Bukukuwan sallah tare da Malta Guinness a Birnin Kano
Published: 6th, June 2025 GMT
A yayin da al’ummomi a fadin Najeriya ke shirin Sallar Idi, daya daga cikin manya-manyan bukukuwan Musulunci,
Kano, cibiyar al’adun arewacin Najeriya, na shirin gudanar da wani biki Mai kayatarwa wanda Malta Guinness, ɗaya daga cikin samfuran kayan sha Mai dandanon Dadi da yayi fice a ƙasar nan, zai ƙaddamar da wannan biki na kwanaki uku da nufin zurfafa ruhin al’umma ta hanyar raba alheri da kyaututtuka ga masu rabo.
An tsara shirin ba a matsayin nunin tallace-tallace ba amma a matsayin taron nunin al’adu da ke tattaro irin kade-kade, da wasan kwaikwayo na gargajiya don nishadantarwa.
Za’ayi wannan ruguntsumi ne, a Dakin taro na Ado Bayero Hall, dake Kano, daga ranar 7 zuwa 9 ga watan Yuni, 2025.
A lokacin wannan shagali akwai gasar Mai rabo ka samu wato na raffle inda wasu iyalai zasu samu damar samun kyautar Ragon Layya a lokacin wannan ruguntsumi na Bikin baje kolin al’adun gargajiya don nishadantarwa da raya aladu alokacin Bikin Sallar babba.
Wannan gangami dai zai kunshi fitattun jaruman fina-finai irinsu Ali Nuhu, wanda ake yi wa kallon wata gada ta yaukaka al’ada atsakanin mutanen arewa, akwai kuma fitattun jaruman da suka hada da Chef Maah da Ali Nurudeen da zasu kasance awajen wannan shagali.
Shigarsu wannan ruguntsumi yana nuna mahimmancin shirin da dacewa da al’adu da kuma faɗakarwa yayin da suke ƙarfafa saƙon haɗin kai ga jama’a.
Malta Guinness’ yana ba da wani hoto ba kawai a matsayin masu tallafawa ba amma a matsayin mahalarta taron bunkasa al’adu yayin da Kano ke cikin bukukuwan murnar Idi,
Kar ku manta kyawawan abubuwan da aka raba – zasu zama abin farin ciki da kuma tunawa da alherin da Malta Guinness a tsawon lokaci.
উৎস: Aminiya
এছাড়াও পড়ুন:
Jihar Jigawa Ta Amince Da Karin Kasafin Kuɗi Na Naira Biliyan 75 Na Shekarar 2025
Gwamnatin Jihar Jigawa ta amince da ƙarin kasafin kuɗi na Naira Biliyan 75 na shekarar 2025, ga gwamnatin jiha da kuma ƙananan hukumomi 27.
Kwamishinan Yaɗa Labarai, Matasa, Wasanni da Al’adu na jihar, Alhaji Sagir Musa Ahmed ne ya bayyana haka jim kaɗan bayan zaman majalisar da aka gudanar a gidan gwamnati dake Dutse, babban birnin jihar.
Ya bayyana cewa, wannan ƙarin kasafin kuɗi ya samo asali ne daga ƙarin kuɗaɗen shiga domin biyan buƙatun kuɗaɗen da suka taso, da kuma ƙarfafa manyan fannoni da za su kawo ci gaba mai ɗorewa a faɗin jihar.
Alhaji Sagir Musa Ahmed ya ce, majalisar ta amince da Naira Biliyan 58 ga gwamnatin jiha da kuma Naira Biliyan 17 ga Kananan Hukumomi 27, wanda ya shafi kashe-kashen kudade na yau da kullum da kuma manyan ayyuka.
Ya ce, wannan ƙarin kasafin kuɗin zai inganta ayyuka da tsare-tsare da ake gudanarwa a muhimman fannoni irin su ilimi, kiwon lafiya, ababen more rayuwa, noma da sauran muhimman ayyukan ci gaba.
Sagir ya ƙara da cewa, za a mika ƙarin kasafin kuɗin ga Majalisar Dokokin Jihar domin tattaunawa da amincewa da shi, kamar yadda kundin tsarin mulki da ka’idojin kasafi suka tanada.
Kwamishinan ya ƙara jaddada cewa, wannan mataki ya nuna jajircewar gwamnatin jihar wajen gudanar da mulki bisa gaskiya da adalci, da kula da kuɗaɗen jama’a yadda ya dace, da kuma tabbatar da samar da ingantattun ayyuka ga al’ummar jihar baki ɗaya.
Usman Muhammad Zaria
Sarkin Saudiyya Ya Ɗauki Nauyin Falasɗinawa 1,000 Su Sauke Faralin