‘Yan Wasan Afirka Da Ake Ganin Za Su Yi Abin Kirki A Kakar Bana
Published: 31st, August 2025 GMT
Ko Mbeumo zai dawo wa United da karsashinta?
Dan wasan dan kasar Kamaru Bryna Mbeumo ya zama abin tattaunawa kuma mafi tsada a ‘yanwasan Afirka lokacin da ya koma Manchester United kan fani miliyan 65 daga kungiyar kwallon kafa ta Brentford. Dan kwallon mai shekara 25 ya ci kwallo 20 a gasar da aka kammala da kuma bayarwa a ci bakwai.
Mbeumo zai fuskanci matsi nan take domin ya nuna kwarewarsa tare da Matheus Cunha da Benjamin Sesko wadanda duka kungiyar ta sayo a wannan kakar domin kara karfin ‘yanwasan gabanra da kuma kokarin ci gaba da zura kwallaye a raga duk da cewa bayan buga wasanni biyu a gasar firimiya har yanzu babu daya daga cikinsu da ya zura kwallo a raga.
Wani babban cinikin da aka yi shi ne wanda dan wasa Mohammed Kudus ya kawo karshen zaman shekara biyu da ya yi a kungiyar West Ham kuma ya koma Tottenham kan fan miliyan 55. Danwasan na Ghana ya taka rawa sosai a West Ham a kakar farko, amma bai yi kokari ba a kaka ta biyu saboda yadda ya yi fama da salon wasa na mai horarwa Graham Potter.
Irin kokarin da dan wasan mai shekara 24 din ya yi shi ne ya sa kungiyoyi da dama suka dinga nemansa, kuma yanzu Tottenham za ta so ya nemo wannan bajintar tasa domin taimaka mata a sabuwar kaka. Saboda samun damar buga gasar zakarun Turai ta Champions League na daya daga cikin dalilan da suka sa ya koma kungiyar Tottenham ta birnin London.
Yayin da tauraron danwasa Son Heung-Min ya bar kungiyar, da kuma James Maddison da ya ji rauni, Kudus zai iya zama mai muhimmancin gaske tun daga farkon kaka.
Ko Ait-Nouri zai taimaki Man City dawo da martabarta?
Bayan komawa mataki na uku da kuma kammala kakar 2024 zuwa 2025 ba tare da wani kofin kirki ba, Manchester City za ta danno da karfinta domin daukar kofi. Kungiyar ta shiga kasuwa da wurwuri domin daukar danwasan baya daga bangaren hagu Rayan Ait-Nouri, kuma danwasan mai shekara 24 ya fara buga mata wasa a gasar Club World Cup da ba ta je ko’ina ba. Dab wasan dan kasar Aljeriya ya koma Manchester City ne daga Wolbes a kan kudi fam miliyan 31.
Ait-Nouri ya nuna barazanar kai hari sosai daga gefensa duk da yadda Wolbes ta sha fama a kakar bara, inda ya ci kwallo hudu da kuma bayar da bakwai a zira a raga. Bayan ya samu wuri a Manchester City, tabbas mai horarwa Pep Guardiola zai so sabon mutumin nasa ya kara wuta wajen jawo kwallo daga baya zuwa gaba, sai dai bai taimakawa kungiyar ba a wasan da suka yi Rashin nasara a hannun Tottenham a ranar Asabar.
Adingra a Sunderland. Kungiyar Sunderland ta dawo buga gasar Premier League a karon farko tun 2017, kuma tuni ta karade kasuwar sayen ‘yanwasa, har ma ta sayi 11.
Shida daga cikinsu ‘yan Afirka ne. Ta kashe kudi mafi yawa a tarihinta fan miliyan 30 kan dan kasar Senegal Habib Diarra, da daukar Arthur Masuaku da Noah Sadiki ‘yan kasar Kongo, da dan Mozambikue mai suna Reinildo, da Chemsdine Talbi na Morocco.
