Musulman Kudancin Kaduna sun zargi manyan yankin da juya gaskiya
Published: 7th, September 2025 GMT
Ƙungiyar Al’ummar Musulmi ta Kudancin Kaduna mai suna ‘Concerned Muslim Ummah’ ta zargi wasu manyan mutane a yankin da haifar da rarrabuwar kawuna da kuma juya tarihi domin cimma manufofin siyasa.
A taron manema labarai da ta gudanar a Kaduna, ƙungiyar ta yi watsi da iƙirarin cewa Kudancin Kaduna na da Kiristoci ne kaɗai.
Ta jaddada cewa Musulunci ya daɗe da wanzuwa a yankin tun ƙarnoni da suka gabata, inda ta ce Musulmi sun kai kusan kashi 40 cikin ɗari na al’ummar yankin.
Ƙungiyar ta ce tashe-tashen hankula kamar na Zangon Kataf a 1992 da rikicin bayan zaben 2011 sun tabbatar da cewa rikice-rikicen yankin ba wai na yanzu ba ne.
Bikin naɗin Sarkin Ibadan yan hana Musulmi Sallar Juma’a — MURIC APC ta yi barazanar hukunta “Yaran Badaru” a JigawaTa kuma zargi wasu daga cikin manyan yankin da cin gajiyar rikice-rikice, nuna wariya ga Musulmi a masarautu, ƙirƙirar adadin jama’a saɓanin gaskiya da kuma yi wa gwamnati barazana.
Ta kuma jaddada rawar da Musulmi suka taka a zaɓuɓɓukan baya, ciki har da goyon bayan da suka bai wa Gwamna Uba Sani da Shugaba Bola Tinubu a zaɓen 2023.
Yayin da ta yaba da salon mulkin haɗin kan gwamnan, ƙungiyar ta buƙace shi da ya ci gaba da yin taka-tsantsan daga siyasar barazana.
Haka kuma ta kira kafafen yada labarai da su riƙa bayar da rahoto bisa gaskiya tare da jan hankalin al’umma su guji siyasar rarrabuwar kawuna.
A ƙarshe, ƙungiyar ta sake jaddada goyon bayanta ga zaman lafiya da haɗin kai a Jihar Kaduna.
উৎস: Aminiya
কীওয়ার্ড: Gaskiya
এছাড়াও পড়ুন:
Gwamnatin Jihar Kwara Ta Kafa Kwamitoci 2 Don Tantance Wadanda Suka Yi Ritaya
Daga Ali Muhammad Rabi’u
Gwamnatin Jihar Kwara ta kafa kwamitoci biyu domin tantance bayanan wadanda suka yi ritaya a matakin jiha da kananan hukumomi.
A cikin wata sanarwa da Kwamishinar Kudi ta jihar, Dakta Hauwa Nuru ta fitar, ta bayyana cewa kwamitocin za su tantance tare da tabbatar da sahihancin bayanan wadanda suka yi ritaya, domin a biya su bisa lokacin da suka bar aikin gwamnati.
A cewarta, kwamitin mutum takwas da aka kafa don kula da kudaden ritaya na matakin jiha zai kasance karkashin jagorancin Mai Duba Asusun Jiha, wato (Auditor General), yayin da wanda ke kula da matakin kananan hukumomi zai kasance karkashin Mai Duba Asusun Kananan Hukumomi.
Sanarwar ta bayyana cewa babban burin kwamitocin shi ne tabbatar da cewa an tattara bayanan masu ritaya bisa gaskiya da adalci, tare da biyan su kai tsaye ta asusun ajiyar banki.
Ta kara da cewa, mambobin kwamitocin sun hada da wakilan tsofaffin manyan sakatarorin, kungiyar tsofaffin ma’aikata, Kungiyar Kwadago ta Najeriya (NLC), da kungiyar kwadago ta TUC, da sauransu.
Nazari Kan Taraktoci 2,000 Da Tinubu Ya Kaddamar Don Bunkasa Noma