“Hadin Kan Kasashen BRICS” Ya Karfafa Shawo Kan Kalubale
Published: 10th, September 2025 GMT
A halin yanzu, sauye-sauyen da ba a taba ganin irinsu ba a cikin karni guda suna ci gaba da habaka cikin sauri, yayin da mulkin kama-karya, son kai, da kuma kariyar tattalin arziki suka kara yawaita. A wannan yanayi, a wajen taron yanar gizo na shugabannin kasashen BRICS da aka gudanar a ran 8 ga watan nan da muka ciki, shugaban kasar Sin Xi Jinping ya ba da shawarwari uku don karfafa “hadin kan kasashen BRICS” da kuma kafa kyakkyawar makomar bil’adama ta bai daya.
Wadannan shawarwari uku ba kawai sun nuna sabbin ayyuka da aikin da ke gaban kasashen BRICS ba, har ma sun ba da hanyoyin habaka ingancin hadin kan BRICS, ta yadda za ta zama karfi na farko a cikin sauye-sauyen tsarin daidaita harkokin duniya. A matsayin babbar kungiyar kasashe masu tasowa, tsarin hadin gwiwar BRICS tun daga shekarar 2006 ya ba da fa’ida ga kasashe masu tasowa, kuma ya zama karfi mai kwazo, daidaito, da kyautatawa a harkokin duniya.
Kasancewar mabambantan bangarori a duniya shi ne tushen zaman lafiya da ci gaba. Game da wasu kasashe dake amfani da kasuwanci a matsayin makamin tsoma baki cikin harkokin cikin gida na wasu, Sin ta ba da shawarar ci gaba da bude kofa da cin moriya tare da kuma kiyaye tsarin tattalin arzikin duniya. Wannan ya sami amincewar shugabannin da suka halarci taron, kuma ya ba da karin tabbaci ga al’ummar duniya. Daga taron tattaunawa kan zuba jari na kasa da kasa na Sin (CIFIT) da taron hada-hadar ba da hidima (CIFTIS), har zuwa bikin baje kolin kayayyakin da ake shigowa da su kasar Sin daga ketare (CIIE) da za a gudanar a watan Nuwamba, Sin ta dauki hakikanin matakai don raba damammaki da samun nasara ta hanyar bude kofarta ga kasashen BRICS, da kuma inganta tattalin arzikin duniya mai bude kofa, don bai wa kasashe masu tasowa karin damammaki shiga cikin hadin gwiwar duniya da raba sakamakon ci gaba yadda ya kamata.
Dabara ta rage ga mai shiga rijiya, dole ne a inganta harkokin cikin gida ta yadda za a iya shawo kan kalubalen waje da kyau. A nan gaba, hadin gwiwar BRICS zai samar da karin sakamako a fannonin kasuwanci, kudi, da fasaha, don kara karfafa tushen “hadin kan kasashen BRICS,” da kara karfi da tasirinsa baki daya. (Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Ya Kamata Sin Da Amurka Su Zama Kawayen Juna Ba Abokan Gaba Ba
Sai dai don neman cimma burinta na “sake mayar da kasar Amurka zakaran gwajin dafi”, kasar Amurka ta sha daukar matakai na dakile ci gaban kasar Sin, ciki har da katse huldar tattalin arziki da ita da ma sanya takunkumai ga kamfanoninta masu ci gaban kimiyya da sauransu, duk da hakan, kasar Sin ta kiyaye bunkasar tattalin arzikinta yadda ya kamata, har ma karuwar tattalin arzikinta ta kai kaso 5.2% a cikin watanni tara na farkon bana, lamarin da ya shaida inganci da juriya na tattalin arzikin kasar. A kwanan nan, kasar Sin ta zartas da shawarwarin da aka gabatar game da tsara shirin raya tattalin arziki da zaman al’umma cikin shekaru biyar masu zuwa, kuma bisa ga shawarwarin, za a tsara shirin raya kasa na shekaru biyar biyar karo na 15 na kasar. Cikin sama da shekaru 70 da suka wuce, kasar Sin ta yi ta kokarin aiwatar da shirye-shiryen ba tare da kasala ba, ba don neman kalubalantar wata ko maye gurbinta ba, amma don mai da hankali a kan raya kanta da kuma bayar da damammaki na samun ci gaba ga sauran kasashen duniya.
Ganawar da aka yi a wannan karo ta kasance ta farko a tsakanin shugabannin kasashen biyu tun bayan da shugaba Trump ya sake hawa karagar mulkin kasar Amurka. Kafin wannan kuma, shugabannin biyu sun taba tattaunawa da juna ta wayar tarho har sau uku, don nuna alkiblar bunkasar huldar kasashensu. Tun bayan watan Mayun da ya gabata, bisa daidaiton da shugabannin biyu suka cimma, tawagogin kasashen biyu sun gudanar da shawarwarin tattalin arziki da cinikayya har sau biyar. A sabon zagayen shawarwarin da aka gudanar a baya bayan nan a birnin Kuala Lumpur, sassan biyu sun yi musayar ra’ayoyi kan batutuwan tattalin arziki da ciniki da ke janyo hankulansu duka, tare da cimma matsaya daya a kan matakan da za a dauka. Lallai ta hanyar yin shawarwari da juna cikin daidaito, sassan biyu sun kai ga karfafa fahimtar juna da amincewa da juna, hakan kuma ya shaida cewa, yin shawarwari da juna ya fi yin gaba da juna, kuma Sin da Amurka suna iya raya kansu tare da tabbatar da ci gabansu na bai daya.
Kasancewarsu kasashe biyu mafiya karfin tattalin arziki a duniya, alhakin da ke rataya a wuyan Sin da Amurka ne su gano hanyar da ta dace ta cudanya da juna. Kasashen biyu za su iya karfafa ginshikin huldarsu da samar da kyakkyawan yanayi na bunkasa kansu, tare da samar da karin tabbas da kwarin gwiwa ga duniya, muddin sun tabbatar da daidaiton da shugabanninsu suka cimma, kuma suka yi hangen nesa tare da nacewa ga yin shawarwari da juna wajen daidaita sabaninsu, da kuma inganta hadin gwiwarsu da mu’amala da juna a kai a kai.
ShareTweetSendShare MASU ALAKA
Dakarun Juyin Juya Halin Musulunci Sun Kama ‘Yan Leken Asirin Isra’ila A Lardin Mazandaran Na Kasar Iran