Masana’antar Kannywood: Da Tsohuwar Zuma… -Fassarar Farfesa Uba Adamu
Published: 1st, March 2025 GMT
Amma duk da haka, hatta wake-wake da raye-raye da kuma abinda ya shafi sinima, tsofaffin jarumai ne su ka kawo su a masana’antar Kannywood, saboda haka ya kasance wani lokaci mai ban sha’awa a tarihi lokacin da Hamisu Lamido Iyan-Tama ya hadu da Hindatu Bashir a kan dandamali don ba shi lambar yabo.
Dukkanmu sai muka tuna da fim dinsu na Badakala (wanda wani jarumi Bashir Mudi Yakasai ya shirya), inda suka yi fim mai dauke da rawa da waka na farko a cikin fina-finan Hausa,wato a shekarar 1997 wannan fim ya daga abinda yanzu ake kira Hausa Afropop, domin shi ne wakar fina-finan Hausa ta farko da aka kai wa Rabi’u BK a kasuwar Kofar Wambai domin sayar da shi a matsayin shirin waka mai zaman kansa, Dan Azumi Baba, wanda ya rubuta labarin, ya na nan tare da su a wannan babban taron.
Tsoffin jaruman Kannywood a bisa wata kungiya mai zaman kanta wadda akasari mata suka kafa wacce a yanzu na ke kira “Hausa Classic Cinema” karkashin jagorancin mutane irin su Wasila Isma’il, sun yanke shawarar gudanar da taron shekara-shekara domin yaba wa kansu da kuma wadanda suka bayar da gudunmawa wajen ci gaban masana’antar.
Ni dai ban san su ba, kuma Hindatu Bashir da ta shirya taron na shekarar 2025 sai da ta bi ta hannun mutane biyu domin su zo wurina su kawo mani goron gayyata, Hamisu Lamido Iyan-Tama ya kira ni ‘yan sa’o’i kadan kafin taron ya nemi in halarta, mutane biyu ne kacal a Kannywood da za su umarce ni da in yi irin wannan abu, kuma zan yi su ne Hamisu Iyan Tama da Alkanawy, da na shirya sai na tafi tare da dana Munzir.
Wadannan tsofaffin jarumai sun kasance fuskokin fina-finan Hausa na gargajiya da labarun soyayya, eh labarun soyayya da a kan iya samun rikice-rikice na cikin gida sanadiyar soyayya kuma a samu mafita cikin sauki ta hanyar salo daban-daban, ba tare da sun nuna wani abu na tsiraici ba saboda dukkansu sun mallaki hankalinsu tun kafin su shiga harkar, saboda haka dole ne su tsare mutuncin kansu da na iyalinsu.
Manyan dattawan jarumai da su ka halarci wannan taron a ranar akwai Ado Ahmad Gidan Dabino, Dan Azumi Baba, Balaraba Ramat Yakubu, Bala Anas Babinlata, Hamisu Lamido Iyan-Tama da sauran wadanda su ka kafa kuma su ka zage damtse wajen ganin masana’antar ta tsayu da kafafunta tun daga shekarun 1990 zuwa yanzu, dayan jinsin kuma akwai dattawan jarumai mata kamar ita kanta da ta shirya taron Hindatu Bashir, Hajara Usman, Hadiza Kabara, Ladin Cima, Maijidda Abbas, Rukayya Dawayya, da wasu da yawa da ba zan iya tunawa ba.
A bangaren mu da muke zaune a teburin manyan baki kuwa akwai Muhammadu Rabi’u Rikadawa, sai Dan Azumi Baba, ni kaina, Ado Ahmad, Hajiya Balaraba, Ladi Cima da Hajara Usman,na yi matukar farin ciki da kasancewa cikin wadannan yan wasan kwaikwayo da furodusoshi,dukkan wurin cike yake da mutane, har ba za mu iya ganin sauran wadanda ke zaune a wannan teburi na manyan baki ba, amma dai na san cewar su ma sun bayar da irin tasu gudunmawar wajen wannan babban aiki da aka faro shekaru fiye da Talatin da su ka wuce.
An bai wa Ado Ahmad Gidan Dabino lambar yabo ta “Trailblazer Award, a matsayin wanda ya share fage ga al’ummar da su ka shigo Kannywood ta hanyar wani shiri nasa mai suna “In Da So Da Kauna”, fim din ya fayyace irin nau’in soyayya tun daga farko,ya kuma hada da hakikanin tarihin rayuwar Hausawa tare da hasashen goben bahaushe wanda a wancan lokacin har littafi ya rubuta akan wannan makala.
