Ba abin mamaki ba ne idan na fice daga NNPP – Abdulmumin Kofa
Published: 5th, September 2025 GMT
Dan Majalisar Wakilai na mazabar Kiru/Bebeji daga jihar Kano kuma jigo a jam’iyyar NNPP, Abdulmumin Jibrin Kofa, ya ce ba zai zama abin mamaki ba idan ya fice daga jam’iyyar.
Ya kuma ce da arzikinsa ya shiga tsarin Kwankwasiyya, kuma ya bauta mata da kudinsa kamar yadda ita ma Kwankwasiyyar ta taimake shi.
A tattaunawarsa da DCL Hausa ranar Alhamis, dan majalisar ya ce shekarunsa sun kai ya san abin da ya fi dacewa da shi kuma ya yankewa kansa hukunci kan abin da fi dacewa da shi.
Kofa ya ce, “Ita kanta jam’iyyar ta NNPP ta ce tana nazarin abin da ya dace da ita, saboda haka ba wai dole ne inda jam’iyyar ta nufa na ce dole ni ma can zan bi ba.
“Shekaruna sun kai inda zan iya yanke wa kaina hukunci kan abin da ya fi dacewa da ni,” in ji dan majalisar.
Sai dai ya ce Kwankwaso maigidansa ne kuma zai ci gaba da girmama shi ko suna jam’iyya daya ko ba sa tare.
“Ko ina tare da Kwankwaso ko ba ma tare, ba za ka taba ji na taba shi ba. Shi kansa Gandujen ban taba zaginsa ba don ma tare.
“Ban taba zuwa neman a ba ni kwangila ba a gwamnatin Kwankwasiyya duk da cewa da ni aka kafa ta. Kwankwasiyya ta yi min rana, amma ni ma na yi mata,” in ji shi.
Ya kuma yi zargin cewa babu wanda ya taimake shi lokacin da yake fama da rigimar dakatar da shi da aka yi lokacin da ya zargi jagorancin Majalisar Wakilai a 2016, kan rikicin zargin cushe a kasafin kudi.
Da aka tambaye shi yaushe zai bar jam’iyyar, sai ya ce, “Komai mai iya yiwuwa ne. zan iya tsayawa a NNPP, zan iya barinta, zan iya komawa APC, idan na gad ama na tafi PDP, ko ADC ko ma PRP. Duk inda nake so idan na ga dama zan tafi. A lokacin da na yanke hukunci kowa zai sani.”
উৎস: Aminiya
কীওয়ার্ড: a jam iyyar
এছাড়াও পড়ুন:
Kofin kofi mafi tsada a duniya ya shiga kasuwa a kan Naira miliyan 1.5m
Wani gidan shan kofi a birnin Dubai ya fara sayar da kofi guda na haɗaɗɗen kofi a kan kusan Dala 1,000, wato kimanin Naira miliyan 1.5, wanda da haka ya zama mafi tsada a duniya.
Gidan shan kofin mai suna Julith Café — da ke cikin unguwar masana’antu da ya zama sabuwar cibiyar masu son kofi, shi ne ya ƙaddamar da wannan sabon nau’in abin sha mai daraja.
Ana sa ran gidan shan kofi ɗin zai fara ba da wannan abin sha ga mutane kimanin 400 kacal, ciki har da wani ɗan adadi da aka tanadar wa dangin gidan sarautar Dubai.
Wani daga cikin masu mallakar gidan, Serkan Sagsoz, ya ce sun zaɓi Dubai ne saboda “birni ne da ya dace da irin jarin da ke nuna ƙawa da kuma salo.
“Mun ga Dubai a matsayin wuri mafi dacewa don wannan kasuwanci. Wannan birni ne da ke son abubuwan da suka bambanta,” in ji Sagsoz.
’Yan bindiga sun sace fasinjoji a cikin motocin bas a Kogi Amurka ta sanya Najeriya cikin ƙasashen da ake yi wa Kiristoci kisan ƙare dangiKofin kofi ɗin, wanda ake sayarwa a kan Dirhami 3,600 (kimanin 980), an yi shi ne daga ’ya’yan kofi na musamman da ake kira Nido 7 Geisha ,daga ƙasar Panama — waɗanda aka saya a gasa ta duniya bayan tashin rububin mai tsanani tsakanin masu saye.
Kamfanin Julith Café ya ce ya biya kimanin Dirhami miliyan 2.2 (dala 600,000) don sayen kilo 20 na waɗannan ’ya’yan kofi, abin da ya kafa sabon tarihin farashi mafi tsada da aka taɓa sayen kofi a duniya.
Sagsoz ya bayyana cewa kofi ɗin yana da ƙamshi da ɗanɗano na musamman. “Yana da ƙamshin furanni farare irin na jasmine, ɗanɗanon lemo da bergamot, har da ɗanɗano irin na apricot da peach. Kamar zuma yake — laushi kuma mai daɗi sosai.”
A bara, wani gidan kofi mai suna Roasters ya kafa tarihin Guinness na kofin kofi mafi tsada a duniya a Dubai, inda ya sayar da shi a kan Dirhami 2,500, amma yanzu Julith Café ta karya wannan tarihin.
Wasu mazauna Dubai sun ce duk da abin mamaki ne, amma abin ba baƙo ba ne a garin da aka sani da abubuwan alfarma.
“Abin mamaki ne amma ai wannan Dubai ce,” in ji wata mazauniya mai suna Ines.
“Ai akwai masu kuɗi, wannan wani sabon abin alfahari ne kawai,” in ji wata mai suna Maeva.
Ana sa ran gidan shan kofi ɗin zai fara ba da wannan abin sha ga mutane kimanin 400 kacal, ciki har da wani ɗan adadi da aka tanadar wa dangin gidan sarautar Dubai.
Shin idan kuna da kudin za ku saya?
Tinubu Yana Goyon Bayan Ƙananan Hukumomi Su Ci Gashin Kan Su – Minista