Mun dakatar da sanya tallan magungunan gargajiya a fina-finai – Abba
Published: 20th, May 2025 GMT
Hukumar Tace Fina-Finai da Ɗab’i ta Jihar Kano, ta sanar da dakatar da duk wani nau’in tallan magungunan gargajiya a cikin fina-finai, a kan titi ko amfani da lasifika.
Wannan na cikin wata sanarwa mai ɗauke da sa hannun shugaban hukumar, Abba El-Mustapha, wadda Jami’in Yaɗa Labaran Hukumar, Abdullahi Sani Sulaiman, ya raba wa manema labarai.
Shugaban hukumar ya ce wannan matakin na da nufin kare martabar masana’antar fina-finai da kuma tabbatar da cewa duk wani bayani da ke zuwa ga jama’a ya bi ƙa’idoji da doka.
“Yawancin tallace-tallacen maganin gargajiya da ake yi a tituna ko kuma a cikin fina-finai suna karya dokokin da hukumarmu ta gindaya.
“Wannan dalili ne ya sa muka ɗauki matakin dakatar da duk wata hanya da ake amfani da ita wajen wannan talla, har sai mun tantance su tare da bayar da sahalewa,” in ji El-Mustapha.
Hukumar ta bayyana cewa daga ranar Laraba, 21 ga watan Mayu, 2025, duk masu ruwa da tsaki a harkar maganin gargajiya dole ne su miƙa tsarin tallace-tallacensu domin tantancewa cikin mako guda, ko kuma su fuskanci hukuncin hukumar.
“Mun bai wa kowa kwana bakwai ya gabatar da tsarin tallarsa domin mu duba.
“Wannan ya shafi masu fina-finai da kuma waɗanda ke yawo da lasifika a titi. Doka za ta ɗauki mataki a kan duk wanda ya saɓa,” cewar El-Mustapha.
A cikin wannan sanarwar, shugaban hukumar ya kuma buƙaci haɗin gwiwar tashoshin talabijin da Hukumar Kula da Kafafen Yaɗa Labarai ta Ƙasa (NBC), domin ganin an daƙile abin da ka iya shafar tarbiyya da lafiyar al’umma.
“Muna kira ga tashoshin talabijin da hukumar NBC su mara mana baya wajen tabbatar da bin doka da oda a fannin yaɗa bayanai, musamman masu nasaba da magunguna da lafiya. Wannan zai taimaka wajen kare martabar fina-finai da kuma lafiyar al’umma,” in ji shi.
উৎস: Aminiya
কীওয়ার্ড: dakatarwa kannywood Magungunan Gargajiya Tantancewa
এছাড়াও পড়ুন:
Ranar Foliyo Ta Duniya: Muna Fatan Ganin Karshen Cutar Foliyo A Jihar Katsina -Zulaihat Dikko Radda
A cewar ta a cikin shekarar 2024 jihar Katsina kawai ta samu masu wannan cuta mutum 17 tare da guda biyu a karamar hukumar Danmusa a cikin wannan shekara
Haka kuma Hajiya Zulaihat Radda ya bada tabbacin cewa kowane yaro an tabbatar da ya amshi allurar Riga-kafin shan Inna
Ana jawabin wakilin asusun tallafawa yara na UNICEF na ofishin Kano, Rahama Mohammed Farah ta yabawa kokarin jihar Katsina na dawo da sabon yunkurin kawar cutar shan Inna a Nijeriya baki daya
Ya kuma bayyana cewa asusun kula da kananan yara na UNICEF Yana hadin gwiwa da gwamnatoci da hukumomi da masu ruwa da tsaki a kananan hukumomi domin ganin wajen fadakar da al’umma akan allurar Riga-kafin shan Inna a jihar Katsina.
Shima da yake jawabi shugaban hukumar lafiya a matakin farko ta Jihar Katsina Dakta Shansudeen Yahaya ya yi alkawarin cigaba da wayar da kan al’umma akan wannan cuta ta shan Inna da sauran cututtuka masu kashe yara a kananan hukumomi 34 na jihar Katsina
Wadanda suka shaida wannan bikin ranar ‘Polio’ ta duniya sun hada da hukumar lafiya ta WHO da kuma masu lalurar cutar shan Inna da wakilan asusun UNICEF da matan shugabannin kananan hukumomi 34 na jihar Katsina
ShareTweetSendShare MASU ALAKA
Jami’ar Yobe ta tsunduma yajin aiki