An bai wa Dan Azumi lambar yabo ta “Star Producer Award” bisa la’akari da rawar da ya taka a masana’antar nishadin Hausa baki daya, tabbas hakane, domin shi ne ya gano Hamisu Lamido-Iyan-Tama, babban dan wasan kwaikwayo mai ban sha’awa wanda zai iya tsayuwa a duk inda wani jarumi ya tsaya ko da kuwa a masana’antar Hollywood ne.
Abin ban mamaki duka biyun Dan Azumi da Ado sun fara zama kwararrun marubutan Hausa kafin su yi kaura zuwa masana’antar fim a matsayin uwayen da su ka kafa ta, a tsakiyar shekarun 1990, a farkon shekarar 2000 an mayar da su zuwa matsayin mashawarta kawai, rawar da su ka taka a cikin manyan fina-finai na baya bayan inda Ado Ahmad ya fito a matsayin Gwamna (Kwana Casa’in) wanda shirin siyasa ne, da Dan Azumi a matsayin Kamaye a shirin Dadin Kowa, wanda akayi saboda hadin kan al’umma, ya nuna cewar DA TSOHUWAR ZUMA AKE MAGANI, don kuwa bani tunanin akwai wani daga cikin matasan jarumai na yanzu da zai yarda ya taka irin wannan rawar.
Balaraba Ramat Yakubu ta samu lambar yabo ta “Legendary Producer Award, inda aka karramata da lambar yabo ta furodusar da ta taka muhimmiyar rawa wajen ci gaban masana’antar Kannywood, fina finanta irinsu Sai A Lahira” da “Alhaki Kwikwiyo” za su dade ana tunawa dasu a tarihin wannan masana’antar a kodayaushe, abinda na kira “Kannywood Classics”, Hamisu Lamido Iyan-Tama ya sami shaidar wani mutum da ya nunawa manyan gobe hanyar da ya kamata su bi a wannan masana’antar.
An ba ni lambar yabo ta “Special Recognition” a matsayin wadanda ba jaruman fim ba amma kuma su ka bayar da gudunmawarsu ta wata sigar, amma kuma sun cancanci karramawa saboda irin gudunmawar da suka bayar ta hanyar inganta da kuma kiyaye al’adun Hausa ta hanyar fim”, duk da cewar rukunin gajerun bidiyo ya kamata ace na fito amma dai wannan kyautar na dauke ta a matsayin karramawa ta musamman a wajena.
A kan dandamalin “Red Carpet”, an tambaye ni yadda na ji game da taron, sai na mayar da martani cewa taron ya fayyace ainahin abinda ake kira Da Tsohuwar Zuma Ake Magani, duba da dimbin taurarin da su ka halarci taron, wadanda su ne uwa da magoyiyar masana’antar nishadin zamani ta Hausa, wadannan taurari sun samar da fina-finai masu tsafta, wanda ake yaba wa kuma ana kiransu da ‘Classics’.
Sun gabatar da fina finai na Iyali da sauran abubuwan da su ka shafi rayuwar Malam Bahaushe, amma da wasu su ka zo sai suka yi watsi da wadannan fina finai suka kama wasu labaran karya game da Hausa da rayuwarsu, irin wadannan tsofaffin gwanaye wadanda ke da tsantsar sani na al’adar fina-finan Hausa ne za su kai ga farfado da fina-finan Hausa, su ne za su jagoranci hanyar kai masana’antar Kannywood zuwa Tudun Mun Tsira.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: Farfesa Abdallah Kannywood Hamisu Lamido Iyan Tama a masana antar lambar yabo ta
এছাড়াও পড়ুন:
Yadda matar gwamna ta sa mata gasar haihuwar ’yan uku
A wannan yanayi na matsin tattalin arziki a Nijeriya, mata na gasar neman haihuwar ’yan uku domin cin gajiyar tallafin tsabar kuɗi da abinci da tufafi da ragunan suna a Jihar Sakkwato.
Burin wadannan mata ta karu ne sakamakon yadda farin ciki nau’i uku ya lullube Malama Bela’u Sabo da iyalanta, bayan da ta haifi ’yan uku a garin Kaurar Yabo da ke Karamar Hukumar Yabo ta jihar.
Rasha ta ayyana tsagaita wuta ita kaɗai a yakinta da Ukraine Shekara 10 ina sayar da sassan jikin ɗan Adam — Wanda ake zargiA yayin da mai jego da angon karni da ’yan uwa suke tsaka da murna, wannan karuwar haihuwa ta kara jawo musu sha-tara ta arziki, inda matar gwamnan jihar, Hajiya Fatima Ahmad Aliyu, ta taso takanas zuwa kauyen ta domin yin barka.
Zuwa barkan wadannan ’yan uku ya faranta ran ba ma iyalan mai jegon ba, har ma da daukacin al’ummar garin Kaurar Yabo, domin kuwa, shi ne ziyarar farko da matar gwamnan Jihar Sakkwato ta taba kawo musu.
