WTO Na Darajanta Tallafin Kasar Sin a Bangaren Cinikayya Ga Kasashe Masu Tasowa
Published: 19th, June 2025 GMT
Kungiyar cinikayya ta duniya wato WTO, ta kira taro karo na 63 mai taken “Ba da tallafin ciniki” a jiya Talata a birnin Geneva. Yayin da aka tattauna bisa ajandar “Makomar hadin gwiwar kasashe masu tasowa da saurin bunkasuwa”, Sin ta yi cikakken bayani kan dabaru, da fasahohi da Sin take da su a fannin tallafawa sauran kasashe masu tasowa wajen gina manyan ababen more rayuwa, da gaggauta karfin samar da tsare-tsaren cinikayya, matakin da ya samu karbuwa matuka daga mahalarta taron.
A bangaren nahiyar Afirka, kasar Mozamqiue ta darajanta kokarin da Sin take yi na karawa kasashe masu tasowa kwarin gwiwar gina ingantattun manyan ababen more rayuwa, da gaggauta karfin samar da tsare-tsare, karkashin tsarin hadin gwiwar kasashe masu tasowa, matakin ya bayyana niyyar Sin na cika alkawuran da take yi na tabbatar da tsarin gudanar da cinikayya tsakanin mabambantan bangarori, da amfanar da al’ummun kasashensu. A bangaren wakilcin kasashe mafiya karancin ci gaba, wakilin Nepal ya bayyana godiya ga taimakon da Sin take ba su, a bangaren zamanantar da na’urorin kwastam, da kafa dokar ciniki, da samun ci gaba mai dogaro da yanar gizo da sauransu.
Ban da wannan kuma, tawagar Kamaru ta yi godiya ga gudunmawar da Sin take bayarwa ga nahiyar Afirka a bangaren gina manyan ababen more rayuwa, da tabbatar da zaman doka da oda da habaka karfinsu, matakan da suka ingiza bunkasar nahiyar a dukkanin fannoni masu dorewa. A nata bangare, tawagar kasar Tanzaniya, ta jinjinawa tallafin da Sin take baiwa kasashen Afirka a bangaren ciniki, tana godiya da kokarin da Sin take yi na zurfafa hadin gwiwar kasashe masu tasowa, bisa hanyar kirkire-kikire da take bullowa da su, ta yadda kasashe masu tasowa za su shiga a dama da su cikin tsarin cinikin duniya yadda ya kamata. (Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: kasashe masu tasowa
এছাড়াও পড়ুন:
Ranar Foliyo Ta Duniya: Muna Fatan Ganin Karshen Cutar Foliyo A Jihar Katsina -Zulaihat Dikko Radda
A cewar ta a cikin shekarar 2024 jihar Katsina kawai ta samu masu wannan cuta mutum 17 tare da guda biyu a karamar hukumar Danmusa a cikin wannan shekara
Haka kuma Hajiya Zulaihat Radda ya bada tabbacin cewa kowane yaro an tabbatar da ya amshi allurar Riga-kafin shan Inna
Ana jawabin wakilin asusun tallafawa yara na UNICEF na ofishin Kano, Rahama Mohammed Farah ta yabawa kokarin jihar Katsina na dawo da sabon yunkurin kawar cutar shan Inna a Nijeriya baki daya
Ya kuma bayyana cewa asusun kula da kananan yara na UNICEF Yana hadin gwiwa da gwamnatoci da hukumomi da masu ruwa da tsaki a kananan hukumomi domin ganin wajen fadakar da al’umma akan allurar Riga-kafin shan Inna a jihar Katsina.
Shima da yake jawabi shugaban hukumar lafiya a matakin farko ta Jihar Katsina Dakta Shansudeen Yahaya ya yi alkawarin cigaba da wayar da kan al’umma akan wannan cuta ta shan Inna da sauran cututtuka masu kashe yara a kananan hukumomi 34 na jihar Katsina
Wadanda suka shaida wannan bikin ranar ‘Polio’ ta duniya sun hada da hukumar lafiya ta WHO da kuma masu lalurar cutar shan Inna da wakilan asusun UNICEF da matan shugabannin kananan hukumomi 34 na jihar Katsina
ShareTweetSendShare MASU ALAKA
HKI Ta Roki Amurka Ta Taimake Ta A Fada Da Kasar Yemen