Simon Adingra da ya ci kofin Afcon 2023 da kasarsa Ibory Coast na cikin mutanen da ya sauya sheka daga kudu zuwa arewaci bayan fara wasa 12 kacal a kakar bara. Yayin da yake cikin ‘yanwsan da suka san Premier League, dan kwallon mai shekara 23 zai so ya taimaka wa Sunderland ci gaba da zama a gasar.
Har yanzu West Ham za ta ci gaba da aiki da dan Afirka bayan ta biya fan miliyan 19 wajen daukar El Hadji Malick Diouf daga Slabia Prague.
Kociyan kungiyar Graham Potter ya ce dan wasan Senegal din mai shekara 20 yana da yunwar buga wasa da kuma buri mai yawa saboda haka za su taimaka masa wajen cika burinsa kuma West Ham United ce kungiyar da zai samu wannan damar.
Shima danwasan Kongo Aedel Tuanzebe zai so ya sake guje wa barin gasar ta Premier a karo na biyu bayan ya koma Burnley daga Ipswich Town. Ganin cewa sai a ranar 1 ga watan Satumba za a rufe kasuwar saye da musayar ‘yan kwallon, akwai ‘yanwasan Afirka da za su motsa a bana zuwa Premier.
Dan wasan Senegal da Chelsea, Nicolas Jackson ya samu izinin barin Chelsea a kasuwar nan, yayin da shi ma na Kongo Yoane Wissa ke shirin barin Brentford zuwa Newcastle United.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: mai shekara
এছাড়াও পড়ুন:
NECO ta saki sakamakon jarabawar 2025
Hukumar Shirya Jarabawa ta Ƙasa (NECO), ta fitar da sakamakon jarabawar kammala sakandare (SSCE) na shekarar 2025.
Daga cikin ɗaliban da suka zana jarabawar guda 818,492, kashi 60.26 sun ci aƙalla darusa biyar da suka haɗa da Lissafi da Turanci.
Saudiyya ta saki ’yan Najeriya 3 da ta kama kan zargin safarar miyagun ƙwayoyi Gwamnati ta fara duba yara marasa galihu kyauta a asibitin Aminu KanoShugaban NECO, Farfesa Dantani Ibrahim Wushishi, ya ce ɗalibai 1,367,210 suka yi rajistar jarabawar; maza 685,514 da kuma mata 681,696.
Amma daga cikinsu, ɗalibai 1,358,339 ne suka zana jarabawar.
Ya ce ɗalibai 1,144,496, wanda ya kai adadin kashi 84.26, sun samu darusa biyar ba tare da cin Lissafi da Turanci ba.
Sai dai an dakatar da sakin sakamakon makarantu takwas a Ƙaramar Hukumar Lamorde ta Jihar Adamawa saboda rikicin ƙabilanci da ya auku tsakanin 7 zuwa 25 ga watan Yuli, 2025.
Rikicin ya yi sanadin wanda ya hana zana jarabawar darusa 13 da takardu 29.
Hukumar na tattaunawa da gwamnati don sake bai wa ɗaliban damar rubuta jarabawar.
NECO ta kuma bayyana cewa an samu makarantu 38 daga jihohi 13 ds laifin aikatar satar amsa yayin zana jarabawa.
Za a gayyace su zuwa babban ofishin NECO kafin ɗaukar mataki a kansu.
Haka kuma, hukumar ta dakatar da mutum tara da ke aikin sanya ido sake kula da jarabawa saboda gazawarsu wajen hana satar amsa.
Mutanen da aka dakatar, uku sun fito daga Jihar Ribas, uku daga Babban Birnin Tarayya, da kuma mutum ɗai-ɗai daga Jihohin Neja, Kano da Osun.
Sarkin Saudiyya Ya Ɗauki Nauyin Falasɗinawa 1,000 Su Sauke Faralin