa wa iyalan su biya musu buƙata.
Uwar gidarsa mai suna Maimuna, ta tabbatar wa Aminiya cewa an sake shi a wani daji da ke kusa da yankin Kotonkoro a Ƙaramar Hukumar Mariga ta Jihar Neja, bayan da iyalan suka biya ƙarin Naira miliyan 20.
Malama Maimuna ta bayyana farin cikinsu, amma ta ce Malam Yakubu bai riga ya ya iso gida ba a lokacin.
Ta bayyana cewa a watan Nuwambar 2024 sai da suka sayar da kusan duk abin da suka mallaka domin haɗa Naira miliyan 10 da aka buƙata, wanda ƙanin mijin nasu ya kai wa ’yan bindigar a wani daji a Jihar Kebbi.
Ta ce bayan nan ne ’yan ta’ddan suka nemi ƙarin Naira miliyan 60 amma daga ƙarshe aka daidaita da su a kan Naira miliyan 20 da sababbin babura guda huɗu, buƙatar a iyalan suka yi ƙoƙarin biya kafin a sako shi.
Mutum 10 sun rasu, an lalata dukiyar N11bn yayin zanga-zangar yunwa a Kano — Rahoto