A yayin gaisuwar ne matar gwamnan ta gwangwaje Malama Bela’u da akwatuna uku cike da kayan fitar suna da tufafin jarirai da ragunan suna guda uku da buhuna 10 na hatsi da kuma tsabar kudi naira dubu dari biyar.
Ta kuma yi alkawarin bayar da irin wannan tallafi ga duk matar da ta da samu karuwar ’yan uku a jihar, lamarin da ya sa mata neman Allah Ya sa su a danshin wannan mai jego.
Haihuwar ’yan uku ta zo min da sauƙi — Mai jegoMalama Bela’u Sabo a tattaunawa da wakilinmu ta ce “a lokacin da na samu karuwar na yi tawakkali da Allah, kuma yaran da na samu Allah Ya yi masu albarka.”
Wakilinmu ya nemin jin yadda yanayin cikin da kuma haihuwar ’yan ukun ya kasance wa maji jegon, idan aka kwatanta da ’ya’ya takwas da ta haifa kafin su, inda ta shaida masa cewa, “akwai bambanci gaskiya don su ba su motsi, dayan ma ke dan motsi can ba a rasa ba.
“Na haife su babu wata matsala ko wahala, cikin sauki suka fito, kan haka ina fatan sake samun ’yan uku in Allah Ya ba ni don suna sanya farin ciki.
“Matar gwamna ta zo ta yi min barka, zuwan ya zo da muhimmanci, ta ba ni kudi dubu 500 da buhu 10 da akwati uku da kwalin sabulu da kwalin Klin da jirgin wanka.
“Yara ta kawo masu kala 42, ta ba ni kala 10 turame da leshi da sauran kayan shafawa, na gode Allah, Ya kuma saka da alheri,” in ji mai jego.
‘Na samu fiye da abin da na roka’Angon karni, Malam Sabo Kaurar Yabo, ya ce “A lokacin da na samu labarin na samu karuwar yaro uku a lokaci guda, sai na ji kamar an yi min kyautar Aljanna, farin ciki ya mamaye ni.
“Ina buri da rokon Allah Ya ba ni tagwaye sai na samu uku gaba daya, wannan ita ce haihuwa ta tara, yanzu ina da ’ya’ya 11 da mace guda.
“Har yanzu in zan sake samu ’yan uku zan yi maraba da su ganin yadda suke da dimbin alheri, don matar gwamna ta kawo min raguna da kimarsu ta kai naia miliyan biyu. Sun share min hawayena.
‘Zan so in sami ’yan uku’Ganin wannan irin kabakin arziki da kuma alkawarin mai tsoka da matar gwamnan ta sa wasu matan jihar kara kwadayin haihuwar ’yan uku.
Wata matar aure mai da daya da ke burin haihuwar ’yan uku, Suwaiba Sani ta shaida wa wakilimu cewa, “Abin akwai farin ciki! Matar gwamna ta kawo maka kaya don haihuwa, ka ga ’yan uku wasu mutane ne na musamman. Zan so in same su, matar gwamna ta hidimta min, na samu daukaka nima.”
A ranar Litinin da ta gabata wakilinmu ya samu labarin an sake samun karuwar ’yan uku a garin Addam da ke Karamar Hukumar Shagari.
Sai dai har zuwa kammala wanann rahoton, matar gwamna ba ta kai ga zuwa garin ba don cika alkawarin da ta dauka.
‘Kayan barka ba sa raino’Wasu matan jihar da wakilin namu ya zanta da su don jin ko za su so su haifi ’yan ukun, bayan wannan da matar gwamnan ta yi, sun nuna sabanin haka.
Maryam Ibrahim mai ’ya’ya huɗu ta ce ta sha wahalar rainoni tagwaye don haka ba ta son ’yan uku.
“Na samu ’yan biyu a haihuwa ta biyu, kula da su da wuya, ba na burin haihuwar ’yan uku gaskiya, don biyun na san yadda na sha wahalarsu, kayan barka ba su ne raino ba, ni kam hakan bai sauya ra’ayina.”
Sadiya Muhammad ta ce, “Ni ba ni da burin na haifi ’yan uku a rayuwata, amma idan Allah Ya ba ni zan yi murna, yanzu haihuwata biyu ta uku na kan hanya.”
“Alkawarin matar gwamna bai tura ni zuwa sanya raina ga abin da ban gani ba, kuma ita abin buki ne kawai za ta kawo, sauran kula da su har su girma ba ruwanta da shi fa.
“Amma da ta yi wani tsari na daukar nauyin karatun yara zuwa jami’a, da zai sa wasu kwadayin samun yaran don ganin za a rage masu wani nauyi ba harkar buki ba.”
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma